有老友問人借錢，對方要求抵押品，如果冇只能借一半，老友問我意見，我話世界已經變了，為了保障自己，問人借錢千祈唔好俾抵押品，否則債主突然要求還款，如果冇得還就會沒收抵押品，經拍賣之後如果有剩餘就會退返俾債仔，老友冇聽我講，最後將一件非常值錢物品做抵押，過了一段時間，在正常還款，貸款仍未到期，
債主話抵押品價值下降，要求老友還款，老友冇得還，債主在沒收抵押品之後以低價賣走，結果，老友只是半價賣了珍藏多年抵押品。
抵押品其實就是人質，春秋戰國時代已經大行其道，那些小國為了討好大國，唔想大國打佢哋，往往將太子送俾大國做人質，就算晉文公都做過人質，很多時適得其反，大國收到小國的人質後，不合理要求比沒有人質的小國更多，最後，小國唯有搵一些可以犧牲的皇室成員做人質，所以，如果要用抵押品取得貸款，千祈唔好搵自己珍藏品，就算債主因為自己未能及時還款而沒收抵押品，都唔係咁傷。
另一個老友問人借錢，寧願借少啲，俾高啲息都唔俾抵押品，結果債主對佢非常友善，只要老友還息就可以，就算老友還唔到息，債主都會通融，至於本金，如果未到期一定唔會要求還款，就算到期債主都只會希望續期，不過，凡事都有利有弊，沒有抵押品的貸款利息很高，短期應急還可以，如果長期借貸，最後都會泥足深陷，不能自拔。
