有老友話，雖然有不少玄學家分析員話樓市仍然會下跌，但跌幅會明顯收窄，老實說，玄學家分析員得個講字，到了12月下旬，他們只要發一篇文章，指今年樓市有上升空間，最後竟然又中，老實說，如此厚顏無恥，我的確做唔到，所以我的分析經常不準確。
有做投資者老友同我講，近日代理對促成交易的態度改變了，在年初時，offer不但價低，代理仲要繼續鋤價，甚至引用各大玄學家，分析員的預測，樓價會繼續下跌，當日唔賣，未來會蝕得更多，老友話，以當日售價，
已經蝕得好金，唔爭在蝕多些少。
今日有代理攞個offer俾佢，雖然唔係好價，但仍然比年初時高了兩成，老友例牌講未到價，他以為代理一定唔開心，誰不知代理話會繼續盡力，希望可以將買價提升，老友以我代理講下，誰不知今日真係攞個新offer俾佢，樓價俾舊價多15%，老友亦打算賣走那個單位，那位代理有佣金落袋，代理不得向現實低頭，繼續鋤價，只有食穀種。
那些物業代理可能唔知道，美其名是替客戶向業主鋤價，其實是鋤死自己，因為鋤得太深，俾一些代理執死雞，他們不但促成交易，賺佣金，仲俾人話有良心的物業代理，老實說，那些代理除非唔想開飯，否則一定向現實低頭，不但唔會鋤業主價，仲迫買家提價，代理的態度改變，樓市走勢亦會作出改變。
