有老友問我司機,我們公司的私家車攞去邊度修理,他攞架車去修理廠,不但價錢好貴,而且好多後遺症,整完又整,很多時未夠一個月又要維修同樣問題,我司機話,我們公司所有的車都是攞去一間沒有修理廠的舖頭修理,當他們收到我們要修理的車之後,就會分門別類,攞去專業的修理廠修理,例如噴漆還噴漆,換偈還換偈,至於換呔咁小事,舖頭就會自己做,對於其他要修理的問題,舖頭除了提供零件之外,並負責監察作用,雖然收費稍貴,但沒有後續問題,不嚴格來說,這就是OEM,很多人不明白,以為自己做就是最好,其實,OEM才是品質保證。
在改革開放時,我唔知道邊個發明OEM,但地點我知道第一間OEM廠是在東莞虎門,即是林則徐銷鴉片煙的地方,當時叫來料加工廠,其實不大正確,應該是原設備製造商,因為只有OEM廠才可以進口比較先進的機器生產,現在反而可以叫來料加工廠,因為加工廠可以按照客人指示生產,機械方面已經冇問題。
有人話出口商點解唔自己生產,而要交俾人生產,有錢都唔賺,其實好似修理汽車一樣,出口商在接到單之後,
便會搵最適合的工廠生產,如果唔達標,出口商不但唔俾錢,仲要製造商承擔法律責任,所以,出口商的檢查是非常嚴謹,OEM反而是品質保證。
腐乳公司搞到咁大件事,最後承認自己已經三十年冇生產白腐乳,以OEM形式委托內地工廠生產,咁樣講即是腐乳公司只是負責監察,如果不合食安中心規格,生產的工廠應負最大責任,而腐乳公司可以委托另一間工廠生產,唔使話政府打壓,仲要執笠咁大件事,腐乳公司唔知道,OEM才是品質保證,唔使怕公開同人講。