有年輕朋友買了樓之後搵唔到銀行借錢俾佢，並不是他不合資格，就算銀行前線職員都話收入冇問題，合哂資格，但高層未批，他們都冇辦法，唯有希望業主可以延遲交易，如果業主唔肯，佢可能要問財仔借錢，或者一了百了，直接撻訂算數。
年輕朋友問我點解銀行唔借錢俾合資格，甚至是初次置業者買樓都唔借，我話因為香港是國際金融中心，冇銀行是屬於自己的，唔係好似新加坡，有星展，大華等，即使現在有不少銀行表面上仍然是香港的名字，但股權大部份已
經落入外人手中，外國大股東睇香港有別於香港股東，他們認為香港是非常危險，又點會借錢俾當地人買樓，吸收當地人的存款或者買金融產品就差唔多，冇銀行願意借錢俾人買樓，樓價唔跌才奇怪，所以，今次香港樓價下跌，利息還是其次，主要原因是香港人冇自己銀行，冇銀行願意借錢俾香港人買樓。
其實最難明白就是投資香港銀行的外國大股東，如果他們認為香港的前景很壞，又非常危險，點解要投資香港，仲要買銀行，要知道銀行的最大資產並不是實物，銀行總部大廈等，而是銀行客戶，甚至用每一個客戶值幾多錢來計算，現在不但唔借錢俾人買樓，甚至向現有按揭客戶call loan，迫他們賣樓，在一輪操作之後，客戶一定會大幅減少，銀行外資大股東咁樣做是否倒自己米，不過，對銀行而言，風險管理大於一切，現在最令銀行唔開心就是call loan call咗咁耐，都call唔到壞帳出嚟，沒有壞帳，代表銀行的風險管理失誤，踢走不少好客人。
