有傳媒朋友問我，現在樓市不時出現超高價或者超低價成交，行內人話樓市兩極化，究竟有什麼啟示，其實，兩極化就是一個答案，樓市開始轉角，是下跌先兆，我相信有人或者唔明白，點解唔會係升市先兆，兩極化，有升有跌，唔明我點解咁肯定是跌市先兆。

　　其實道理很簡單，不過，要花一些心思才會明白，如果做業主知道物業可以高價賣走，就算不能夠賣到高價，最低限度都可以賣到市價，是沒有理由會接受低價，業主願意接受低價，唯一理由是他沒有辦法以市價賣走物業，而高價出現，就是因為某些買家因為某些理由，沒有辦法唔出高價買樓，但不會經常發生，在另一方面，買家知道有低價成交，一定唔會出高價買物業，除非唔買唔得，如果樓市上升，樓價是會出現超高價成交，高價成交，兩者是非常接近，才會將樓價逐步推上，俗話叫做一浪高過一浪，當成交價高低幅度拉遠，即是買家不再追逐高樓價，反而有一部分業主肯接受較低出價，樓市便會開始下跌，倘若跌勢明顯，有人會話樓市轉角，亦即是大家所說的轉角市，不過，轉角市的形成是有很多可能性，上述只不過是其中之一。

　　樓市兩極化很多時是受到外來因素影響，以最近的兩極化為例，應該是受到新印花稅制影響，買樓的人不願意多付印花稅，如果業主必須要賣樓，他惟有降價，所以，低價成交的交易突然增多，不過，如果加上新印花稅，低價成交又不是太低，只不過是政府奪取了減價賣樓業主的資產，但無論如何，業主願意大幅降價，在任何角度來看，都應該是樓市下跌先兆。