講起試食，廿年前喺廣州中大布匹市場門口有檔生果，當時賣緊啲唔知乜柑，有試食，有個搣咗細半嘅柑，老闆娘叫我試下，好甜。我隨手搣一半就放入口，諗住廣東嘅柑，衰極有個譜。
點知，酸到打冷顫，個冷顫由尾龍骨打上天靈蓋再落返尾龍骨，上下迴蕩好多次，差啲標眼淚，都唔知係咪喺人地過年棵四季桔摘落嚟嘅，鑒於都係可食之物，亦唔想個老闆娘太難堪，夾硬吞咗落肚。
照計老闆娘應該好清晰睇到我表情，但係佢偏偏仲問我要幾多，伸手攞咗膠袋，我唔係幾好意思講：“唔係好啱，有啲酸”
呢隻老闆娘就話嘞：“唓，原來你係嚟呢度食嘢嘅！”
我啲火由丹田衝上天靈蓋，頭髮變緊超級撒雅人。
我問佢：“呢一鐦幾多錢！！我俾返錢你！”
跟住佢就話嘞：“算喇算喇，俾你食喇俾你食喇”
真係俾佢吹到啤一聲，我用炸裂嘅心靈回應：“係你叫我食㗎，你啲咩柑嚟㗎，食死人呀，呢舊柑幾多錢，俾返錢你！##%@*xyz$!"
老闆娘忽然用溫柔而疚歉嘅語氣，無辜又真摯嘅眼神，對著我講：“不如我賠返錢你吖？”
李老闆，引刀完敗於此。
不過，大家放心，依家喺大灣區尤其廣州深圳，係唔會撞到呢啲奇人異事嘅，俾得你試食，就俾嗮你一班人一齊食，祗要當中有一個心軟，講句好話，生意就係咁樣就做成嘞。
到尊重，例如坐綠皮火車代替高鐵，如何買到價錢平而又優質食物，而事實上中國食物是很便宜，應該不難做到，至於住宿，可以去那些長途客運站，或者公路上的加油站，通常那些加油站都設有大型住宿地方，小紅書要記著，那些得到著數的人是會樂意宣傳中國，教中國人窮遊港澳，就難怪有人話中國很窮，人必先自侮而後人侮之。