在2003年，我見到樓市差不多見底，於是叫一個老友合股買一個物業，老友拒絕，他認為樓市仲有得跌，經過長時間討論，最後不歡而散，臨走前叫我好自為之，我當然唔開心，認為老友語氣大重，佢唔買都唔使講好自為之，最後唯有自己買。
外長王毅與美國國務卿魯比奧通話，其實大家都知道結果是怎樣的，最後外長用到好自為之，咁就大件事，一般
人認為雙方不歡而散，所以在翻譯方面是偏向王毅指責魯比奧，台灣方面就話behave yourself ，路透社譯conduct yourself ，仲有七、八種譯法，但始終講不出王毅味道，究竟好自為之應該點譯。
講返2003年，老友與我不歡而散之後，幾日之後再搵我，解釋好自為之的意思，主要是他對樓市見解與我有所不同，他認為如果我睇好樓市可以買樓，是好字爲之，不是好自為之，一個同音字之差，差些少令到兩老友反目成仇，我知道老友是兜底，不過都算兜得好。
外長一句好自為之，令到不少人誤會是不歡而散，我認為未到如此壞的地步，兩人各為其主，大家對世界大勢睇法有所不同是正常的，外長好自為之的意思是如果魯比奧認為對就去做，例如退出世界衞生組織等，不過要對自己的所做的事負責，應該是好字為之，我不是亂作，官媒的英文稿亦將好自為之翻譯成act accordingly ，有點伏爾泰味道，外長並沒有強行話魯比爾不對，但希望他做對的事。
