有人對我講，朝鮮肥仔金實在太殘忍，將那些從中國回來沒有遵守隔離規定的朝鮮人槍斃。其實，唔遵守隔離措施只是小事一樁，香港經常會發生，就算香港人去到台灣都沒有遵守，唔使搞到槍斃咁大件事。我話見仁見智，香港因為沒有嚴格執行隔離措施懲罰，所以不少人沒有遵守隔離措施，甚至在記者鏡頭面前講不會遵守。我們的官員好嘢，一於借咗聾耳陳隻耳，只是不斷講話有三次機會。既然係咁，就毋須訂下監禁半年，罰款25000的懲罰條款。現在，被隔離的人士知道，就算被捉到都有三次機會，唔走簡直是浪費。三次機會其實是鼓勵，政府可能唔知道。
官員究竟有沒有考慮到，如果被要求家居隔離的人確診，而他們又在確診前四出與親朋戚友晚飯聚會，令到更多人染上新冠肺炎，甚至有人死亡，政府是否對得起那些受害者。唯今之計，就是判一兩單重刑，睇吓有冇人夠膽以身試法。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
沒有遵守隔