昨日同王弼，青姐在有線電視做節目，講講下竟然講到王弼去年買樓，
當時在春茗開席前，王弼問我他睇中的單位是否買得過，物業代理話業主願意減多少價，我約略睇下資料，二千幾呎大宅，上佳地點，呎價平過沙田第一城，點解買唔過，王弼聽到之後，十五分鐘就買了，所以，到現在當王弼有人叫我做大淡友，他會替我解圍，會對人說他是我提議他買樓，又怎會是大淡友，但很可惜，一般人只是提及我曾經話細價樓爆煲，但沒有提及我叫人啱價，啱用就要買樓，令到我得到一個大淡友的稱號。
在這兩三年，有很多人問我是否應該買樓，我首先睇那些人的財務狀況，如果沒有問題，就會話有需要就可以買，再睇物業地點及樓價，如果兩者俱佳，好似王弼的例子，就話一定要買，兼會話唔好還價，唔還價代表掌握主動權，買到的機會大很多，如果問我的人財力不足，要財仔幫手才可以買樓，我會老實說買樓是可以，但他們要問自己可不可以守得住，而非問我可不可以買樓。
對於經常有人問我是否應該買樓，心?有多少疑問，於是有一次問其中一個人，答案原來是很有哲理，他說因為我是比較睇淡樓市的人，如果我話買得過，就一定買得過，唔通問那些物業代理，很高深的學問。
