有一個老友，從來唔買地產商有提供呼吸Plan的新樓盤，原因之一是那些樓盤一定唔好賣，唔知賣到幾時才可以封盤，新樓盤唔封盤，樓價很難上升。
第二個原因就是用呼吸Plan買樓的人，除了財力不足之外，大多數是因為恐懼，他們擔心樓價繼續上升所以買樓，但買了樓之後，他們並沒有平靜下來，反而更加恐懼，稍有風吹草動，那些買家便會撻訂，就算他們用了呼吸Plan成交，但由於他們的實力不足，倘若經濟環境轉壞，他們的收入減少，不能持續供樓，所買的單位很快會變成銀主盤，繼而影響整個樓盤樓價，有一些業主買了某個樓盤，到今日仍然要蝕錢才可以賣走，就是這個理由，老友的分析的確冇錯，但如果唔夠錢，就冇辦法唔買那些有呼吸Plan的樓盤。
新冠疫情稍為緩和，香港政府仍然慎重其事，出入境仍然甚為嚴格，唔似得有一些國家，絕對不用做核酸檢測，即使確診仍然可以入境，所以，香港政府應該學那些國家，放寬入境限制，否則就會失去競爭力，老友可能唔知道，那些國家絕對不希望香港放寬入境政策，否則，多了香港這個競爭對手，他們就慘了。
我問老友點解前言不對後語，他抗拒買有呼吸Plan的樓盤，點解叫政府放寬入境限制。政府這樣做好似提供抗疫呼吸Plan，雖然會多了一些確診者來港，但未確診或者痊癒的人，他們就會對香港敬而遠之，邊度會有人去一個充滿確診者的城市，那些現在放寬入境國家其實都唔想，不過，沒有收入，想唔放寬都唔得。
