每一年到了五月，不少人會話五窮六絕，生意唔慌會好，樓市亦不例外，不過大家在五月初就會話五窮六絕，但到了六月底就唔會講五窮六絕是否出現過，其實一般來說，五、六月做生意的環境不太差，所以過了五、六月之後，反而冇人提及五窮六絕。
有老友問今年會不會出現五窮六絕，我認為以甚麼作比較，如果與去年五、六月比較，今年一定會好得多，但與今年第一季作比較，則會略輸一籌，但仍然唔可以用五窮六絕來形容，如果今年出現五窮六絕，真係好大件事。
我認為每一年都可以出現五窮六絕，今年不可以，因為經過三年疫情，香港正在復甦，如果出現五窮六絕，表示營商環境很差，不但生意沒有增長，甚至衰過舊年，但這個情況應該不會出現，樓市只是會放緩，唔會出現大冧情況，我對樓市這兩個月睇法，輸少少當贏，下半年應該會有一定升幅，我並不是預測，只是講我自己意見，大家聽下就算，千祈唔好見到樓市下半年下跌，便風起雲湧搵我算帳，唔好屈我食死貓。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
樓市亦不例外，不過大家在五月初就會話五窮六絕，但到了六月底就唔會講五窮六絕是否出現過，其實一般來說，五、六月做生意的環境不太差，所以過了五、六月之後，反而冇人提及五窮六絕。