報導話美國總統特朗普只是用了三日，便批准用巡航導彈轟炸敍利亞，最初話用了70枚，後來改為59枚，我覺得這兩個數字都正確，因為有11枚巡航導彈射唔出，但話特朗普用了三日，就一定不正確，三個小時就差不多，生意人知道，做刁冇過夜，用三日做決定，容乜易被普京大帝知道，預先警告美國唔好炸敍利亞，變成被大帝牽着鼻子走，今次炸敍利亞，特朗普將物業投資者的「快狠」發揮得淋漓盡致，「準」就差多少，點解唔用無人飛機，不但較戰斧準確，而且又平又環保，所以，國內網民話戰斧大約等如iPhone4，唔用都冇用，我都覺得
有道理。
在習特會，特朗普發揮生意人的本色，不但說與習主席建立友誼，而且對習主席邀請他訪華，用了從速來回答，這是生意人的答案，如果是奧巴馬，就會話非常多謝習主席邀請，白宮幕僚會有適合安排，希望在短期內能夠與習主席共聚共醉，講完等如冇講，習主席都唔知道奧巴馬是否答允，特朗普就唔同，從速不但代表非常開心接受邀請，而且是愈快愈好，生意人睇生意人治國，好似順眼一些。
