有不少人對香港樓市前景非常悲觀，認為樓市可以上升的機會不大，唔下跌已經偷笑，問那些人點解有咁嘅想法，他們又答唔出，只是話某些分析員咁講，其實，隨時隨地都有分析員講樓市上升，但亦有分析員下跌，如果以某一個分析員說話來肯定樓市去向，似乎是以偏概全。
香港樓市與其他商品都是一樣，升跌主要因素都是供應以及需求，
在過去幾年，不但有辣招，還有逆週期措施壓抑樓市需求，而且有幾十萬人出售他們的住宅單位移民離開香港，令到需求大幅減少，供應大幅增加，樓價有乜辦法唔跌，但今時唔同往日，供需將逆轉，而且是極之不平衡，樓價上升是改變不了的事實，未有樓的人千祈唔好忽視。
同樣是講供需問題，現在樓宇供應是有限，需求是無限，移民離港的人已經減少了很多，況且有不少人回流，樓宇供應因移民離港所得不多，而地產商亦減少投地，今年有8次流標，即使如此，前特首CY亦提醒現屆政府不可以隨便開發土地，因開發成本是很高，雖然有很多人不明白亦不同意，但CY的政治地位很高，開到聲會不會影響今屆政府所做決定，如果政府減少土地開發，供應自然大幅減少，日後樓價走勢唔使我講大家都知，就算有供應，都是有限的。
在政府取消辣招稅之後，首三季已經有超過8000人在香港置業，而且，在政府全力開拓優才專才移民計劃之後，反應亦非常理想，連桌球界天王「火箭」奧蘇利雲亦以優才身份來港，從租金不斷上升，我們可以知道，不少優才已經來港定居，就算只有10%買樓，對香港來說，需求是很龐大，冇必要將自住單位賣走，最後一定會後悔。
