二月底財爺又會恭讀財政預算案，今次財政預算案是很關鍵，香港是否能夠起死回生，就要睇今次預算案，其中大家最關心的就是會不會撤辣，我估計撤辣機會超過九成，SSD或者會留低，其他就要拜拜。
當大家一致認為撤辣之後，成交量不但會增加，而且樓價亦會上升，但事實未必如此理想，不少打算買樓收租的人唱反調，認為即使政府撤辣，都唔敢買樓收租，擔心銀行以估價下跌為理由向他們 call loan，不如將啲錢做定存好
過。那些人擔心銀行call loan亦不無道理，而事實上銀行不會向只得一個單位而又準時還款的業主call loan，即使他們的物業是負資產，但如果買多一個單位，就算第二個單位的按揭成數只是四成，銀行仍然有機會以估價下跌為理由向那些業主call loan，多買一個單位豈不是自尋煩惱。
金管局亦察覺了這個問題，發出了最新指引，表示若果客戶準時還款，銀行不應調整貸款額度，什麼是調整貸款額度？即是降低樓按揭成數，客戶如果唔補差額，銀行有權call loan，千祈唔好以為金管局出了指引銀行就會照做，銀行是有權唔跟指引去做，但反過來就不行，如果金管局要求銀行降低貸款額度，例如逆週期措施，銀行是一定要執行，否則金管局是有權處罰銀行，點樣處罰我真係唔知，不過，大家亦不用太擔心，當銀行將優質客戶趕走之後，就會發覺剩低的很多是是負資產，再假以時日，就會出現很多呆壞帳，直接降低銀行信用評級。所以，當銀行直接受到傷害，就會對那些持有多於一個單位而又準時還款的客戶如珠如寶，不但不會向他們call loan，並且仲可以借多啲，真係一啖屎一啖沙糖，不過總括來說，在銀行向準時還款的客戶call loan之後，受到最大傷害的始終是銀行。
