身家唔見了一截的BNO拿

　　在香港樓價指數連跌10個星期，比高峰時跌了8％之後，大家以為一定會被那些移民去英國的BNO拿取笑，他們一定會話契弟走得摩，原來沒有，最少我的朋友都沒有收過類似的慰問，有老友話，唔通BNO拿咁好心，不在香港業主的傷口灑鹽，當然唔係，主要原因是英鎊跌了，而且發夢都估唔到跌了咁多，對美元港幣就跌了25％，兌其他貨幣例如日本紙就差不多，身家唔見了一截，BNO拿仲點敢笑香港人。

　　有BNO拿話，如果不是有賦稅居民這條例，不賣香港物業是要付資產增值稅，是從買入該物業的日子開始計算，由於香港沒有資產增值稅，賺價40％全歸英國政府，他們一定唔會賣走香港物業，賣走之後當然換了英鎊，現在就損失慘重，冇心機唱香港人，不過，反而有香港人安慰BNO拿，只要活得開心，身家少了25％又算什麼。

　　老實說，真係發夢都想唔到英鎊會跌得咁快咁急，有BNO拿話早知今日才走，這個世界有早知冇乞兒，既然已經移民，就唔好再諗香港，唔使擔心香港樓價跌了8％ ，本來英鎊下跌是沒有問題，個度賺錢個度洗，但BNO拿會發覺，英國原來缺乏天然資源，雖然不少物品是在英國工廠生產，但原材料是來自其他國家，英鎊下跌，原材料價格急升，結果會令到英國出現高通脹，有可能會去到18％咁多，今次真係唔知點死，但回流又不能，最低限度要等到英鎊回升才考慮這個問題。