雖然四位新特首候選人仍然未取得足夠入場票，但戰幔已經正式展開，所以，我又要開始寫新特首選戰，今次寫法與過往不同，可能幾日唔寫一篇，亦可能一日寫幾篇，視乎選情而定。
有老友問我撐曾俊華抑或林鄭，我話兩個人都撐，所以，我兩個都唔撐，這是家母教女方法，當我兩位家姐有爭拗，各自去爭取阿媽支持，我阿媽就會話，兩個我都支持，所以兩個佢都唔支持，沒有阿媽支持，爭拗事件很快會平息，我阿媽又可以繼續做賢母，兩位家姐唔會話佢偏幫對方。
老友問，如果有候選人要我撐，有什麼條件，我話這種事不會發生，如果真的發生，我是有條件，除了輸咗唔好賴我之外，當選後千祈唔好叫我做官，什麼太平紳士，勳章更加唔好預我，容許我繼續寫文章，在合理情況下繼續批評政府政策，其實，各位撐人的人，都應該有此心理準備，否則，新特首上任，人情債怎樣還也還不完，又怎麼可以做一位為香港、香港人做事的特首。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
多謝Tony哥^^
願丁酉年吉星高照，心想事成 !
姐有爭拗，各自去爭取阿媽支持，我阿媽就會話，兩個我都支持，所以兩個佢都唔支持，沒有阿媽支持，爭拗事件很快會平息，我阿媽又可以繼續做賢母，兩位家姐唔會話佢偏幫對方。