周顯﹕湯文亮的「剛性需求」
【明報專訊】什麼是買樓的「剛性需求」？有人說，年輕人要結婚，買樓搬出家住，這就是剛性需求了。
問題在於，你看看今日的年輕人，有幾個可以負擔得到買樓結婚？如果沒錢，根本談不上有剛性需求可言。我忽然想起一個朋友，很多年前，他說了一句很精警的話﹕「你話人窮幾慘，窮人連人都做不了，要被人叫做窮鬼！」那時我們都很窮，相視苦笑。
說回正題。話說我有一個中產階級朋友，都唔係好有錢，十億八億身家咁，就是Mr鍾，作家筆華棋的父親。話說他的長子，也即是筆華棋的哥哥結婚，也沒有為此而買樓，只是在其名下，挑了一間1700呎的梅道apartment畀對新婚夫婦住啫。
買樓剛性需求前提是有錢
呢間屋，其實都好普通，我就不大鍾意嘞，因為沒有車位，兩口子只有每日司機車出車入，如果司機放假，就很不方便了。我計過，司機每年大約要放130日假，一個人要9點上班，晚上可能應酬到12點才回家，所以要3個司機或以上來輪班，才足夠使用，這當然不是一個普通的中產階級所願意負擔的。
所以呢，你說他們結婚買樓，究竟有沒有剛性需求呢？沒有。這正如許晉亨結婚，老竇咪送佢一間曉廬住囉！又何來剛性需求呢？
真正買樓的剛性需求，是湯文亮。有一天，我碰到他，他說又買了幾個單位，我問他﹕「乜你好睇好未來樓價咩，成日買樓。」
他的回答是﹕「我一個月收幾千萬租，啲現金唔通擺住唔用咩，樓價升，樓價跌，都要買樓架啦！」
嗱！呢啲就叫做「剛性需求」啦！簡直是剛到唔剛𠻹呀！
好香港樓市的因素都去如黃鶴，一去不復返，唯一可以預測得到就是這個情況將會在未來一年至年半出現，換句話說，到了明年底，香港的業主有很多會變成負資產者，我的「細價樓爆煲論」相比上述言論，簡直是一篇睇好樓市文章，他才是大淡友。
