今早有老友到公司訴苦，幾個月前，佢老婆話有財務顧問同佢講，定存的利息咁少，點解要做定存，應該買一些金融產品，保守一些買債券，最低限度有6-8 ％利息，兩公婆商量了一會之後，最後將定存買了金融產品，收了幾
個月利息之後，便停止派息，發行債券的公司話要重組債務，待重組完畢才恢復派息，現在石沉大海，最慘就係連財務顧問都搵唔到，睇怕最後都要做柳毅傳書（全輸）。
老友可能唔知道，在銀行的定存是幾咁吸引人，財務顧問一定會想盡辦法來游說那些定存主人去買金融產品，不能夠說財務顧問是有居心，他們亦只是想替客戶搵多啲錢，但無論如何，擁有定存的人一定要識得保護自己財產，最簡單做法就唔好承認那些定存是自己的，或者可以避過一劫。
