台灣抗疫做得太好反害美國

　　當新冠疫情向全世界肆虐，台灣不斷向自己面上貼金。蔡小姐話台灣早已通知世衞新冠肺炎是可以人傳人，誰不知畀台灣名咀話蔡英文是否不識英文，台灣向世衛發出的電郵幾時講過可以人傳人，台灣政府沒有回應，事情相信是不了了之。其實，蔡小姐不但不識英文，而且跟官咁耐唔知官姓乜，特朗普唔交會費，並且揚言要退出世衛，另起爐灶。台灣點解咁要申請加入世衛，同特朗普搞對台，要申請都申請新的世界衞生組織。特朗普已經嬲到爆炸，蔡小姐竟然毫無感覺。

　　台灣現在不時標榜自己防疫做得最好，無形中是落特朗普的面子。全世界的人唔講，但全世界的人都知道美國防疫做得最差，中國死了咁多人，爭取到的防疫時間，美國都唔識得利用。其中一個原因就是台灣的防疫做得太好，令美國人掉以輕心，以為新冠病毒不過爾爾。特朗普當然唔會相信中國大陸，但台灣是自己條靚，唔到佢唔信，現在特朗普話要追究責任，大家都以為是中國，但我認為有可能是台灣，台灣的確診人數雖然很少，但台灣沒有講做了幾多測試。如果測試少，確診一定少，所以香港何柏良醫生要求醫管局每日除了公報確診數字之外，亦要公報測試數字。我並不懷疑台灣數字做假。不過，想知道台灣做了幾多測試。