星期一早上開例會，有同事遲到，我冇問理由，因為同事一定會話塞車，而且話下次唔會遲到，以前我會話下次注意一下，但現在唔會，總有一日同事發覺每一次入會議室都要講對唔住，再加一句塞車，但大家都沒有表示，一切如常，這才是最大懲罰，最後唔敢遲到。
特朗普今早5:30在 Truth Social 貼文，表示美伊很快簽定諒解備忘錄，霍爾木茲海峽很快重開，如果冇記錯，這應該是特朗普第39次貼文，講咗38次都冇做到，所以，大家都冇乜反應，最壞只不過是特朗普多一次空談而已，特朗普見冇人相信佢，自己都急起上嚟，表示美伊諒解備忘錄星期五將會在瑞士簽署，其實，特朗普不應為自己設下時間表，否則伊朗反口，備忘錄未能簽署，失信的是特朗普本人。
