有老友問，以色列防空系統「鐵穹」是舉世知名，連美國也想買，哈馬斯又如何攻破鐵穹。
老友的問題軍事專家未必識答，但大多數香港物業投資者就識答，我講大家都未必會相信，香港亦有
「鐵穹」系統，不過只是用於防止外來人買香港住宅單位，不是不能買，而是唔該畀多30%特別印花稅，政府以為這個俗稱辣招的「鐵穹」系統滴水不入，但後來發覺唔對勁，辣招稅愈收愈少，再查下紀錄，發覺「鐵穹」系統早已被攻破，所以，政府才考慮撤辣，並不是向壓力屈服，曾經向政府施壓的人千祈唔好沾沾自喜。
老友問投資者或者外來人士點樣攻破香港政府的「鐵穹」，其實很簡單，外來人士如果要在香港買樓，就必須繳付30%特別印花稅，令到那些人唔買樓，轉移購買擁有某個住宅單位的有限公司，當香港政府沾沾自喜，以為「鐵穹」能夠阻擋90%打算買香港住宅單位的人，但原來早已被海外買家暗渡陳倉。
老友話我九唔搭八，「鐵穹」又點會同香港樓市扯上關係，其實一里通百里明，以色列的防風系統「鐵穹」犀利，但只會截擊不是由美國或者以色列製造導彈，只要搵到大量由美國製造導彈，便可以攻破「鐵穹」，俄烏衝突已經接近兩年，或多或少都會有一些美製導彈由烏克蘭流出，那些導彈是不會被截擊，故此可以輕而易舉攻破「鐵穹」。
