星期六返公司打個白鴿轉，有同事同我講，近日股市跌了咁多，恆指仲低過年初的時候，點解我唔撰文講下股票，說到底那些股票評論員經常評論樓市。
我話自己投資股票不多，對股票認識不深，唔敢評論股市，否則自己個底會被人起哂，至於股票評論員評論樓市，他們是有自由咁樣做，我亦非常歡迎，多睇一些唔同意見分析，對自己亦有好處。
同事又話，有一位已退出樓市的物業投資者，現在又復出評論樓市，佢講近月二手樓成交量下跌，是樓價下跌先兆，可能會去返去年首季低位，其實，在一輪無論樓價與成交急升之後，樓市回氣是很正常，至於會唔會去返舊年低位，我當然唔敢講，不過，一個沒有投資物業的物業投資者，他的見解是否值得重視，就見仁見智。
