雖然大多數評論員都認為財爺在財政預算案中撤辣，但很少人想到財爺會取消壓力測試，更加少甚至冇人想到SSD被取消，一般人認為財爺是唔敢做，如果取消SSD，在近兩年買樓的人就可以放售，總數大約有8.8萬個單位，供應增加，樓價自不然會下跌，一定會俾業主鬧到失魂，其實，SSD已經放寛過一次，由三年變成兩年，但並不是太多業主得益，總數都唔夠50個單位，所以，財爺夠膽取消SSD，是有統計數字支持。
大家可能唔會相信，取消SSD會令樓價急升，根據報紙報道，在近幾個月，有不少低價買賣，有不少只是簽了買
賣合約而未正式成交，那些買家現在可以確認人身份將物業摸售，賺取大約一成樓價，如果摸售的單位很多，是有機會將樓價推高一成，就算在撤辣後買樓，亦有機會摸售或者在短期內出售，買新樓更加可以在成交前摸售，甚至摸多幾次都得，每摸一次，樓價就會升多少，到成交時，樓價可能會比地產商原價多兩成，如果有SSD就不能，有邊個業主願意俾SSD再加上正常印花稅賣樓，就算有兩成利潤最後都是得個吉。
有SSD助攻，樓價一定會上升，至於會唔會升兩成咁多，就要睇銀行是否願意借錢俾人買樓，以及利息是否會下跌，如果這兩件事不變，今年樓價仍然很難升兩成，但又不用擔心，銀行是好天遮，知道樓價上升就會主動借錢俾人買樓，甚至俾埋回贈都得，美聯儲局是否減息，大家都相信為期不遠，我認為當拜登宣布競選美國總統，接住的美聯儲局議息就會宣布減息，美國再唔減息，美國中產捱唔住，失了中產支持，拜登想贏都難，到特朗普上場，就會暴力減息。
