下星期施政報告，我相信有不少人關心政府是否撤銷打壓樓市超過十年的辣招，有人話今次一定撤，在巨額赤字預算案的情況下都不撤辣，是否唔想撈，但亦有人話不會撤，因為如果撤辣之後，樓價急升，政府又會被市民話幫住地產商以及業主，但如果不撤，政府收入漸少，尤其是在賣地方面，今年收入都唔夠預算兩成，沒有足夠銀両，又如何應付政府龐大開支。
如果大家有留意，國內對於樓市管制時緊時寛，本來在大部分大城市都是限購，但現在大多數已經取消，相信在
有需要的時候，限購會再出現，點解中央政府可以咁樣做，而特區政府反而唔敢做。我問過一位不能開名的中央政府官員，佢話這叫做不敢得罪老領導候群症，中央政府官員咁講更加令我摸不著了頭腦。
香港的辣招已經沒有十多年，當然不是由現任特首推出，或者現任財爺有份參與，但絕對不是由佢設立，如果由現在的特區政府官員取消，恐怕會得罪當時出招的CY。在不敢得罪老領導候群症之下，莫講話下星期發表的施政報告不會撤，就算是下一個特首的施政報告都不會撤。
我問國內官員有何良策，佢話撤辣是屬於政治議題，政治嘅嘢應該用政治方法解決，國內改革開放40年，不少城市都有一些大而無當，阻頭阻勢建築物，那些都是以前的老領導得意之作，繼任的領導唔敢拆咗佢，以致那些建築物好似釘子戶，政治解決方法就是由人大代表立案商討是否拆了那些建築物，老領導知道，就會自動要求拆了那些建築物，根本不會有衝突，現在睇吓香港特區官員識唔識用政治手法撤辣。
