年初五返工，有開花店租客到公司拜年，並且表示生意非常好，希望早點傾租約。同時代我送一束玫瑰🌹畀我太太，仲話唔收錢。我當然話唔得，大家做生意一定要公平公正，今日唔收我錢，是否明日我唔
收租，但租客話太貴，唔敢收我錢，我話貴貴都畀得起，原來是五千元一束，租客表示已經賣了很多束。我話咁我就唔畀，不過回禮一封利是，也是五千元。
租客有一個要求，問我是否可以送一本十年前寫的書給他，叫「玫瑰玫瑰我愛你」，我預先聲明這不是一本愛情小說，是一本關於地產投資的書，當年政府推出打擊炒樓的辣招，我話並不是一個好主意，情況好似一個葡萄園主人斬哂所有圍繞葡萄園的玫瑰花，因為物業投資好似玫瑰，不但美麗，而且保護在葡萄園，令在莊園生長的葡萄，不受黴菌破壞，玫瑰以自我犧牲的方法來提醒葡萄園的主人，當玫瑰突然凋謝，莊園主人就要立刻收割，將損失減到最低。
一般來說，投資者對市場觸覺比一般業主敏銳很多，當他們見到形勢不佳，例如利息有機會上升，需求減少，甚至經濟轉壞，就會減持手上物業，對於整個物業市場，其實是起了一個正面作用，其他業主亦有所警惕，投資大環境有所改變，唔好急於一時買樓，尤其是高價買入一些非優質單位，例如，物業投資者是不會投資納米樓或者商場劏舖，辣招趕盡所有物業投資者，情況好似葡萄莊園主人燒毀所有玫瑰花，當黴菌來襲，葡萄園就不會有任何警告，最後損失的是葡萄園主人。
