有老友話趙心童剛剛在英國贏得士碌架世界大賽冠軍，究竟士碌架是乜東東，是否應該是桌球，不過香港桌球室英文名字的確是士碌架，點解咁奇怪。
士碌架只是桌球中的一種戰術，就好似足球戰術長傳急攻或者雙翼齊飛，但不能話長傳急攻或者雙翼齊飛是足球，而士碌架的意思就是唔准對手打到需要打的波，如果對手打唔到，最少要扣四分，不過，年長一輩的香港人都唔知什麼是士碌架，我小時候來香港打桌球比賽，好俾心機set了對手一個士碌架，誰不知對手輕描淡寫打個白波，只要撞邊兩次而又可以睇到要打的波，就算是救了士碌架，都唔合國際慣例，香港人的士碌架技術又點會進步。
雖然在英國舉行的叫士碌架世界大賽，但其實現在所謂的士碌架基本上名存實亡，並不是現在不用救士碌架，
而是現在的球員技術非常好，救士碌架是等閒事，趙心童在決賽時與對手馬克・威廉斯打了30局，趙心童以18比12取勝，但雙方都唔知道有冇做過10個士碌架，就算有做到士碌架都很容易被救到，除非是士碌架最高境界，否則是自己唔小心失分比對set士碌架為多，什麼士碌架最高境界，講大家都未必相信，係佛偈嚟架，叫一葉蔽目，不是令對手打唔到需要打的波，而是任何一個波都打唔到，今次趙心童亦有表演一葉蔽目，威廉士打了幾次才打到要打的波，輸了這個士碌架之後，威廉斯還輸了氣勢，趙心童攞世界冠軍就理所當然。
