豪宅不死，香港樓市不死

　　有老友話香港樓的確場很奇怪，報紙經常報導劈價蝕讓，不但中原指數保持平穩，而且不時有豪宅高價成交，價值三兩億的已經不算是豪宅，講緊的是幾十億，究竟買豪宅的人心態是怎樣的，點解會用咁高價買樓。

　　老友可能唔知道，豪宅是香港物業市場定海神針，豪宅不死，香港樓市不死，實話實說，有唔知幾多亞洲以及中國富豪住在香港，不過大部分人都很低調，如果不是有一些新聞出現，大家都唔知道他們住在香港，例如去年在九龍豪宅區有一宗火警，大家才發覺到屋主是著名影星，僱用18個家務助理，唔係出現火警，真係連隔離屋的住客都唔知，傳媒亦相當配合，就算知道都唔會失實報導，畢竟這是個人私隱。

　　買了豪宅的業主不但在私人方面僱用大批工作人員，很多時都會將重要的辦公地點落在香港，所以，甲級寫字樓以及名店食肆亦會受惠，繼而擴大至整個物業市場，所以，大家睇樓市應該要睇豪宅表現，而非那些小型單位，不過，要社會穩定，小型單位樓價亦不能大幅下跌，否則太多人受到影響，就算豪宅樓價飆升都冇用。如果社會因為小型單位樓價大幅下跌而出現動盪，豪宅業主亦會離去，豪宅樓價自然下跌，豪宅死，香港樓市亦死。