當初中生讀諸葛亮「出師表」時，唔使問都知道「出師表」是孔明第一次北伐時所寫，我第一次讀出師表時正如最後一句，不知所云，真係要讀多幾次才明白，不過讀多幾次之後，又發現了另一個問題，唔明白孔明在兵力資源不斷減少之下，仍然要堅持北伐，仲要六出祁山咁多，不但我不明白，連蜀漢後主劉禪都不明白，佢問諸葛亮，在四川生活得幾好，點解仲要北伐，明之不可為而為之，諸葛亮亂答一通，又話先帝（劉備）三顧臣於草廬之中，又話不能偏安於蜀都，總之就係要打，叫劉禪唔好咁多聲氣。
有人話諸葛亮有鍥而不捨精神，但我個人認為，諸葛亮最大失敗就是六出祁山，耗盡蜀漢國力，當司馬懿反攻，諸葛亮要擺下空城計，連守都冇得守，最後蜀漢滅亡，我認為諸葛亮有一
定責任。
很多人想也不想不到，在香港政府招標賣地因入標價太低，五度流標之後，不足兩個星期又再招標，既然政府漠視市場反應，市場亦不理會政府，來一個零入標，狠狠打政府的面，去的這個地埗，不少人認為政府是自取其辱，最多三次流標，政府就要改變賣地政策，更何況政府一面出招，唔准人買樓，另一方面就叫地產商買地，老實說，地產商使唔使咁下氣，又未必一定賺錢，最後零入標，只是一次無聲抗議。
行內人知道，招標賣地對政府不利，因為一定攞唔到最高價，但對買家又未必公平，因為招標合約就是一份買賣合約，簽了之後就不能夠撤回，但由於政府招標賣地成績一向唔錯，所以繼續招標亦可以理解，但現在既然有六次流標，政府可以考慮以有底價形式拍賣土地，唔到價根本不會推出拍賣，就不會出現收回咁尷尬，不過，我講都多餘，官員愚公移山，不斷推出土地，總有一日會招標成功。
