有老友話投資物業咁多年，想唔到現在是最辛苦的時候，在以往，無論是幾困難，只要準時還款，銀行都唔會call loan，甚至唔敢call，恐怕嚇親個客唔繼續供款，但今次就唔同，即使準時還款，銀行都會因物業估值下跌而向按揭客戶call loan，甚至迫客戶賣樓，因為銀行知道，只要客戶賣樓，一定可以清還按揭貸款，有不少客戶都抱著自己一向準時還款，銀行是不call loan，其實，那些客戶唔知道，準時還款是客戶責任，銀行不會因為客戶準時還款唔call loan。
銀行call loan，老友被迫賣樓，唔賣樓唔知現在業主賣樓是咁苦，又要俾高佣，又要俾代理鋤價，一向以來，業主想賣得高價，就會同代理講，如果賣到某一個價錢，就會俾高些佣金，代理收到指示，就會努力向買家提價，賣得好價錢，業主俾佣都俾得開心，但今時唔同往日，如果唔俾高佣金，根本冇代理願意做，不過業主俾高佣金，並不代表可以做到好價錢，代理仍然會向業主鋤價，因為代理知道，
在銀行call loan之下，業主唔賣唔得。
老實說，不少業主是頂住條氣，甚至發誓以後唔再買樓投資，業主唔買樓，銀行以及代理日後都會做少很多生意，銀行迫客戶還款，同殺雞取卵差不多，不過，銀行亦顧不得咁多，最緊要是解決目前問題，不良貸款上升，連自己份工都保唔住，又點敢唔call loan，call 咗客戶冇得還就是客戶責任，唔call 就是銀行責任，人不為己 天誅地滅，業主千祈唔好怪銀行call loan｡
