今日上午，有老友到公司吹水，老友話第三次世界大戰一觸即發，美國，歐盟，日本政府已經叫國民儲三至七日糧食以及飲用水，不過，三至七日應該唔夠，是否應該儲多啲。
我話如果打第三次世界大戰，儲糧儲水都冇用，大家等著一鑊熟，不過，美國唔係叫大家儲糧儲水，只不過話俾大家聽，局勢緊張，大家應該兌美元，買美債，這才立於不敗之地，所以昨日美債息大跌，而事實勝於雄辯，10年美債息由5.36％下跌，昨日只得返4.93 ％，美國當然開心，資金湧入，美元強勁，美債息下跌，估計美聯儲局12月初議息，有機會減息，美國加息都不能吸引投資者買美債，但當世界局勢不穩，就算減息都大把人買美債，所以，美國唔希望第三次世界大戰出現，但又希望全世界知道，第三次世界大戰是有機會出現。
