今日中午，有錢佬話賣了一層樓，雖然蝕錢，都要請我食飯，佢問我知唔知點解，我話一定是有錢佬幾年前賣了股票，將所得現金去買樓，現在賣了樓，又會將所得現金買回那些股票，相信可以多買三四成，我唔敢肯定，但雖不中亦不遠矣。
有錢佬話全中，當日賣股票買樓，不少人同佢講股票還有排升，點解要賣，更加沒有人贊成他買樓，現在那些人仲笑緊佢當日買錯樓，今日要蝕讓，如果那些人知道來龍去脈，就應該笑唔出。
最近報紙經常報道那些蝕錢個案，如果知道那些業主當日是賣了股票然後買樓，就未必會報道，其實，生意是變化很大，不是睇一個方向就可以理解。
