|
1. ray 2013-07-25 10:03:18 |
|
no |
|
2. Lee 2013-07-25 10:26:31 |
|
Many good points. |
|
3. 高官富貴買鑽石,代理難搵食! 2013-07-25 10:54:35 |
|
|
|
4. Insider 2013-07-25 11:13:49 |
|
大陸錢慌，阿爺嚴查，大陸客正清倉離場，以免冇錢交數。 |
|
5. 老手 2013-07-25 11:26:11 |
|
睇四大發展商近日賣樓和投地求求其其，就知佢地正在部署向下炒啦，當他們做好做淡部署(在此不方便透露)，樓價會一如過往多次的情況，跌勢將會快狠深，這樣才能做到殺倉的效果，做了的淡倉才能極速搵快錢，然後再在燒炭價慢慢入貨和儲地。
|
|
6. 肥湯 2013-07-25 11:37:40 |
|
我估美國第四季開始退市，樓價已預先第二季見頂，並將會形成長期向下趨勢，既然冇得升，點會有人買呢，賣樓人多，買樓人少，加上在突如其來的黑天鵝式的壞消息下(美國佬係制造黑天鵝能手)，樓價將會在第四季開始急跌。 |
|
7. 炒家 2013-07-25 12:03:26 |
|
筆者文章有深度，所以我都清了貨，準備大量現金在低位補回。 |
|
8. 老記 2013-07-25 12:17:29 |
|
被仲達稱為高質素讀者的 亮劍、Pat Pat及法子， 請來這欄看看何為高質素啦！
哎呀， 漏了個高質逸瑤 。
|
|
9. 高質素地產分析總裁 2013-07-25 12:57:09 |
|
你們翻查一下舊紀錄就知我幾咁"高質素"!! 2008年11月8日 近日全球之金事故，令不少人對本港樓市看淡 2009年10月24日 整體住宅市場在高位運行 = 無論是整體計，或分港島、九龍和新界計，甚至以個別普及屋村計，以致時空有長短，皆顯示高位運行情況
2010年1月23日 住宅價格趨勢：港島向上，九龍新界向下
2010年8月11日 香港私樓價格：再升20%可爆煲
2010年11月9日 香港住宅樓價全線偏高 |
|
10. 樓市明燈 2013-07-25 13:02:36 |
|
過馬路要睇燈
買樓當然要搵神燈
歡迎樓市又多一盞明燈
|
|
11. 心大心細 2013-07-25 13:05:21 |
|
之前仲心大心細驚樓價黎緊會跌, 家陣見到咁多人唱淡反而令我更放心, 可以安心繼續長期持有收租. |
|
12. 網中人 2013-07-25 13:12:50 |
|
美元規模大, QE比例上其實微不足道, 對比中國M2發行量, 簡直是小巫見大巫, 因全球媒體焦點, 港元又不能跟美元脫勾, 銀紙貶值激發港人置業情緒高漲長達4年。 港府3D將港人置業情緒降温, 鍾維傑精闢獨到的理論將今天已低温的置業情緒「加霜」。 香港少有的理性、技術型分析, 實屬難能可貴。 盛贊！ |
|
13. 亮劍 2013-07-25 15:48:01 |
|
中國為防止國家樓市狂飆，已經出盡八寶，但點解國內大部分地區嘅樓價，還看不到樓市有下跌的苗頭？ 從小業主嘅立場，佢哋見倒中國經濟有成七到八個%的增長，又有持續嘅通貨膨脹，M乜M物嘅發行又係咁升，咁連最蠢嘅人都知要買樓自保，所以同胞們上下一心，用人海戰術去搶購磚頭是可以理解的！ 而各市政府，為咗揾銀出糧同找數，將樓價唧高對佢哋來講，係不能不實行嘅政策，否則做底特律二世都有份！ 咁各地產發展商見你市民有需求，市政府又等錢使，仲唔順水推舟？ 從來投資產品嘅上升，係呢樣產品嘅持有者確信有下一家接手，而呢個下一家又真係出現倒的話，咁除非有更好路數，或群眾預料個市會大冧，否則你要叫呢啲人放售止賺，真的有難度！ 要扭轉呢個上升預期，首先一定要經濟差，咁失業率先會上，無嘢做、無收入、供條毛？ 如果加埋庫存高，實質利息(脹率減按息)高企，跟手就有人頂唔住焗賣資產變現！ 如果數量夠多的話，他們就要以減價方式，競爭剩餘下來的買家，這樣就成為下降軌。 呢樣產品如好多人做咗高槓桿的話，咁財務機構就會同你斬倉，加劇跌勢！ 但中央早幾年嘅打房政策不斷出台，使到買家入場門檻係咁升高，咁一來就排除咗啲唔夠持貨能力嘅蛋散，二來銀行借俾人嘅槓桿又低咗，三來又因為限購令嘅關係，無人肯亂咁賣嘢-----但同一時間，樓價繼續上，出來嘅效果就係，唔聽政府話嘅人實力越強、銀行風險無嚴重加大、2 手貨源因特有人唔肯賣、唔敢賣或唔俾賣而缺貨，情況同香港一樣！ 因為政府已壓低左樓市呢個週期嘅升幅，咁當有一日樓市下行週期真的來臨之際，跌幅亦可收窄，銀行整體衝擊亦會細咗，中港兩地政府可能都係咁想！ |
|
14. yy 2013-07-25 16:02:40 |
|
鍾生的論述："四、按揭成數低、資金多、不少買家全cash置業，不是令樓價有抗跌能力嗎？
不能，因價格是以交易訂立的，百多萬業主中，只要有數個百分點要降價售賣便會做成低價，和另外多少人沒有貸款無關。再者，沒有在香港貸款不表示其中全無借貸或欠款。＂2008年底，長實被冰河時期嚇跑了天水圍栢慧豪園，現在是升值一倍了。有人減價走貨就自然有人接貨，最後誰勝誰負就要讓時間來證明。 |
|
15. 試吓駁你 2013-07-25 16:03:58 |
|
一、歐美經濟仍然沒有多大起色，因此QE不但難以取消，利率更可長期處低位，繼而令本地樓價持續高位，是嗎？ 試想, 08年金融海嘯至今都無QE, 香港樓市應該無09年V形反彈, 樓價應該跌到唔認得人, 但喺而家樓價持續高位, 就係因為QE未取消, 所以答案是肯定. 二、倘若本地樓市調整，會是何時？ 你話唔知道, 即係天機不可洩露, 你話源頭多數來自外地, 但請講出理據, 不可口講口賠, 唔算數. 三、供應仍不足，不會對價格有支持嗎？ 供應不足近年致樓價不斷趨升, 係多數人嘅結論, 而政府亦盡力趕, 全民搶地趕增加供應, 足以證明供應不足會是樓價升原因之一, 難道, 供應太多, 供過於求反而會支持樓價升? 四、按揭成數低、資金多、不少買家全cash置業，不是令樓價有抗跌能力嗎？ 現在眾多不利樓市政策, 消息, 唱淡環境下, 樓價依然不跌, 起碼無大跌, 正正因為多數業主持貨力強, 賣咗買唔番, 舊按揭成數低, 存款無息收, 資金無出路, 港元貶值, 持樓收租, 租金頂得供樓有餘, 而且租金不跌, 相當穩陣, 何樂不為, 你文中說: (百多萬業主中，只要有數個百分點要降價售賣便會做成低價), 但反觀現在樓市成交中, 創低價售固然有, 搶高價買亦有, 两者不遑多讓, 何以單單舉低者為例, 恐以偏蓋全. |
|
16. 安哥 2013-07-25 17:24:35 |
|
|
|
17. 戴後庭 2013-07-25 22:18:07 |
|
年青人腦筍都未生埋，腦神經未完成發育，諗野唔經大腦，最容易被老屎忽挑撥煽動，所以往往推動什麼什麼抗爭都係要搞班年青人，黑社會都係同一技倆搞班年青人，而且愈年輕愈好，較為有腦的中或老年人又點會聽佢地老點呢！
班冇吉屎狀棍學者為了自己私利和自己認為天上有地下無的一己理想，認真心狠毒辣，推班年青人、甚至連自己英文住址也不懂寫的中學生做他們的爛頭卒去死，隨時被打重傷、坐監兼留案底，他們的父母花了多年心血和巨額金錢栽培子女，真係多得佢地唔少。
一仗功成萬骨枯，成功與否，這班無恥狀棍學者和政棍都會名利雙收，但無知的年青人和他們的父母將會付出極沉重代價。
|
|
18. 雲在青天水在瓶 2013-07-26 00:08:46 |
|
這些問題，早就據理反駁了N次了。重攞出來說事，不值得再駁。 |
|
19. 利世民 2013-07-26 08:42:43 |
|
底特律破產，有人問，結果會怎樣？政府破產，卻沒有辦法印鈔，其實是好事。政治演員許下的承諾不能兌現，代表人要面對現實。
誰要面對現實呢？第一群，就是當年信了政府的人。第二群，就是沒有信不信，但起居飲食都要靠政府的人。第三群，就是既不信政府，也不靠政府，但一直乖乖納稅的順民。
美國人有普選，也算是有民主；經歷了那麼多年，民間發展出一套潛規則：第三群人，越來越稀罕。當然，美國聯邦稅局，環球追稅能力第一流；懲治機關或許會走漏了斯諾登，但有理由相信，他的財富要是仍在美國，已經被封鎖起來；人或許可以一輩子流離在外，但海外的資產，遲早會被凍結充公。 話說回頭，有許多人將底特律的問題，說是產業單一的結果，然後引伸推論，都是資本主義的錯。不過常識告訴我們，一個行業的興盛，會為其他行業帶來機會，這是市場發展的自然規律。底特律的單一，正正是當年的政府為了「促進產業」，再加上那火紅年代的社會棟樑要保障工人，搞出各種限制，令各行各業難以興旺起來；結果，當年最賺錢的汽車工業撐了幾年，一個石油危機（事實是美元危機），將曾幾何時是美國四大名城之一的底特律摧毀了。
事過境遷，今時今日社會棟樑有沒有學到教訓呢？昨天，又有人在我的facebook上留言，說底特律是死於產業單一。他們為甚麼不去想想，香港曾經是世界玩具鐘錶業的重鎮，李嘉誠當年賣膠花？百多年前的紐約也是工業城，再數上幾十年，世界工廠在英國。時代會變，經濟會自然轉型，偏偏社會棟樑仍然是一樣：信，政，府。 |
|
20. 亮劍 2013-07-26 14:21:42 |
|
業主見過鬼怕黑又好，政府有家長心態驚你班友瀨嘢又好，CY 為爭「民望」做場戲又好，小業主已經自動玩保守！ 現在喺香港供緊樓嘅小業主，絕大部分用緊 4：4：2 或 4：3：3 陣式！ 即四成家庭支出；供樓四或叁成；儲蓄及保險兩或叁成。 而呢幾年香港仲有 3 D、正面信貸資料庫及收緊埋按揭成數打房手段，連投資者買多間長線收租亦有困難，仲話走去炒樓？ 大話怕計數，九七年一個四球嘅單位，借七成供樓利息係 P 加，當十厘供 25 年，每月要供弍萬五仟幾，本息比率係 1：9！！ 現在同一個單位當你五球，借七成供樓利息係 P 減，當2.15 厘供 25 年，每月要供係萬五多少少，本息比率係 6：4！ 小業主已經保守成咁，同九七年嘅全攻型打法相比，那可相提並論！ |
|
21. 黑旋風 2013-07-26 17:15:04 |
|
在下愚見, 只有三個情況樓市會大跌:
1. 中國經濟急劇衰退令香港亦同步急劇衰退
2. 美國大幅度加息, 例如在1年內加5厘
3. 香港政府重推8萬5
但以上3點除第1點我們不能看透外, 第2,3點可能發生的機會微乎其微.
|
|
22. 我有問題 2013-07-26 18:46:12 |
|
現在提起美國( 反QE動作系列 ) 即減買債, 退市, 加息 == 香港樓市大災難, 令我無厘頭聯想到香港之前都好似玩過一次迷你QE, 然後又完成咗迷你反QE動作, 不過當時唔係買債, 係無限量買股票托市, 同大鱷索羅斯, 老虎基金等搏命, 結果老虎基金一命嗚呼, 大鱷索羅斯得番半條人命時, 減買股票, 到最後金融風暴完結, 政府揸住大量股票, 因股市重歸正軌而大賺咗 ( 好似幾佰億 ), 之後政府實行退市, 將持有嘅股票成立咗現在嘅盈富基金, 後來經濟狀況愈來愈好, 利息變化情況我唔記得, 估計利息應該向上( 得等閒查吓 ).
我的問題是: 美國退市, 會唔好似香港咁, 等到經濟情況穩定晒, 然後慢慢一步步嚟, 盡量減少對世界經濟冲擊, 適量時候先慢動作加息, 咁香港樓市咪唔係想像中咁大煲飯? 請各位高人賜教. |
|
23. Agree 2013-07-31 08:02:42 |
|
Very professional analysis. |
|
24. ABC 2013-07-31 10:03:07 |
|
如果 今日賣樓的利潤 比兩個月後賣樓 多的時候, 對 投資或投機者或發展商而言, 不如早賣. 香港持兩間樓的人多的是, 他們大部放棄這投資機會. 賣樓離場, 樓價必跌.
|
|
25. 应该是 2013-08-02 11:55:34 |
|
| 4. Insider 2013-07-25 11:13:49 |
| 大陸錢慌，阿爺嚴查，大陸客正清倉離場，以免冇錢交數。 |
|
|
26. 亮劍 2013-08-05 21:45:28 |
|
發展局宣布於 11 年 4 月開始，限制私樓發水上限於一成，咁收倒風嘅地產商，仲唔嗱嗱臨叫啲劃則師開夜工趕死線？係咪有病先！！ 之後啲樓發水只得一成，同可發三成嘅樓，落差好大啫！ 要發展商爭分奪秒去起發一成？你估發展商趺親個頭？ 起唔係唔起，等佢哋賣埋啲發三成先啦！ 劃公仔劃出腸，先睇老 C 講乜嘢係發水先---- 政府批地，通常都有地積比例的限制。所謂地積比率，是指土地上可建的樓宇面積與土地本身的面積的比率。 譬如，有一塊一萬呎的土地，如果地積比率是八的話，即是說土地上最多可以建八萬呎樓。 有些必要的公共設施，如電梯房、火牛房、泵房、以至車房等，一直可以獲得寬免，不用計在地積比率上；但露台、電梯大堂、樓梯，以及走廊則需要計算在地積比率。 九十年代末，政府為鼓勵地產商建露台，及擴闊走廊與電梯大堂，增加了這方面的寬免。 這項政策，對消費者不無好處。 當露台需要計在地積比率時，地產商起樓都沒有露台，因為露台賣不起價。 但現在起露台不用計地積比率，即是每個單位的面積不用減少，還可以加建露台一起賣，地產商當然樂於為所有的單位都設露台。 結果，近年所有新建的住宅樓宇，都有露台。這種設計甚獲消費者歡迎。 現時，政府所謂的限制發水，就是減少這種寬免。 其結果將會是，以後起出來的樓，露台面積會減少，地下大堂會顯得局促。 我很懷疑，這種限制是否真正對消費者有利。 消費者其實不反對有露台及寬敞的地下大堂，他們反對的是，地產商在賣樓時把政府的寬免也用來賺錢。 消費者覺得，既然政府不計地積比率，等如地產商不用付額外的地價，那地產商就不應在賣樓時要消費者再付錢。 最好是繼續讓地產商建大露台以及地下大堂，但賣樓時就送給消費者。 咁地產發展商喺 11 年死線前入嗰堆則，劃則師好明顯會攪盡腦汁，加上運用他們的妙筆生多啲樓花面積出來啦！ 而呢啲則唔使審，肯定有大型露台及寬敞地下大堂，而住客會所兩層最少，有泳池及拾零間房亦幾可斷言！ 但因現在買賣新樓要計實呎，咁呢啲發三成「遺則」，係唔係有今生，無來世？ 而趕唔倒尾班車或近兩叁年先新批嗰 7X 塊土地，只發得嗰一成水，咁露台、七八呎公共走廊位、寬敞地下及電梯大堂------自然無啦！ 會所都有掛，因陋就簡一層得幾間房囉！ 泳池就會變兒童池，有小朋友就正嘅，三溫暖同沖涼唔該返屋企！ 咁同一實呎價，係買家都知點揀啦！ 所以地產商唔盡心盡力，整鬼整馬地拖延發壹成建屋進度，等發三成和發一成產生斷層，等買家焗買無得揀，佢個腦一定灌咗水！
政府想放寬預售樓花期去到3O個月撲火，但請睇清現實先講嘢！ 你政府要那些地產商在賣新樓樓花嗰陣，又乜又七，公佈呢樣，公開嗰樣！ 咁人家做生意緊係踏著石頭過河啦！ 佢哋不但要制作磚頭咁大舊的樓書，仲乜嘢狗屎垃圾都要落齊！ 但超過兩年嘅嘢，點話得埋，就當你發展商落曬單，俾埋錢，但現在唔俾人哋供應商執? 咁為免中招，都係賣現樓好過啦！ 橫掂同你CY都唔係好好朋友，又無兩句！ 最多唔夠錢用，走去沽一兩件商埸、一啲車位，或者超市填數囉！
|
|
