星期一早上公司開例會，有同事話有一個食肆租客，因為生意太好，垃圾增加，希望我們可以加強人手協助清理垃圾，否則就會將垃圾倒出街，我話食肆好生意是好事，垃圾增加，大家可以協商解決，但如果要脅就冇得傾，我唔信食肆夠膽將垃圾倒出街，睇吓佢仲有冇人幫襯，保證生意一落千丈，食肆只不過靠嚇，而且食肆亦要遵守大廈公契，公契亦清楚列明各業主或者租客要妥善處理自己垃圾。
日本政府話萬事俱備，在8月底就會將
福島核污水排放入太平洋，除了得到國際原子能總署lAEA認可，仲有超過100個國家表示冇問題，只有中國，香港等30幾個國家或者地區反對，有同事唔明白，點解有咁多國冇反對，其實同我們的食肆租客倒垃圾出街一樣，只有附近的店舖反對，街頭巷尾的就話之你，最好倒多啲，冇人去幫襯那間食肆以及附近的店舖，他們反而可以多做生意。
至於日本夠唔夠膽排放核汚水入太平洋，我個人認為是唔夠膽，因為排放核污水與食肆倒垃圾不同，核污水一經排放，是冇得返轉頭，如果發現異變生物、海產等，日本是玩完了，食肆倒垃圾出街，如果影響生意，只要立刻停止，最多影響幾日生意額，唔會搞到食肆執笠。
其實地球就好似一幢大廈，大廈有大廈公契，有地球公契，乜嘢可以做，乜嘢唔可以做，有很多事就算在本身國家都唔可以做，排放核污水影響全世界，如果聯合國因IAEA認可而任由日本排放核污水，如果出事，不但日本玩完，聯合國亦可以收檔，所以，我夠膽講日本不敢排放核污水。
有老友我毋須做咁多分析，只要問吓有資歴玄學家，我話問都冇用，如果玄學家話不會，最後日本亦沒有排放核污水，玄學家一定會領功，但日本即使最後排放，玄學家仍然冇輸，他們會話早已知道日本會排放，但天機不可洩漏，既然玄學家唔會輸，點解要問他們。
