|
1. 東方竹 2018-11-07 16:01:53 |
|
同意蔡生文章,語不驚人死不休,大升大跌至夠吸引,可惜係紙上談兵,現實唔係. |
|
2. 亮劍 2018-11-07 16:06:27 |
|
今日東x日報……鰂魚涌居屋康山花園5座高層B室，實用面積592方呎，三房間隔，主以968萬元將單位白表易手，實用呎價16,351元，成交價創屋苑新高。 |
|
3. 亮劍 2018-11-07 16:10:36 |
|
小弟喺三年前的文章，原來仲未過時，😅😅😅😅
亮劍 2015-11-18 22:56:04
打房政策展開前，香港 D 大型屋苑每年的轉手率有7~8%，粗略估計賣家沽貨原因如下:
楼換楼……可能兩房換三房改善居住環境，亦有可能三房家庭因子女長大成人，玩一開二，呢D客佔幾成成交，乃重要二手盤源。
專業炒家……通常係「老街坊」，對屋苑的行情瞭如指掌，所以佢哋好多時都做到高沽低吸，因到價即沽係地代至愛。
「醒目」租住等……他們可能通過沙盤推演、求神問卜、超級電腦運算，從而得知後市「大事不妙」，因此佢地就先行沽出自住再候低位回補，呢班「醒目仔」都佔成交唔少。
長線投資者調整資產配置……他們有時買股、有時買楼收租、見勢色唔對可能存定期，玩逢三退一。
財困戶……可能因投資失利、健康惡化、失業減薪而急放，經濟好都間唔中有幾%，市道唔好更多，但可遇不可求。
境外人士……因為回鄉退休、賺夠、睇淡……總之賣屋賣田連根拔起，但呢度佔成交不多。
但在打房政策全面開展後，香港D大型屋苑每年的轉手率跌到只有 3~4 %，粗略估計呢家死剩的賣家沽貨原因如下:
楼換楼……因為換楼難度比以前倍增，因此不少賣家採取一動不如一靜方案，但呢D客仲係主流，隨時佔一半成交，還是重要二手盤源。
專業炒家……呢班人不少已經金盤洗手，加上一厘按息神功護體，呢家轉晒做長線收租人士。
「醒目」租住等……呢班「醒目仔」在對上 5~6 年前仆後繼，已經將應該要沽嘅貨，走得八八九九，呢家幸存自住客見別人沽自住死得咁惨烈，而自己間嘢每月供楼支出又所費無幾，地代想再震佢哋倉的難度倍增。
長線投資者調整資產配置……這一年香港無論股市、期市、汇市及商品，無不大起大落，照小弟認識的友人為例，唔輸到裙拉褲甩者，已經叫高手，要是磚頭投資者呢家槓桿不多，現金流仲係正数，咁佢哋大多已買定花生、揸定現金在睇戲，等執死雞。
財困戶……呢排市道唔好，加上傳媒集體看淡，呢類成交真的多咗，劈價盤由此而來。
境外人士……因為炒燶A股、生意失敗、資金鏈斷裂，無可否認呢D成多亦多咗。
呢兩叁個月，上述各項因素夾夾埋埋，出來的現象係:
「你被迫急放，因為無專業投資者同你接貨，唔好彩的話，會被準買家打完心口、再被地代打背脊；但你若要急買的話，因為無乜堅賣市價盤，可能要追價。」
總之呢家邊個急，就邊個要跌錢，市場因此呈現兩極化。
|
|
4. 亮劍 2018-11-07 16:15:30 |
|
喺2015年前，那些看淡香港樓市的人，不少心中看跌、喺现實中亦沽貨，甚至連自住樓都賣埋做租住等，言行可謂一致，地產代理仲有貨可賣。 而呢次由8月開始嘅跌市，好奇怪係連睇淡的人都唔肯平賣(可能連倉底貨都賣埋)，但喺另一方面那些準買家，因為利淡因素紛紛湧現，梗係希望殺佢兩成起碼。 賣家唔肯平，買家唔肯添多少少，市況便膠著，而雪上加霜嘅係今日經濟日報話，發展商喺成個10月都無去申請預售樓花。 如果打後個零兩個月，二手買賣雙方繼續堅持，而發展商又唔肯再推大型新盤，咁地產經紀就真係大檸樂。 唯有將嗰D「大減價」的新聞報畀傳媒，希望拿這些報導來逼迫實力及信心不足的賣家肯再減DD。 |
|
5. 成交價創屋苑新高 2018-11-07 16:19:32 |
|
資助當私樓賣, 當然好易創新高啦, 白表萬六算平啦 https://topick.hket.com/article/2093887/%E7%AD%B2%E7%AE%95%E7%81%A3%E5%B1%85%E5%B1%8B%E7%B6%A0%E8%A1%A8%E5%83%B9%E8%BF%91900%E8%90%AC%E3%80%80%E3%80%8C%E7%99%BD%E5%B1%85%E4%BA%8C%E3%80%8D%E4%B8%AD%E7%B1%A4%E6%98%AF%E4%B8%8A%E8%BB%8A%E6%8D%B7%E5%BE%91%EF%BC%9F%E3%80%80 https://www.hk01.com/%E5%9C%B0%E7%94%A2%E6%A8%93%E5%B8%82/211462/%E7%AD%B2%E7%AE%95%E7%81%A3%E6%9D%B1%E6%AC%A3%E8%8B%91%E5%91%8E%E5%83%B9%E9%80%BC1-9%E8%90%AC-%E6%88%90%E6%B8%AF%E5%B3%B6%E5%B1%85%E5%B1%8B%E7%8E%8B |
|
6. 路人XX 2018-11-07 16:37:17 |
|
蔡生和亮劍的文章幾年後睇番都咁精彩，唔係個個評論員做得到 |
|
7. 實事求是 2018-11-07 17:35:33 |
|
蔡老闆嘅數據才是真正說服力,其他講咩都係吹! |
|
8. 實事求是 2018-11-07 18:02:27 |
|
亮劍兄文章當然也好精彩,我意思係其他版都係吹! |
|
9. Johnny 2018-11-07 18:35:16 |
|
蔡生真系串爆某d專家 |
|
10. 中哂 2018-11-07 18:51:02 |
|
而在評論者當中，的確也有好幾位末日博士或者大淡友，他們深受媒體歡迎，每次預測雖然都不中，但每次都要做訪問，都要放頭條，無他，媒體也要照顧不同讀者的需求，看淡後市的讀者，就是喜歡閱讀大跌的報導。
🤣🤣🤣🤣🤣🤣🤣🤣👏👏👏👏👏
🤣🤣🤣🤣 |
|
11. 年初的低位 2018-11-07 23:41:36 |
|
年初的低位: 是: 165.點...
看看數據，中原城市領先指數本周報183.7點，創出今年新低，比起最高峰時期的188.64點，..........???
| 中原城市領先指數 CCL | 每周五公佈 – 最新2018/01/05公佈，反映2017/12/25至2017/12/31(預計簽署正式買賣合約時段)的二手私人住宅樓價。一般在簽署臨時買賣合約後14日內簽署正式買賣合約。 |
| 本週公佈 | 與上週比較 | 與上月比較 | | [中原城市領先指數] | 165.02 |
|
|
|
12. 自然一派 2018-11-07 23:42:56 |
|
亮劍兄文章歷久尚新,地產內容好豐富,值得我們閱讀,好有益嘅貼文,擺多啲上來!
|
|
13. 支持者 2018-11-08 00:32:21 |
|
下半年新低是183.7點,應該仲會再跌,不過唔會太大,180點左右啦,跌半成少得制,明年樓價升番了. |
|
14. 蔡生粉絲 2018-11-08 00:47:51 |
|
蔡生真係放個屁都特别香嘅! |
|
15. 各有志 2018-11-08 09:09:01 |
|
目前並非遊說他人買樓的好時機, 未來走勢, 將會是觀望趨勢, 人各有志.
|
|
16. omg 2018-11-08 12:08:15 |
|
蔡老闆文承武德，萬民敬仰，千秋萬載，一統江湖！ |
|
17. 好肉麻 2018-11-08 12:58:01 |
|
樓上個位仁兄，真係OMG，擦鞋都唔使寫到咁樣啊，好肉麻啊！ |
|
18. 真男人 2018-11-08 14:09:18 |
|
有人講反話，窒下蔡生。
話時話，蔡生講出了我的心聲，平日寫一段半段同類言論，此網站經常出唔到，呢次蔡生寸盡(求名淡)，實有人踩埸嘅。 |
|
19. 亮劍 2018-11-08 15:53:36 |
|
摷番幾年前嘅文章，呢個項目仲未傾掂，有些反對派議員話唔好填海， 我好想知佢哋有乜把炮變D地出來起樓😪
亮劍 2015-09-02 12:30:04
每次去油塘地鐵站，我總會見到對開觀塘仔湾有一大幅地皮在曬太陽，幾個月前同一班朋友去鯉魚門食海鮮。有人就話:「你們香港政府不是話唔夠地起楼嗎？作死佢有咁大塊地，為何唔用來起楼？」
我就話:「其實呢塊地，地主已經同政府拉鋸咗成弍拾多年，剛剛才過五關斬到第六將，呢家申請緊補地價。」
朋友就話:「那麼政府就爭分奪秒去同地主傾個数出來啦，仲等乜？」
我就講:「少喇叭，你剛剛大陸出來，你知不知道呢塊地值幾錢？」
我朋友可能買棺材唔知訂，隨便講:「使唔成百億？」(佢以為一百億好大)
我笑笑口話:「呢個項目總楼面有成4~5百萬呎，以政府唔會死錯人的估價睇，總計補地價应要2百億尾、隨時3百億头，畀着你係地主，你跟唔跟？」
我老友立刻 mark大口得個窿， 口窒窒声震震咁話:「緊係上訴啦！」
一葉知秋，香港冇地？偽命題而矣…………
後記:大家想想新地投元朗站幾$，油塘項目毗鄰地鐵站，向海單位可佔一半，呢家無三百億無法打动政府個心。
對希望增加土地供應的政府來說:「新地你真的大整蠱😰！！！」 |
|
20. 真真薯片 2018-11-08 16:31:10 |
|
亮劍兄，
我一直指出空置稅作用不大，到九月我亦重覆指出地霸將會住面進入罷賣模式，十月地霸唔申請售樓紙，足見地霸囤貨既決心堅如盤石，一於死都唔賣，慢慢擠 |
|
21. 亮劍 2018-11-08 16:45:58 |
|
根據政府呢家收地賠償，會視乎農地位置與新發展區的距離，將之分成甲乙丙丁四級，賠償按之遞減；據今年新訂價格，四級農地賠償呎價分別為1,040元、780元、520元和312元。 當政府要收1000公顷土地計，就算每呎農地都計做甲级，單計賠償都只不過係1,120億啫，不過想像係美好，現實係殘酷。 嗰1000公頃嘅農地，在補地價後，就算當你用3倍地積比去起樓，每呎樓面當發展商大發慈悲 (其實發夢冇咁早)，只係執你一千個大洋咁大把，每公顷地就係相差2.11億，如果計一千公頃，就係2千多億，你估那些囤地囤足幾十年的發展商會唔會咁順攤先😪
反對派成日叫政府運用土地收回條例，徵收新界鄉紳及地產商嘅農地去起樓，但如果咁簡單就可解決呢個難題，我估香港無人要住劏房。 |
|
22. 香港 2018-11-08 17:09:06 |
|
何先生我也非常欣賞他, 因為無論他說對或者是錯 ,但我相信他是說出真心話. 不像有D評論員一邊說樓市會跌一邊自己買樓. 明年的失業率一定會增加. 這就非常不利於上車盤. 明年利率有一定增加. 這樣有非常不利於豪宅. 我不認同下跌10%, 因為下跌只有10%根本不算是下跌. 因為而家樓市一買一賣都唔見咗30個percent印花稅. 所以我估計一係就唔跌一跌就超過30%. 所以如果覺得唔會跌, 而家都可以買. 如果覺得佢會跌一定要超過30%至入手. 選擇好簡單,匯豐美金存款都有5%. |
|
23. 香港 2018-11-08 17:25:35 |
|
蔡先生先至啱 |
|
24. 基層市民 2018-11-08 18:06:50 |
|
樓價跌咁少,其實得啖笑,等執筍嘢等到頸都長,不如唔好等,跌10%就應該買,我信蔡老闆,我覺得佢比較中肯,文章有啟發性! |
|
25. 東成 2018-11-08 20:49:06 |
|
是否搞錯了,冇跌價點解困局?等買樓嘅人一定好失望! |
|
26. 開心價 2018-11-08 22:54:06 |
|
買樓的貪念皆因見人出售物業吐現升值回報的紅利而大動干戈, 好奇怪, 旺市時買樓有錢賺, 又有人早幾年買的樓現在出售都要虧損離場, 同人唔同命, 同貨不同運, 此就是香港投資物業的可愛之處, 此就是買入一個物業, 必須等到另一個合適的買家出現, 才會產生盈利的現像, 否則, 好多虧損離場的仁兄仁姐就是沒有等到合適的搶購者,…… 最近上網查看物業成交紀錄, 發現一個好奇特的成交盤, 約53呎(實用面積)地舖成交價四佰餘萬, 每呎價約8.5萬元, 查核過往15年的租值, 只是1000元月租, 2000元月租, 3000元月租, 此類開心價盤, 又會有咁識精打細算的投資者入場……現在的租值不知幾何???可以收到幾奈呢???
|
|
27. al70 2018-11-08 22:59:38 |
|
為左做生意，借口真多。。。 借勢唱跌，借勢唱好。
如何促成交易傷透了腦筋，業界惟有借勢唱淡樓市。
反轉睇，早几年，為做生意，亦曾經不停唱好楼市，你地班地產商边皮小混混，呢三年害了几多人上錯，假毫宅楼花纳米車。 |
|
30. 對標題黨極反感 2018-11-09 09:26:43 |
|
| 業主移民台灣 映灣園3房劈百萬 | | | | (文匯報) 2018年11月9日 |
| 二手劈價依然不絕於耳，尤其是港珠澳大橋開通後，旅客驟增而喧鬧非常的東涌，有移民台灣業主劈價百萬沽出映灣園物業，東環亦有2房單位降價近兩成易手。香港文匯報訊（記者 黎梓田） 二手交投受壓，不少業主寧願劈價出貨。中原地產陳旭明表示，東涌二手成交淡靜，映灣園剛錄本月首宗成交，來自11座高層D室，面積648方呎，3房間隔。業主已移民台灣，7月底放售單位，叫價830萬元，最終減至728萬元沽出，呎價11,235元。 陳旭明補充，上月初9座低層D室相同間隔及呎數單位以730萬元沽出，是次成交價再少2萬元。至於原業主於2012年以465萬元買入單位。
|
|
|
31. 劈百萬都執263萬 2018-11-09 11:33:03 |
|
是旦一個盆，市價600萬但我叫價1600萬，最後仍以600萬賣出，勁劈一千萬，哈哈。
我四年前350萬買入，呢D唔使提啦，最緊要講劈一千萬。 |
|
32. 香港 2018-11-09 14:43:20 |
|
現在放緊一層樓, 銀行估價3700萬, 幾個月有個朋友出價3070. 如果有人有興趣3200即刻成交. 這個是真實案例. 如果我等錢洗就..... |
|
33. 真真薯片 2018-11-09 14:55:07 |
|
劈價應該用對上成交價黎計，用開價黎計有咩意思？ |
|
34. 香港 2018-11-09 15:06:36 |
|
我是用銀行估值來計 |
|
35. 對上成交價黎計 2018-11-09 15:17:39 |
|
片哥, 有沒有統計數字慶合合果幾個月總共成左幾多單位和價值? |
|
36. 望東樓 2018-11-09 17:17:32 |
|
|
|
37. 湯瑪斯 2018-11-09 17:18:52 |
|
「......最多也只是跌3%左右，非報導中短期大跌兩三成。真實的數字未必人人喜歡，樓價只是輕微下跌會讓淡友們感到失望，現實就是那麼殘酷。」 我都有留意最近二手樓劈價兩三成成交既報道，但沒有傳媒報道話樓價在短期內已經跌左兩三成。咁樣講對傳媒頗不公道。至於淡友話樓價會大跌，都冇乜邊個話2018年11月初已經跌左兩三成，施兄最近轉軑睇淡話樓價會下跌25%至30%(沒有說何時跌到這個位)，細價樓爆煲論者話農曆年之前由最高峰下跌15%，大淡友沈大師話2019年會由最高峰下跌40%至50%。公道點說，預言大跌的專家大都沒有說今年內就下跌兩三成。有人話香港欠2兆外債，香港就黎沒日，甚至有人話就黎第三次世界大戰添，呢D不能算是專家，佢地所說的話只屬妖言。 |
|
38. 望東樓 2018-11-09 17:41:00 |
|
一手樓每月平均成交價有機會被豪宅成交影響，不過平均千三、四萬應該走唔甩。 |
|
39. 升斗市民 2018-11-09 21:12:34 |
|
奇怪現象,報紙又話跌兩三成!
[有讀者問為何報導一面倒唱跌樓市，總是看到業主大幅減價兩三成賣樓個案，樓價真跌得那麼多嗎？故意 唱高唱低的言論筆者不懂，也不想刻意去嘩眾取寵，大家不如一起來看看數據，中原城市領先指數本周報183.7點，創出今年新低，比起最高峰時期的188.64點，跌了4.94點，即是樓價從今年高位開始下調，共跌了2.67%，即使登記有滯後情況，最多也只是跌3%左右，非報導中短期大跌兩三成。] |
|
40. 紀錄說盡一切 2018-11-10 10:14:10 |
|
其實唔使兜，睇番舊年年尾各(專家)的18年樓市預測，在未有空置稅和貿易戰因素下講過乜，一目了然。 |
|
41. 放空槍 2018-11-10 12:56:45 |
|
心口得個勇字，目前樓市進入觀望期, 向前衝鋒沒有意思, 當你的面前沒有敵人, 放空槍是沒有意思的, 
|
|
42. 中環中心大雕 2018-11-10 17:37:16 |
|
蔡生真神人也，持有中環中心兩層樓面億億聲，已經拆售左半層剩餘出租。美中不足系報導話 有集團以尺價3萬1入左一層。蔡生持有22,23樓肥過肥仔 |
|
43. 滿興奮 2018-11-11 12:58:42 |
|
香港是一個充滿生命力的市場, 當大多數人睇好樓市, 負重債去追買貴價樓的時候, 大市靈魂就會反手覆雨, 追殺此類實力不足的貪婪者, 俗話所說的叫做殺好友, ......有趣的事就是2012年至2015年間, 當有一群專家名人睇淡...當大多數人睇淡樓市時, 大市靈魂就會反手借力推高樓市, 捉弄遊玩此類沽空資產......叻仔叻女群,......所以,香港永遠是一個充滿興奮的遊戲場所......
|
|
44. 有可能 2018-11-11 21:56:53 |
|
目前香港樓市, 有可能形成一個殺好倉的震盪...讓實力不足者退下來. |
|
45. 金融火 2018-11-12 09:59:47 |
|
美國有山火, 希望香港沒有金融火……
當地時間2018年11月9日，美國加州馬里布山火肆虐。自本周三開始，加州多地發生山火，火勢蔓延迅猛，數萬人被迫撤離，數以萬計的房屋被燒毀。據排查，營地篝火是此次火災的起因，大風和乾燥天氣推波助瀾，目前，約兩千萬人處於火災的紅色警報之中，加州政府正在積極展開救援。
此次山火肆虐，Lady Gaga、小甜甜布蘭妮、金·卡戴珊等名人的豪宅以及HBO經典劇《西部世界》的片場都未能“倖免於難”。這其中Gaga在馬里布的價值2400萬的豪宅被波及，保險公司將賠償除了房子價值外的額外75%房價比例賠償金共計4200萬美元。圖爲LadyGaga豪宅。
|
|
46. 基層市民 2018-11-13 12:55:42 |
|
我支持蔡生文章,傳媒日日講樓價跌幾成,係有誤導之嫌. |
|
47. 必須由 2018-11-13 15:06:49 |
|
買樓不是死牛一片頸的理論......所有買樓者都必須由另一位出更高價位買入你手上的物業才會產生盈利的功效......
【本報訊】二手樓價回調，個別急變現的業主選擇蝕讓離場。有指大埔逸瓏灣一個特色單位以8,200萬元易手，業主損手逾400萬元離場。 市場消息透露，大埔逸瓏灣2座高層A室，實用面積2,505平方呎，連逾
承價能力高的內地買家減少，中價豪宅造價乏支持，市場連錄4宗蝕讓個案，其中飽受低價批地影響的大埔豪宅比華利山別墅，業主料實蝕逾300萬元離場。
市場指出，大埔比華利山別墅萊茵大道單號屋，實用面積1,902平方呎（建築面積3,118平方呎），原業主2007年以2,180萬元購入單位，持貨7年以1,950萬元沽出，帳面蝕230萬元，另加上交易費用支出，料需蝕逾300萬元離場。
嘉御山複式 蝕120萬售
事實上，白石角低價批地下，對新界東區豪宅樓價有壓力，沙田嘉御山2座複式戶，實用面積2,580平方呎，以3,280萬元沽出，較2012年時買入價3,400萬元，帳面蝕120萬元離場。
|
|
48. 開玩笑 2018-11-13 19:33:15 |
|
現在叫人買樓,似乎開玩笑多啲...
「收租王」永倫集團削價17%賣樓，以935萬元沽出觀塘麗港城單位。 近期二手市場不乏大幅降價或低市價成交，並開始出現賬面蝕讓個案。東堤灣畔錄得近年首宗「出血」成交，為2座頂層複式戶，屬區內罕有附設雙平台特色戶，單位實用面積1159方呎，三房一套間隔，附有兩個面積共456方呎平台，剛以1188萬元成交，呎價僅10250元。原業主於2015年1月以1200萬元購入，持貨3年多，賬面蝕12萬元，虧損1%，若連使費計算料蝕逾80萬元。。。
|
|
49. 熱門地 2018-11-13 22:05:05 |
|
公居屋成另類新氣象, 執到啦......未來走貨熱門地......
粉嶺華明邨獲綠表客入市個案。中原副區域營業經理洪文鋒表示，粉嶺華明邨康明樓高層04室，實用面積375方呎(建築488方呎)，以綠表價220萬元易手，實呎5867元。洪文鋒指，新買家為用家，原業主於1999年10月以14.5萬元未補價購入上址，持貨約19年，帳面獲利約205.5萬元，單位升值約14倍...
白居二搶購跌價公屋，黃大仙下邨龍榮樓高層9室兩房戶，剛獲該類買家於未補價第二市場以248萬元購入，以實用面積377方呎計，每方呎約6,578元。相比該屋邨年中時最高呎價約8,000元，下挫近18%。
良景邨連錄「2字頭」交易
富誠地產駱承德表示，市區公屋位置方便，加上入場門檻低，故一向受追捧。而上述單位樓價雖然回落，但若以原業主○一年購入價僅約22萬元計，是次轉售帳面仍大賺約226萬元，升幅逾10倍。
至於以物業價細取勝的屯門區，近期交投亦增加。祥益胡志偉指出，不少白居二買家最近於區內找尋「2字頭」公屋單位，帶動良景邨連錄兩宗該類成交。當中，良俊樓中層25室，實用面積489方呎，二月至今累減60萬元，以220萬元成交，呎價約4,499元，較高位低12.5%。
|
|
51. 幸運大 2018-11-14 12:45:39 |
|
香港幸運大地主的摘錄:
由利園山到希慎，打橫新會並排而至恩平，再到白沙、啟超等都是銅鑼灣街道，一個個街名都在訴說利氏家族打造的地盤，自1923年利希慎以天價380萬元購入鵝頭山開始，近百年來逐步打造成「銅鑼灣大地主」的地位。利氏在銅鑼灣持有10幢物業，包括利園1至3、5及6期、禮頓中心、利舞臺廣場、希慎道壹號、希慎廣場，稱得上坐擁半個銅鑼灣，而目前打理希慎地產王國的，就是利孝和夫人女兒兼希慎主席利蘊蓮。
|
|
