昨晚是我今個星期連續六晚應酬的第五晚，輪到我做東，在銅鑼灣遊艇會食晚飯，六點半去到的時候，見到晚霞非常靚，立刻影一幅相俾大家睇。
餐廳很爆，我預早一個星期前已經訂好位，否則都冇得食，會所知道我請客，俾咗最靚的位置我，如果我同同事食飯，我會話今晚是自己人，意思是位置稍差都冇問題，你識做會所亦識做，有需要的時候俾個靚位你。
昨晚生蠔放題，龍蝦湯，牛扒鵝肝，質素比星期四晚法國小館更好，價錢平一半，飲食業其中一個競爭對手，就是會所，因為有會費補貼，租金又唔貴，所以，餐價亦不貴，不過，食得多都有些悶，我自己都很少去，白交會費，大家傾下傾下，差不多12點才散band，算比較少見。
