主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅收藏樓盤免費業主放盤業主刪除樓盤代理登入

樓盤收藏 | 免費業主放盤 | 業主刪除樓盤 | 代理登入 | ENG

主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅

主頁 / 豪宅論壇 / 文亮言

瀏覽人次：37110 回應：37

買左樓就轉軚

2016年9月21日

湯文亮

紀惠集團行政總裁

　　有老友見我近日叫買樓的人小心加息表示讚許，話我夠膽講升，夠膽話跌，佢話樓市三大淡友之一最近改口風，從以往話樓價可以隨時跌三、五成，改為小心銀紙變廁紙，咁大轉變，令人無所適從，我話，他並沒有說錯，走去超級市場，手上張一百元紙幣立刻變成幾卷廁紙，而我相信他的意思是小心銀紙貶值，點解有咁大轉變，很簡單，就是最近買了樓，那些學者有一個特點，當他們確認某些情況之後，情況就會作出180度轉變，例如他們確認樓市是上升，唔知點解，樓市就開始轉為跌市，有人話他們是明燈，我話不是，他們只是太過小心，每一個細節都要確認，過度小心就變成失掉機會，其實，樓市長遠必升，只要計啱自己條數，負擔得起，幾時買樓都沒有問題，最壞亦只不過少賺一些。

　　有一些評論員就永遠唔會轉軚，因為轉軚即是認輸，睇淡的人轉軚之後，樓價繼續向上還好，還可以自認適時務者為俊傑，倘若轉軚之後樓市下跌，就變成左一巴，右一巴，以後想唔消失都唔得，所以，一般評論員都是死硬派，永遠唔會轉軚，或者會有人問，如此來說，所有樓市分析員，評論員都不會轉軚，那又不是，除了那些最近買了樓的評論員外，那些一向睇樓市上升的評論員見樓市升了一段長時間，亦升了那麼多，為安全起見，亦會轉軚，就算樓市繼續上升，他們亦解釋為是時候應該作出保守預測，這是自保式轉軚，準確性是有偏差。

上一則：

樓價指數一樣，樓宇質素不一樣

下一則：

香港人是否夠膽去廣州追債

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 引刀一快 2016-09-21 08:46:14

幾大就幾大，老蟹唔轉軚。

大陸嘅經濟問題，冇五六年時間唔會解决，筍貨夠筍唔怕買，起碼買咗份便宜感，恐慌式人有我有，就分分鐘人有你冇。

2. To 1樓 2016-09-21 08:53:07

應該是別人有你冇！

3. 引刀一快 2016-09-21 09:13:35

To X兄

我又真係冇喎，不過想有隨時有，依傢唔要住，吹？

4. 想足成年 2016-09-21 09:21:57

想有隨時有？

原來引刀唔想有，咁你在此為何？想足多幾年喇，2047好快就到.

5. 租樓日日賺 2016-09-21 09:23:20

引刀住緊公屋?租私樓比人年年加租年年搬

6. 引刀一快 2016-09-21 09:45:51

5樓，你話引刀住公屋？邊個講假話，投資蝕5年，十年補唔番。

7. 收買佬 2016-09-21 09:46:17

Oh ? K教授買咗樓？

8. 引刀一快 2016-09-21 09:46:40

你呢鋪Thailand walk

9. Tony lam 2016-09-21 10:00:39

刀哥比我chock到你嘞 ! 你似足地代、係儍果隻、可能貪平以為荀、㩜咗D三沙市中心之類嘅荀貨、點知冇人蠢過你、扎到死死實、終於揾到你返唔到香港嘅理由、做見習老千真係要交D學費、可能你比得好貴、等啦！2047收番送比你啦！呀！到時貴庚呢？

贈你幾句 : 冇料扮審慎、天橋底飲恨 !

10. To 引刀 2016-09-21 10:06:01

5樓係問號，唔駛急

11. lowong 2016-09-21 10:29:21

文中說：『……幾時買樓都沒有問題……』唔知我有無記錯，湯生不是說過掌握買樓時機是很重要的嗎？

12. 引刀十快 2016-09-21 10:42:18

引刀一定會對博士樓市"長遠必升，只要計啱自己條數，負擔得起，幾時買樓都沒有問題"表示反對, 因為佢講左好多次咁樣教人既人一係立心不良,一係唔識野.

13. 高山行 2016-09-21 10:44:01

朋友圈中的真實故事：6月開始積極實行換樓大計，先沽出了柴灣新翠花園單位，並旋即追著太古城業主鋤價，結果成功以低於市價15%買入了夢寐以求的三房單位，看到今日樓市紛亂乾升形勢，實在羨慕死人，但一如這等幸運故事，城中又可上演到幾多個？
香港樓市近年表現難測，比較同期也實行辣招政策的新加坡樓市更是兩個世界，最新情況是港樓又再反覆推上去年高位，而星洲樓價則已一連回落5年，並預期下行走勢仍會持續，緣何出現如此巨大變化？
供求肯定影響樓價，但香港的供求數據一來令人生疑，二來亦牽涉不少多變元素。目前香港公私營住宅單位總數約250萬個，家庭數量亦恰好相若，按理應可足夠安居，惟港人一向鍾情置業無底線，加上怪獸家長多為後代預作張羅，同期海外人士又利用港匯穩定及外匯自由出入而將資金大舉收藏到香港磚頭上，形成貨源並不是按家庭數目平均分布，同期空置率亦處低水平，大大造就了難以攻破的業主/賣家市場。
港人對政府政策的不信任亦是星洲所無，先有董建華的八萬五承諾走數，後有曾蔭權只顧討好業主及發展商的凍土政策，再加上過去5年語言偽術專家巧布的假大空供應，令供求關係沒有根本改變，縱使最近房委會大肆宣傳承先啟後、共建未來的口講德政，聲稱往後10年積極增建28萬個資助房屋單位，但已是公信盡失，而經歷過去多年的走數教訓後，無殼蝸牛再敢信以為真，恐怕是後患無窮、信者自負了。
全球負利率大勢難改，資本產品及磚頭必成避險工具，類似情況在七十年代至廿世紀都曾間斷出現，港樓除受剛性需求支撐外，已滲入了強大的保值需求，辣招是否存在已非重要，港樓已成為全球罕見的超級怪胎，還是一句老套訓言：
只要計到數的話，首置者還是乖乖就範吧！

16. Tony lam 2016-09-21 12:21:05

香港地產强勢原因 :

最重要係潜意識中大家對阿爺有信心、跌到離地一寸、手指尾都勾得番、比到安全感香港人。

確認長期低息。

大部分人黃金三十年剩到銀、供甩樓、下代出身、資產升值大把力水買多幾間。

星加坡呢？好多人怕冇咗李光耀後、強人一去冇人鎮得住、多咗政黨打擂臺、佢地天生冇阿爺照住、有乜依郁時、真係會一抃一轆一沉不起㗎、住政府樓算嘞、唔敢望資產增值。

潜意識令我地有直覺、直覺會比到我地正確選擇 !

17. 浪子心聲 2016-09-21 13:20:24

大家應頭腦清醒，不要為近幾個月樓價向上行，就失去客觀分析，基本上香港樓市自上年高位回落後，其基本因素沒多大改變。

供應量依然是9萬3，利率沒有改變還增加了加息機會，辣招繼續維持不變，經濟環境差不多，不見得明年會有大改善。

我依然維持我的睇法，香港樓市是會慢慢跌（平均線分析），新樓盤還未入伙，新供應量對樓價的影響應到明年中就能在價格中反應。

我認識的「道」，都是有週期，現時香港樓價還是在週期的頂部，回落的條件已一一出現，基本上已進入下行週期，大家都喺諗清楚好啲！！

18. Tony lam 2016-09-21 13:25:31

老蟹你唔轉軚就放心好多、轉軚時要早響喎、睇住個燈塔最安全 !

19. 烏5 2016-09-21 14:03:03

同意17樓，時候未到，大約17年中後。

20. LYC 2016-09-21 15:09:55

關博士轉軚睇好，果然係明燈！

21. 引刀一快 2016-09-21 15:25:57

琳琳

正無賴。

22. 狗頭貓 2016-09-21 15:30:39

贊成16樓. 香港不是橡皮,找得地來也要配套,環顧世界,真係唔易輸.

23. 浪子心聲 2016-09-21 17:08:10

近日湯博士有幾編文章是非常有創意如「特朗普加息爆煲論」，理據雖不多，但文章可讀性高，我還覺得真的有可能如博士的劇情發展。

見到博士這麼大膽的文章，我都分享下在我心裡的一些理據不多，但有點大膽的睇法。

近期樓價連升幾個月，真的有點令人費解，從經濟角度看，大環境沒大改變，無理由會升呀? 跟著來還有很多新盤推出，跌先至喺正常！

但從政治角看這方面發展，未來樓價真的還要升，有可能升回去年高位，要特首選舉後先至可能回復正常。

我認為現時是ABC大地產商和現任特首博弈的時候，現時大量出售的新盤多屬於大發展商，他們有控制樓價本錢和能力，加上現時加價還有速消的效果，托著個市，等現任特首「重中之重」的功績不能成功。

再出「低估地價、高價奪地」，大孖沙積極買地，創造利好樓市氣氛，加快走貨時又可送走個特首，一舉兩得。對一部分地產商來說，賺少啲錢而能送走現任特首是非常值得，因為他們同特首真是有深仇大恨。

不要太認真，這只不個是我的大膽分析，現任特不是我的殺父仇人，但他可能是很多人的仇人，又其是一部分地產大孖沙！！

24. Tony lam 2016-09-21 19:05:08

息太低、股太曳、磚頭最實際、個個都覺得外來資金主導炒罄樓市、可能唔知香港人幾有錢、皆因DSD、先至咁多人買樓比仔女、知否幾多要簽埋trust ? 仔女會結婚、婚姻玩得幾耐邊個知、分身家味好蝕底、而家每個有能力嘅家庭都用盡人頭入市。

地產商應該多謝辣招、走咗嘅貨三年內流唔番幾多出嚟、焗D友去幫趁新貨、衹要新貨貼近些少二手價、稅項回贈變相又上埋會、再由地代回番些少傭比買家、真實淨價未必貴過二手、所以新樓一開賣二手即時死哂籠雞、最唔老嚟係銀行同地代、市場衹旺一手時、總量點都少好多。

25. 引刀一快 2016-09-21 20:49:26

琳琳，想走數呀？俾一半喇，做人要有口齒。

26. aa+ 2016-09-21 20:57:33

Hi, LYC,

You made very few comment recently. Did you sell your house already?

27. To aa+ 2016-09-21 21:41:49

I have no house, but I only have one small flat and it was sold already! Thanks god!

28. 香港土著 2016-09-21 22:26:55

博士話學者多明燈，哩句非常真！

29. 香港土著 2016-09-21 22:33:50

16樓嘅牛林，

突然變身樓市大牛林，之前又話買樓綁幾年唔啱你玩，想點呀？

30. 井 2016-09-21 22:46:50

【萬噸外來鱘魚流入下游】

【長江支流泄洪泄出生態危機】

早前華北、華中多個地方發生水災，不單做成經濟巨大損失，更有可能釀成生態災難。

事緣水災令多地要泄洪，其中長江支流清江的大壩泄洪，將近萬噸的鱘魚衝落下游，破壞長江的生態平衡。

這些鱘魚原在上游養殖，包括黑龍江鱘、西伯利亞鱘及雜交鱘等等，專家指出，流走的數量甚至超過長江中下游

現存魚類生物量的總和，當中部份是肉食性的，會捕食其他魚類，有可能造成生物入侵，威脅生活在長江的瀕危物種中華鱘。

農業部長江辦已組織專家，調查事件及評估對生態的影響。

＃有線新聞　＃中華鱘　＃生態　有線中國組

破壞地球

31. aa+ 2016-09-21 23:53:40

To #27,

Are you LYC?

32. 向飯民說不 2016-09-22 00:38:27

河水不犯井水啊，阿井，你先關心下你買吾買得起樓啦。

作為一個自由經濟的支持者，你支持的飯民正在剝奪你買樓的機會，因為他們正洪荒之力，勢要阻止政府開發土地，在此情況下，除非經濟變得非常差，或者發生顏色革命，放假是不會下跌的。不過經濟差，你井都可能會失業，到時你的first priority 會是工作，不是房屋了。

33. 派對結束要上班了 2016-09-22 01:58:59

全球央行已經傾好陸續收水

34. 引刀一快 2016-09-22 02:26:49

井兄

長江裏面嘅珍稀動物，中華鱘算唔上。最有價值嘅白鱘同白暨豚，已經滅絕。

白鱘係中國有紀錄最大嘅淡水魚，估計亦係世界最大，最大紀錄係七公尺，論珍稀，死一千隻熊猫都抵唔上一條白鱘，中國依傢經常將宣傳集中喺一D冇滅絕威脅嘅假瀕危物種之上，係想營造一種保育成功嘅假像，中華鱘，真正野生嘅唔多，但係養殖技術極爲成熟，要幾多有幾多，同娃娃魚一樣，海洋公園接手嘅中華鱘同娃娃魚，大陸隨便一個玩家手上數量都多佢幾倍，莫講小戶大戶，根本毫無珍奇可言，大陸D餐館個魚缸有睇頭過佢。

呢種轉移視綫嘅情况，對真正需要保育嘅物種嚟講，真係有害無益。

35. to30/F 34/F 2016-09-22 06:54:13

香港地產網講地產，又來把中國事小題大做，你們煩唔煩呀！

中國這麼大，有不好的事是正常的。好的你又不信，不講？

有時間，你上網找其他國家同類型的事，大把你看。

36. 引刀一快 2016-09-22 09:41:08

你係網管咩？

38. 井 2016-09-23 23:31:37

32，我都唔撚想再講，每日150人黎香港，每年建幾萬單位都跟唔上，再者仲有咩咩專才，同大陸官走後門口黎香港，跟本唔係唔夠地，而係人太多，冇一個國家城市沒有審批權，日日放班野人黎香港，你知唔知薄熙來同谷開來都係有香港人身分證，如果佢地係香港人根據法律香港政府係有責任保佢地，所以甘可笑新移民制度，打亂整個香港出生同死亡率

39. 井 2016-09-23 23:36:49

引刀

自從三峽大壩建成後，下游自然生態環境已經被破壞，當年已經反對既人要消聲，今天仍然有水災，沒有改善，已經証明大陸人真係好鍾意破壞自己土地

40. 井 2016-09-23 23:38:06

35，唔講就唔會發生，掩耳盜鈴，大陸人的習性