這點不冇道理，不過辣招係樓價下跌週期時，就會自動加辣，成交會沒有最低，只有更低。

政府將炒家變哂做長期投資者目的唔係控制樓價升跌,而係穩定市場, 即係升要慢升, 跌要慢跌, 咁睇佢又好似幾成功喎.

坊間普遍認為SSD會鎖死供應，小弟對這點有不同看法。新樓的供應才是樓市的真正供應，二手買賣只是左手到右手，總的供應並未增加。如果這麼看，SSD對樓市總供應量并冇影響，不過它卻打斷了換樓鏈，打碎了代理的飯碗。至於對樓市升勢有控制作用與否，回過頭來看，冇證據顯示佢有。所以SSD不能算德政。

香港成日以國際金融中心自居，做到好歡迎外國人材嚟香港工作，但又限制外國人買樓自住，真係有D矛盾，何不趁而家個市靜靜地，放寬免佢地買新樓既BSD？！香港赖以地產生存，呢個係命脈，如果連地產都冧埋，連鎖效應，相關行業既家庭，都無啖好食，地產代理更加吾駛多講，佢地已經比呢D辣招折磨左幾年，大家都有家庭，政府要諗諗。

冇BSD，樓市已炒左上太空了!

【九七過來人】陳清白：樓價跌三分一唔奇

http://hk.apple.nextmedia.com/realtime/finance/20150915/54207685

樓市頻現撻定貨、蝕讓案，歷史會否重演，目前是否「97年翻版」？經歷九七，輸到「灘灘腰」嘅一代樓市炒家，綽號「白旋風」、人稱「炮哥」的陳清白接受本 報訪問表示：「今次比97年，應該會大鑊啲，出面經濟好明顯變壞，人工追唔上樓價，樓價過高，美國千祈唔好加息，一加息，就是觸發點。」

「炮哥」話：「呢幾年樓價升得唔正常……樓價跌返三分一，我都唔覺得奇，97年跌3分2，以太古城為例，而家比97年升超過1倍，跌返三分一，真是一啲都唔奇。澳門樓而家都跌咗3成啦，成交仲係咁萎縮。」

「而且我唔覺得今日有咩好過97年喎，營商環境，你睇近期啲舖位，吉舖呀，多到你唔信，灣仔莊士敦道、銅鑼灣波斯富街，從來都未見過咁多吉舖，你諗下個營商環境有幾差……

有 人話銀紙貶值，磚頭保值，炮哥無奈道：「97年，我都是咁諗，驚死蝕底，現金變哂資產，結果？一鑊熟囉！」「根本二手癱哂，間中一個半個傻佬，或者錢多得 滯出來同你買樓嘅啫，揸住樓嘅，其實個心好急，樓呢，好攞命，你越平俾個買家，個買家就越走…轉角市，你劈一成，真是無人買，仲嚇親個買家，我撞個板啦！ 你越減，越無人買，而家賣到樓嘅業主等於中六合彩。」

對於環海‧東岸11宗連環撻訂，他認為這樓盤出九成半按揭吸引買家入市，「攞幾十萬出來就上到車，個班友恨樓恨到發燒，想做業主好耐，家下十零萬可以做業主，就被氹去買…結果一時衝動，買咗!」

本報記者 陳家雄

To  歷史長河兄

【九七過來人】鄭躬洪：「唔認為樓市會好大調整！」

昔日豪宅炒家，曾經手執幾十件九龍站豪宅，以生產玩具出身，綽號「玩具鄭」的鄭躬洪談及最近是否「97翻版」，他斬釘截鐵道：「我又唔認為，個市會有好大的調整，起碼唔會是今年。」

他坦言：「過去幾年，我都是講緊個市好高好高呀，幾年前已經講話要調整，盡量沽哂手頭上嘅貨，留返啲長線收租的物業。我不嬲都是唱衰個市嘅，但就唱唔衰啦，呢幾年仲有升。」

雖然睇淡，但他續稱：「但我唔認為，個市會有好大的調整，起碼唔會是今年。第一，利息仲係低，利息要是加，美國一定唔會每個月1厘、1厘咁加。第二，香港始終有剛性需求，跌極有限，政府話明年有兩萬幾供應，大佬，呢啲唔係即刻住㗎嘛，呢啲樓花，要追到哂呢啲需求，要時間。加埋二手市場企得好硬淨，所以我唔覺得會大調整，有都是小調整，細價樓估計5%，有啲人心驚，咪平少少賣咗佢囉，跌10%我都唔覺會。至於豪宅更加唔係講，今年仲升返。」

目前與美國佬做緊生意，他感覺到：「美國經濟確認好轉，就業人數、人工上升，請人開始困難，不過美國消費模式轉變，唔似得以前胡亂借貸……我係美國住過二十五年，當年大學畢業，話有工，就可以借錢買部車，而家買部車又要證明入息，者係想講金融海嘯後，美國借貸已經收歛咗。」另外，歐洲經濟「最衰時間已經過咗」，至於有人話大陸經濟放緩，但對香港樓市無乜影響，「要來香港買樓的大陸人唔會受國內經濟影響，因為大陸稍為有錢嘅人，都要擺少少錢係香港或者外國，方便第時走佬。香港仍然是國內同胞將錢泊岸的最好地方。」

對於樓市頻現撻定，他認為：「最近股市唔係幾好啦，總會有人驚，驚咪有人死囉，但呢啲係絕…絕…絕大少數囉！」

SSD係上升軌跡同下降軌跡, 出來的表現會不盡相同的吧???

姑勿論撤SSD就好多炒家立刻賣樓，依一刻，政府唔會作任何動作，做 killer!
突然撤SSD個市仲驚，來個骨牌效應....

歷史長河兄

刀兄，唔使查，小弟對澳洲情況一清二楚。

歷史長河兄

刀兄,

有觝觸嗎？