明日台灣選舉，本來香港物業投資者絕不理會，無論賴贏， 侯勝抑或柯P當選，都與他們無關，但今時唔同往日，不少物業投資者都關注台灣選舉，因為結果對他們影響很大。
有不少投資者問我，今次台灣選舉，究竟會由國民黨抑或民進黨勝出，根據民調顯示，
民進黨大約領先三個百分點，大約有十二個百分點未決定，柯P都有二十個百分點，所以結果很難預計。
我認為如果沒有任何政治因素，民進黨一定贏梗，但現在是贏波輸盤格局，好似上一次九合一選舉，民調是民進黨贏，選舉是國民黨贏，而且最少贏八個百分點，主要是支持民進黨的人唔敢去投票，有兩個理由，一是擔心打仗，二是中國取消讓利政策，物業投資者聽到我咁講，開心到阿媽都唔認得，仲話請我食飯，不過，投資者又問，萬一民進黨贏咗，香港有甚麼變化。
我話變化就是他們擔心的事，台灣銀行會call loan，近年台灣銀行在香港非常進取，或者是人棄我取，香港銀行唔做物業投資者生意，台灣銀行接手，亦解決不少物業投資者煩惱，但如果民進黨當選，兩岸關係一定冰封，就算唔打仗，讓利政策亦會逐步減少，台灣銀行有可能要收縮在香港生意，咁樣就要向物業投資者call loan，而事實上現在要轉按亦不是那麼容易，到時將會有不少投資者出現困難，不過亦不用太擔心，即使call loan亦不會是今年內的事，香港銀行亦要做生意，接受投資者轉按亦不出奇，不過，我堅持我的睇法，民進黨將會是贏波輸盤， 侯友宜當選。
