有年輕朋友打算買新樓盤，但又擔心買了之後樓價下跌，他究竟應該買那一區的新樓盤。
我認為擔心新樓盤下跌，在買新樓時首先唔好理在那一個區分，要買最暢銷的新樓盤，如果一個新樓盤在地產商推出時銷售量不足五成，結果是地產商有可能減價加佣增回贈促銷，同時亦會有部份買家撻訂，造成骨牌效應，令到其他買家出現無妄之災。所以，買暢銷新樓盤比較穩陣，當然，這並不代表新樓盤樓價不會下跌，只是機會比較少一些。
其次是睇地產商付款方法，愈容易買代表愈多不合資格的人去買，動用到呼吸plan更加要小心，如果樓市有乜風吹草動，那些人便會放棄訂金，令到所買的新樓盤樓價下跌，其他買家也受到無妄之災。
現在買樓要以不求有功，但求無過的心態去買，唔好要求買入之後樓價會大升，首先是要保持平穩，買入的新樓樓價能夠保持平穩，買樓是要睇長線，今日唔跌，就是日後上升的先決條件，否則在業主爭先恐後出貨，樓價會愈跌愈多。
我講的事實，地產商全部都知道，除非香港經濟真係很差，否則地產商都不會減價出貨，就算有買家撻訂，地產商在殺訂之後立刻會加佣促銷，務求將撻訂單位加價出售，將不利消息變做促銷，所以，太多撻訂的新樓盤亦要小心一點，但不是壞消息。
