在林布肯見習主席之前，有旅居台灣的友人話畀我知，台灣綠營人士非常雀躍，認為布林肯去中國是發出哀的美敦書（最後通牒），叫習主席唔好支持俄羅斯，否則就會切斷中國Swift，老友覺得唔妥，又講唔出什麼唔妥。
我唔明白台灣綠營人士點解咁雀躍，如果美國切斷中國Swift，第一個受害者並非俄羅斯，而是台灣，第二是烏克蘭，既然中美反面，中國亦唔使就住就住，中國空軍會立刻從福建空軍基地出擊，五分鐘就可以到台灣，很快就可以
武統台灣，與此同時，俄羅斯亦不會有顧忌，全力出擊烏克蘭，基輔就危險了，澤連斯基都唔想美國切斷中國Swift，點解台綠咁開心。
現在美國好似一個名媛，明知老公包二奶，甚至去到明目張膽地步，但唔敢篤爆老公包二奶，名媛擔心在篤爆之後，老公不再顧忌，不但與二奶出雙入對，並且有機會要離婚，名媛就會失去地位甚至經濟支柱，所以，名媛不但不會篤爆老公包二奶，甚至將過時過節的日子讓俾二奶，名媛都識做，美國點會唔識做，台灣綠營評論員想法太幼稚，就嚟被人打仲咁開心，想極都不明白。
我問旅居台灣老友，知唔知點解日本要偷襲珍珠港，老友話因為美國對日本石油禁運，日本於是偷襲珍珠港，爭取在半年內征服中國，現在美國有七百幾個海外軍事基地，但亦有咁多仇家，如果冇中國幫手撳住，那些軍事基地就危危乎，虎虎虎隨時會重演，老實說，政治嘅嘢，知知為不知就是最好解決辦法。
