樓市在今年下半年一片唱淡聲中之下急跌，大多數人會認為那些劈價賣樓的業主受傷最重，其實未必一定，所謂劈價只不過是叫價太高，與市價有一段距離，就算劈價成交其實與市價相距不遠，不過，現在的成交價大多數低於市價，樓市下跌亦是事實，我亦不會否認。
大家可能唔知道，在樓市受傷最重的並不是蝕本賣樓的業主，而是借錢俾人買樓的銀主，大多數是財務公司，銀行只是佔少數，唔講大家未必知道，財務公司的數目近幾年逐年下降，以往是不會有這個情況出現，由此可見，財仔的生意是很難做，很多人不明白箇中道理，九出十三歸，生意點會難做。
由於銀行的按揭貸款受制於逆週期措施，一般物業名義上最多可以借到五成，但實際上四成都未必借到。由於借貸比率太低，銀行可以高估物業的價值，財仔按這個估價報告借錢，無形中多借了，本來是借8成，隨時會變成借9成，如果債主唔還錢，財務公司唯有收樓，將物業變成銀主盤，以銀主身份在市場放售，成交價可能唔夠借俾債仔條數，最後要蝕錢，而蝕錢生意冇人做，這亦是財務公司數目減少的原因。
大家可能會發現到在市場上放售的銀主盤，大多數並不是優質物業，有很多人以為財仔會將那些優質銀主盤益自己友，其實是一個美麗的誤會，現實是如果那個是優質物業，債仔可以自己賣走，不用給財仔那麼多賣樓手續費，而且被人知道自己單位變成銀主盤亦不是光榮的事。剩下來只是一些低層，方向不佳，地點不好的單位，根本無人問津。眼見樓市下跌，雖然有人話最心急賣樓的人是業主，其實又點會係業主，賣咗樓之後又要搵樓租，無端端攞苦嚟辛，而事實上最心急賣樓的人是銀主，物業已經變成銀主盤，愈遲賣損失愈多。
