近日市場受到社運以及新冠肺炎病毒蹂躪，經濟急速
轉壞，各行各業都受到影響，不少老闆帶頭減薪。有老友問點解我唔減薪。其實，老闆減薪只是裝模作樣，因為荷包兜肚，兜肚荷包，老闆減薪即是公司支出減少，公司又是老闆，減唔減薪又有什麼關係。不過，老闆是項莊舞劍，意在沛公，希望各同事在他帶領下接受減薪。所以，我是不會減薪，各同事亦毋須減薪。
大家都知道銀行別名是好天放遮，落雨就會收遮。所以，千祈唔好畀機會銀行收遮，如果老闆減薪，伙計又要減薪，代表生意是非常困難，某些銀行不但不會支持，而且仲要那些客戶還錢。這個情況在2008年環球金融海嘯的時候已經出現過，其實，經常都會出現，但銀行沒有做得不對，因為利息收入是很微薄，有乜依郁，銀行一定要保本為主。所以，銀行客戶要懂得包裝自己，減薪即是打開肚皮，銀行唔追數就有鬼。
其實，做老闆應該在這困難的時候挺身而起，減薪不可以，但可以唔收薪金，不過要有一個條件，就是不能減基層員工的薪金。管理層應該主動減薪，如果這樣做，銀行應該唔會向一個咁好老闆追數。老實說，在疫情未退情況下，減薪所起到的作用是很少，現在最緊要是公司能夠保持隊形，一但疫情減退，公司所有員工可以以最快速度投入工作。否則，就算減薪成功，所得到的是反效果。
