今早有做旅遊業的老友搵我，問我如何在買樓的時候打動業主芳心，我講咗之後，老友話投桃報李，今次日韓限制中國人入境是誤中副車，本來是一個商業決定，但韓國入境處處理不當，才會搞到咁大件事。
據他收到的消息，日韓還未完全準備好迎接中國旅遊人士，酒店的使用率只有四成，人手又唔足夠，但唔知道有咁多中國人入境，酒店over booked，如果讓中國旅客入境，一定會嘈到拆天，於是由海關把關，確診者要自費隔離，就唔可以去攞房，但海關做得太差，竟然動用到軍警，最後演變成外交事件，現在都唔知點收科，如果老友不是旅遊業響噹噹的人，我一定唔會相信，現在就半信半疑。
