新加坡是靠甚麼生存

　　昨晚同老婆在屋企食飯、蒸條魚、炒個菜、一個燒鵝下莊，非常滿意，老婆問，國產C919第一次飛出國門，去新加坡參加航空展，新加坡自己又冇生產飛機，點解要搞航空展，就算可以收到展覧費，似乎勞民傷財，得不償失，究竟新加坡是靠甚麼生存，佢問過大媽朋友，他們話新加坡做資產管理，如果有錢的話，可以委托設在新加坡的基金公司或者投行管理，老婆唔明白，自己的錢點解要交畀別人管理，而且替別人管理資產，又搵得幾多錢。

　　我都答唔出老婆問題，作為世界第三大金融中心，冇理由股市成交量咁少，每日大約10億坡元，有人話新加坡煉油佔GDP 10幾個%，如果有咁好收益，點解美國唔做而要益新加坡，況且煉油是很污染，不符合新加坡國策。

　　每年新加坡搞無數次高峰會議，那些嘉賓上台噴完口水，散會後有得益，或者對排名有利，但高峰會議對新加坡收入冇實際得益．而且要用很多錢，香港都搞過幾次，簡直是勞民傷財。

　　當然，新加坡有賭場，可以提供龐大收益，但點解仲要收咁高利得稅以及9%銷售稅，澳門也有賭場，澳門冇收銷售稅，所得稅亦很低，現在新加坡的生存水準很高，如果不能在當地搵到錢，唔明白點解要將公司設在新加坡。