|
1. 基層市民 2018-08-22 13:29:23 |
|
好提議,起兩個人工島,容納100萬人口,好過其他方案10倍!蔡老闆有遠見! |
|
2. 推跌佢 2018-08-22 13:38:00 |
|
現在樓市起又難跌又難... 跌又難原因: 如何推跌佢...
|
|
3. 東方竹 2018-08-22 13:42:10 |
|
中美談判如果真係有轉機,蔡老闆就好準,個個都話中美貿易糾紛有排煩,起碼1 年半載傾唔掂.侵侵唔係人咁品.樓價唔跌都唔得. |
|
4. 亮劍 2018-08-22 16:05:36 |
|
如果你問我，喺房地產政策應該向政府提議啲乜嘢意見，我會咁樣答:
1 天之道，損有餘而補不足，喺香港有餘者係郊野公園及農地，而不足者係能起房屋、寫字樓、文娛康樂、基礎建設、醫院、養老院用地。 2 相對搞乜嘢發展岩洞，去填海的成本低得多，為何捨易取難？ 3 將全香港的樓價壓下，蒸發佢哋嘅財富去幫助未能上車者置業，咁請問對拼手抵足捱世界多年先上件納米者公平咩？
如果問我藥方係乜，小弟會堅持己見，就係「亮劍計劃」。 打後所有新供應嘅「麵粉」，最少要有一半的補地價由小業主負責，咁樣發展商的一手楼售價，便會贴近建築成本加少少水平。
呢度請問蔡生，你哋商會嘅理事，如果有同政府作溝通，有無同主理房地產政策的官員反映呢個打房政策有幾個盲點？
1 對自住客嚟講，沽出自住樓去做租住等的風險大得很。 2 對持有多於一個物業的人來講，他們就算估計後市會作出調整，但有何誘因去沽出旗下的物業避險？ 3 對一個有樓換樓需要的家庭來說，喺一個買賣兩閒的市況，人哋點樣樓換樓去改善居住環境？ 4 政府究竟知唔知，每一年有多少個「人頭」進入合乎免交15%SD的資格(包括到達18歲合法買樓年齡;喺香港住夠七年; 聯名物業除名)？
依家政府呢個「打房政策」，根本係焗所有小業主長揸，如果有實際需要嘅人希望置業安居，喺2手市場揾合心水盤的難度好大，佢哋唯有幫襯發展商買一手，請問咁樣公義嗎？
喺97年嗰陣時，我曾經喺現場聽過C老闆講過，一個成功的投資者，應該對市況好敏感，他們會於高位派貨，低位吸納。 但現在香港的打房政策將上述做法扭曲，搞得呢七八年，由阿豬阿狗到超級高手，全部成為來來曱甴屋，有入冇出！
咁二手盤源從何而來？ |
|
5. 話咁易 2018-08-22 16:42:11 |
|
現在想推跌樓市話咁易啦,袛要超級大戶召開召集嗰班退職舊太陽記者,連同一班沽樓大戶宣誓連手行動,要推跌話咁易啦…
|
|
6. 自然一派 2018-08-22 17:59:20 |
|
有冇進展睇一兩日就知,我就話中美有傾好過冇傾!
[根據以往經驗，兩國官員預先約好一個時間會面，通常之前會有接觸或傾好某些協議，等到雙方會面時共同公布。筆者認為，這次美國財政部副部長馬爾帕斯有可能向中方宣布，暫時押後對二千億美元中國商品加徵關稅。而根據消息，國家主席習近平及美國總統特朗普將於11月中旬舉行雙邊會談，中美談判代表均希望在兩國領導人會面前解決爭議，不想貿易戰完全失控。]
|
|
7. 地產人 2018-08-22 18:07:11 |
|
4樓亮劍兄,你講嘅嘢政府應該都明,但係打壓樓市政策係民望所在,邊個夠膽減辣,問責制之下,只有加辣,賣樓也好換樓也好,都被捆綁死,只有一手樓有得買,係新樓做主導! |
|
8. 十郎 2018-08-22 18:28:57 |
|
專敬的學者 , 應該係 " 胼手胝足 " , 讀作 " 平手之足 "。我是否吹毛求疪 ? 如果閣下是豬肉佬 , 就當我多事好了。
|
|
9. 自我陶醉 2018-08-22 18:47:41 |
|
問：“ 將全香港的樓價壓下，蒸發佢哋嘅財富去幫助未能上車者置業公平嗎？”
答： 天之道，損有餘而補不足，是故虛勝實，不足勝有餘。其意博，其理奧，其趣深。 (節錄自：《九陰真經》上卷)
其實亮劍兄自己應該有答案，你自己都識講：損有餘而補不足乃天道。樓價升凸，供應不足便是理由。哈哈哈！
|
|
10. 恐慌 2018-08-22 19:43:15 |
|
以前市場一恐慌，業主爭住出貨。依家一恐慌，大家就爭住入貨，楂住層樓才有安全感。
這個現象，全拜多年來一大堆辣招所𧶽。
|
|
11. 實事求是 2018-08-22 21:16:00 |
|
亮劍兄的確有見地,只不過可惜,政府就係唔俾炒樓,所有買家都做長線投資者,咁都未尚唔係一件好事,長線可以賺大錢,短線賺唔到!樓價升快跌慢,都係打壓樓市措施造成. |
|
12. 引刀一快 2018-08-22 21:31:30 |
|
如果真係整個人工島住100萬人，等住又嚟多次八萬五都得嘞，依家深圳羅湖嘅電梯樓都係5000零蚊呎，沙士果幾年香港人喺深圳買餸，喺深圳瞓埋都得啫。 |
|
13. 東成 2018-08-22 21:52:23 |
|
當年97樓市爆煲唔係因為八萬五,係亞洲金融風暴衝擊.刀兄好似睇嘢睇淡咗,香港大跌市唔係唔得,係要再來一個金融風暴至得! |
|
14. 引刀一快 2018-08-22 21:58:26 |
|
問：“ 將全香港的樓價壓下，蒸發佢哋嘅財富去幫助未能上車者置業公平嗎？”
香港嘅價值，係由所有各個階層嘅人共同創造嘅，如果香港冇嗮D冇樓嘅人，你D港樓係咪仲有咁嘅價值？要一部分人交貴租阻斷上流機會去維持你嘅資產值，公平嗎？
好友時常話樓係剛需，磚頭係實物，咁樓價升跌都冇問題咯，如果你有十間屋 ，呎價跌一半你都仲係有十間屋啫，D後生買得起樓會對你影響好大咩？
如果郊野公園叫做有餘，咁點解香港法例唔俾捕捉野生動物？咁有餘就話之佢死，捉D赤麂、水獺、黑臉琵鷺、豹貓嚟食喇。以前睇到人地話要鏟郊野公園，我會好憤慨，依家唔會。 |
|
15. 缺德者 2018-08-22 22:36:59 |
|
香港政府採取高地價施政,價高者得,政府就沒有公平的道德觀去推跌樓價,任何個人高價買樓,地產商高價搶地,如果政府官員推跌樓價就是缺德...缺德者總會有惡報.
|
|
16. 自我陶醉 2018-08-22 23:47:54 |
|
引刀兄，
“如果你有十間屋 ，呎價跌一半你都仲係有十間屋啫，D後生買得起樓會對你影響好大咩？” 太苛求了，簡直違反人性。
老子一早話你知，人性係喜歡在乞兒兜挪飯食，只有有道之人，先願意將多出的與別人分享。
道德經原文是： 天之道，損有餘而補不足。 人之道，則不然，損不足以奉有餘。孰能有餘以奉天下，唯有道者。
|
|
17. 引刀一快 2018-08-23 00:03:39 |
|
自我陶醉兄
奉天下唔容易，但最起碼唔會懷住要其他人生生世世為驢為馬嘅理念。
有高手話樓係剛需，唔睇價可以入市，兼且買咗唔賣，咁入市都可以唔睇價，點解買咗反而要睇價？真搲頭，又唔賣，睇價做乜呢？ |
|
18. 引刀一快 2018-08-23 00:08:13 |
|
To 13樓 東成兄
我講八萬五嘅意思係供應充足，甚至供過於求嘅意思，不一定係爆，可以係陰跌，一次性造一塊可以容納100萬人嘅住宅用地，同時加上大灣區嘅逐步融通，即使唔加埋我經常講嘅浪，仲可以挺住呢個市民買唔起嘅價咩？ |
|
19. 東成 2018-08-23 02:24:54 |
|
刀兄: 客觀講,香港樓價好難大跌,呢十年來買樓造就無數發達故事,量寬令銀紙大貶值,樓價高淡友大蝕底,都唔知講咩來安慰淡友,我都希望樓價回一回,大家開心啲. |
|
20. 引刀一快 2018-08-23 05:41:45 |
|
東成兄
與其諗D說話嚟安慰淡友，不如研究下有冇淡友需要你安慰好過喇，睇淡港樓唔等於冇做嘢喎，比如買咗大灣區，咁年零嘅升幅就已經追過港樓喇。
呢十年香港的確出好多樓神、富豪，唔係點解呢度D淡友俾人圍攻唧，不過唔知東成兄有冇留意大陸樓市，其實大陸都一樣好多人無端端變咗樓神，而且數量多到驚人，不過好奇怪，連D農民都冇話自己財富幾多幾把砲，亦唔見有人恥笑別人租樓，唔知係咪怕俾人鬥地主呢？ |
|
21. 自我陶醉 2018-08-23 08:23:46 |
|
17樓 引刀兄，
其實收租佬都唔係個個咁諗嘅，今時今日嘅樓市，係因為政府無能，既無能力控制供應，又無能力控制外來人口增長，金融政策又自廢武功，唔死就有鬼喇。
高手？？係咪話賣咗樓啲錢唔識買咩好嗰個？ 你肯定記錯，人哋真係唔會睇價的。好似我識嗰個澳幣投資"高手"咁，都係有錢就買，從來唔睇價的。哈哈哈！ |
|
22. 問14樓刀仔 2018-08-23 09:52:16 |
|
若干年前，你在此論壇晚上洗版 "發達 發達 發達 …… 我要發達" 當日是酒後吐真言 今日竟然做道得L 而且偽道得L 哈哈哈！ |
|
23. 向泛民说不 2018-08-23 10:17:27 |
|
自醉，你甘有眼光，应该一早发达啦，点解甘多怨恨啊。政府系无能，所以这也是时机。投资可以买升买跌。只要看到方向，就可以发达了。
政府在饭民的为反而反下，房屋供应基本上被废。加上了所谓的民主，个个废人都觉得自己是专家。所以抗争越来越激烈。至于外来人口，点控制？港人外地婚姻，他的配偶是有权在香港定居，包括同性恋婚姻，刚刚政府先知法庭上被推翻。甘正常婚姻点解吾可以来香港。饭民日日叫人权，叫民主。点解反对家庭团聚这样基本的人权。唔同比那些所谓的南亚人难民来香港才是人权。
至于peg系统，由他建立之后，大家都知道他的问题，香港基本上变成了美国佬的金融殖民地。但是他提供稳定的汇率。只要政府审慎理财，加上国家背后的支持，汇率是可以保证的。一旦放弃，最终的蝴蝶效应，没有一个政客可以承担。作为一个资深投资者，难道你又不知道风险吗？点解又甘多怨恨？犹太金融佬最喜欢无风起浪。喜欢搞政治事件，制造恐慌，沽空货币获利。他们在土耳其，俄罗斯和乌克兰应该赚不少。 |
|
24. 向泛民说不 2018-08-23 10:20:02 |
|
引刀，都系大陆楼神啦，日日叫人去大湾区。
大陆最近20年的升幅，估计令引刀发达啦，香港楼对你来说应该很便宜啦。 08年以后，大陆人来香港买楼像买菜，主要原因是楼价大幅上升带来的财富效应。这个升幅比香港楼价升得急很多。所以他们变得富贵，香港就变得贫穷。 |
|
25. 自我陶醉 2018-08-23 10:57:19 |
|
向飯，
已經落嚟嘅人要團聚，新收嘅移民又有親戚要團聚，嚟團聚嘅人又有親戚要團聚，這比丁權問題更嚴重，你識計數唔識？ 香港可以負荷幾多年？要解決問題，先搞掂現在未團聚嘅人，我哋要嘅勞動力新血，肯博肯做就優先，冇親戚在港嘅移民限量輸入，避免他們家人分離，先係真正人道立場。
君子愛財，取之有道。賺錢雖然重要，但絕對唔係一切。唔好咩都賴反民，你去睇下搞咗十年嘅遊輪碼頭，現在咩環境，睇下搞咗廿年嘅西九，到底要玩幾耐？ 空置咗廿年嘅中環街市，要養白鴿幾多十年？大嘢冇能力做，細嘢冇心去做。作為香港人，見到香港搞成咁，可以無感覺嗎？
|
|
26. 向泛民说不 2018-08-23 11:33:20 |
|
自醉，直系亲属先有家庭团聚。你好朋友南亚人几个老婆都可以申请来啦。
其实最大问题系港女吾好港男，结果港男要返大陆结婚者，难道不可以追求性满足吗？这不是港男的权利。港男其实可以选择留精又留情，那么他们来香港团聚也是合理啊，当然可以选择大陆团聚，你好朋友引刀已经示范左。
作为投资者，遊輪碼頭根本还在投资阶段，仲有就是交通问题，原来话有条路连接观塘，现在也停了，但是也经常见到邮轮拍在哪里啊。到启德人口入伙之后，在加上体育馆建成，到时就会旺啦。中環街市-今时今日个个港人都是政治权威，个个都出声，政治角力不知道要发展到几时，你好朋友台湾就停了个大巨蛋啦。
作为香港人，当然知道97年之前港英的权威啦，立法会的橡皮图章，加上政治部对反对派的打压，香港人都乖乖的听话，所以行政效率特别高。
其实你是否支持维权政府啊。甘应该反对饭民。有 |
|
27. 向泛民说不 2018-08-23 11:45:27 |
|
本人原来都对所谓民主都有幻想，所以知道家庭团聚比民主和言论自由更加基本人权。民主和言论自由的目标就是保护家庭团聚这样的基本人权。只有极端政权才会拆散人地点家庭。
所以香港是不可能立法去禁止家庭团聚。因为一定被法庭推翻。吾好怨政府啦。咩春都入政府数。唯一可行的是要求大陆司法复核。但是大陆话已经用了不人道的配额制度啦，点解仲要大陆被更大的黑锅？
香港在家庭团聚上已经是比较保守啦。像美国他们的兄弟姐妹还可以申请，香港就不可以。 |
|
28. 東成 2018-08-23 16:06:55 |
|
刀兄:
閣下算係比較聰明,唔買香港樓都識投資大灣區,一樣升值冇問題,只不過有好多香港人呢幾年冇上車,錯失咗好多機會,佢地好傷,大家評論樓市時要顧及佢地嘅感受! |
|
29. 自我陶醉 2018-08-23 16:13:52 |
|
直系亲属先有家庭团聚?
向飯，睇嚟你真係唔識計數。
甲落嚟香港，可以申請甲嫂落嚟，甲同甲嫂可以申請佢哋父母落嚟，佢哋父母可以申請其他子女落嚟，其他子女可以申請配偶和子女落嚟，... 結果，香港收一個大陸人，一村人有資格落嚟，排隊落嚟條龍日日幾何級數上升，要嚟嘅幾世都落唔哂，咁又人道嗎？ 你係香港政府你會點解決？ 會唔會學佢哋現在咁做縮頭烏龜當睇唔到？ 這就是你的有為政府!
若果你漂浮海上，一隻救生艇最多坐六個人，食物只夠4人兩日用，好運兩日有人救，唔好運要等三、四日，坐8人時艇就一定會沉，但你好生養一家有十口，你認為團聚重要，定係面對現實重要？
你入過郵輪碼頭未？你又知唔知佢有咩鴻圖大計可以起死回生？ 如果同開嗰時比較下，你就知咩係投資期，咩係後會無期。哈哈哈！ |
|
30. 向泛民说不 2018-08-23 17:30:58 |
|
自醉，我认识很多新移民，都是申请太太，子女过来。难道这不是人权吗？未见到申请父母兄弟姐妹过来哦。所以新移民很多新年都要返大陆探亲。
你系吾系话你好朋友南亚人啊？南亚人有4个太太，真系可以申请4个都过来。而且吾使排期
邮轮码头当然去过，主要是交通问题，出面的人很难会入去。不过当启德豪宅完全入伙，到时本地消费带动，自然会带旺。
不过香港是不是需要多一个邮轮码头，发展高端旅游啊，难道你不知道旅游业是属于创汇加环保工业。咩叫创汇啊。你就叫放弃peg系统，汇率被攻击一般就是创汇能力有问题。过去几年老美QE，钱就flood香港，令你觉得香港好富贵。人人可以买高楼价。但是一旦美金退出，到时拿咩还啊？老美QE的钱flood来香港不是香港的，是要还的。旅游业的创的汇是可以真正入香港人袋的。
真系唔明你号称投资专家，点解思想甘狭窄。
|
|
31. 自我陶醉 2018-08-23 19:29:05 |
|
向飯，
你嘅邏輯真係幾好趣，你識唔識人曾經打刧殺人？ 你唔識呢啲人，係咪代表打刧殺人唔會發生？況且我從無講過反對人哋嚟團聚。
我幾時講過要放棄聯匯制度？ 我係建議強化現時聯匯制度，將與單一貨幣掛鈎，轉為與多個貿易伙伴貨幣掛鈎。 你自己都識講，美國放水，香港局住接，隨時玩死香港，咁點解你寧願一世擔驚受怕，被美國牽住個鼻走？
|
|
32. 向泛民说不 2018-08-23 19:51:22 |
|
自醉真系為抹黑大陸咩春都可以假設。大陸唔批單程證比父母來香港團聚。只有配偶和子女。點會有父母來香港，我知道有父母來香港，不過他們拿的是雙程證一般來香港幫子女陪月，然後之後就回去了。
仲有作為投資者的你，難道你買的投資都會馬上有回報。估計唔小都需要坐一陣。只要整體投資有回報，那就可以啦，香港的基建就是這樣啊。大部分基建都有回報，帶給香港繁榮，當然遊輪碼頭真系要坐一陣，唔需要妖魔化。但是長遠來說，本人覺得是會有回報的。
至於局接，有沒有聯繫匯率，香港也需要啦。老美QE，而且經濟體那麼大，flood 香港的時候，有沒有聯匯，香港都要接啦，唔好以為自由浮動就可以消化啦。瑞士法郎又自由浮動又peg。一樣面對接盤和大幅升值的壓力。其實浮和peg都有好有壞，唔需要因為憎恨政府，就妖魔化peg系統。
估計你都系因為買唔起樓，先有甘大怨恨。不過真在解決的方案其實就是填海。回歸以後，特區政府唔知為咩竟然停了當年港英政府持之有效的填海計劃。將土地，建屋的控制權交比地產商。地產商控制供應，價格當然難跌啦。不過現在填海，供應也要等20年才能夠出來。第一填海需要10年時間，等沉降也要等10年。現在可以做的其實只有先發展郊野公園。以前港英填左塞西湖起豪宅。如果是現在這樣做，又比你地泛民鬧。所以難啊。房屋供應真系難。市區土地基本上已經被689插針式用左。填海難和要時間，郊野公園又比你地泛民反對。所以你繼續怨恨啦。現在只有想打殘香港經濟，甘樓價先有可能下跌。淡友真系有病。 |
|
33. 偉雄 2018-08-23 22:15:57 |
|
曼德拉效應（英語：Mandela Effect），是一種頗受歡迎的都市傳說及陰謀論。確信這一傳說的人們認為，很多人都發覺記憶同事實有出入的現象。最早聲稱有這種現象是2010年一位研究超自然現象的美國博客菲安娜．布梅（FIONA BROOME），她發現自己跟很多人一樣，記憶中南非總統曼德拉「應該在1980年代已經在監獄中死亡」，但現實是直至2010年時其仍然在世（其後在2013年逝世）。她認為這麼多人同時記錯未必是巧合，可能涉及不同的平行宇宙，不過現在未有科學方法證明有無平行宇宙的存在。 同樣的事情也發生在樓市上，在這過去十年樓價都是冉冉上升，照道理應該是擁有著資産才是得益者，但是一些人卻不會承認事實，並大聲叫嚷：「租樓日日賺」，他們是贏家，有物業的才是輸家，難道我們也生活在一個平行時空。 曾經有心理學家對這個效應作出解釋，這群人選擇與事實相違背的信息，是因為對他們的日子會好過一點，有些人已經站錯了邊，錯過了樓市巨大升幅的黃金期，還要負擔高昂的租金，要面對事實肯定不好過，大腦很容易會短路，為了自救，選擇另一個信息令自己好過一點未嘗不是好方法，即活在另一個他們感到舒服的時空。 這令筆者想起另一個童話故事「皇帝的新衣」，若不是小童不識趣把皇帝的時空弄破，皇帝正自得其樂也不是一件壞事，筆者正在懺悔過去幾年寫了那麼多以為是警世的文章，原來做出何其殘忍的事情，真的善哉善哉！ |
|
34. 自然一派 2018-08-23 23:24:25 |
|
建幾個人工島係好應該,容納200萬人更加好,香港根本就係人太少,1000萬至係大都市! "至於增加供應更是迫在眉捷，筆者曾向有關機構提出，填海打造人工島是最佳的方案，最好增加三個島，結果團結香港基金會提倡將東北大嶼山發展計劃以及香港島中間水域，興建兩個大型人工島，佔地約2200公頃，比原先預定的1000公頃多逾一倍。將來東大嶼都會可容納100萬人口，大大舒緩香港人居住問題，這個提倡非常值得支持。" |
|
35. 自我陶醉 2018-08-24 08:37:38 |
|
向飯，
申請來港類別中，有一個叫「在內地無人供養而需要來港投靠親屬的長者」，乜無人話你知咩？
********* 以下係保安局局長李少光（2010年一月六日）在立法會會議上就涂謹申議員的提問的書面答覆：
..... 問：
（二）鑑於內地當局把每日一百五十個的單程證配額分為若干指定給各類申請人的分額，當中六十個名額分配給分隔兩地少於十年的配偶與隨行子女、內地無人撫養而需要來港投靠親屬的兒童、來港照顧年老無依父母（即在港沒有其他子女）的人士，以及在內地無人供養而需要來港投靠親屬的長者，政府是否知悉內地當局以何方式分配該六十個名額，以及過去五年，每類申請人（包括分別分隔兩地十年或以上及少於十年的配偶與隨行子女）持單程證來港定居的數目和未用的每類分額數目；
..... 答覆：
主席：
（一）特區政府正與內地主管部門積極磋商港人在內地「超齡子女」申請單程證的有關安排。在現階段，特區政府與內地主管部門均沒有符合資格的香港「超齡子女」（即其親生父親或母親於二○○一年十一月一日以前取得香港居民身份時未滿十四周歲的在內地子女）的準確數目；但據特區政府的估算，數目會以萬計。在現階段，我們亦未能推算有關人士的輪候時間。
（二）現時，單程證的每日一百五十個名額中，有六十個分配給持居留權證明書人士；三十個給分隔十年或以上的配偶與隨行子女；以及六十個給「其他類別」的申請人，包括分隔少於十年的配偶與隨行子女、內地無人撫養而需來港投靠親屬的兒童、來港照顧年老無依父母的人士，及在內地無人供養而需要來港投靠親屬的長者。
*********
2001年莊豐源案確立雙非父母在港出生子女可以獲得香港永久性居民身份，雙非嬰兒的數目逐年上升。單在2001年至2011年雙非嬰兒數量累計有176,308人。 有幾多人會嚟未知，不過好戲還在後頭呢！ 哈哈哈!
|
|
36. 自我陶醉 2018-08-24 09:16:28 |
|
向飯，
想請教： 你啲移民朋友有冇話你知點解唔接父母回鄉照顧，要靠申請 “來港照顧年老無依父母” 嚟香港？ |
|
37. 自然一派 2018-08-24 12:04:12 |
|
香港再咁多爭吵,最後就俾邊綠化,冇增加人口至1000萬以上,香港最終輸晒,淪為大灣區二級城市. |
|
38. 亞Q 2018-08-24 14:20:39 |
|
攪咁多人落來香港都係拜泛民所賜 ! |
|
39. 向泛民说不 2018-08-24 14:27:52 |
|
37楼，班港毒L个个以为自己系专家。点会理想国死活。以香港的出生率，没有大陆新移民，人口老化肯定比日本，台湾严重。现在台湾，日本讲得最多的是劳动力不足，小子化问题。其实比房屋问题，更难解决。
|
|
40. 向泛民说不 2018-08-24 14:28:05 |
|
“來港照顧年老無依父母” --这个也是人权啊，可以选择在哪里照顾。做人比小小人性啦，仲有现在真系好小这类case啦。70/80年代就很多，早年很多年轻人对共产党有憧憬，所以返去大陆搞建设，文革之后，就陆续的出来。父母在香港，子女在大陆，现在基本上没有啦。香港父母吾会无啦啦走去大陆啦。用这个条件都是97年前都来香港了，黄人比小小人性。
至于內地無人供養而需要來港投靠親屬的長者，而且门槛很高。其实这些都是人道主义啦。人权啦。点解嘴里叫民主普选的，会甘仇视。吾L好抹黑啦。
仲有作为一个投资者，都应该人口增长才是支持经济最大的动力。吾够地方住，就去填海啦，以前殖民的时代一样吾够地方住啦。当时来香港更加多啦。点解有无问题啊。
|
|
41. 自我陶醉 2018-08-24 16:49:41 |
|
向飯，
講嚟講去都係抺黑，你仲有冇第二句？ 講抺黑，我覺得你一直抺黑網友就真： 1. 我從來冇反對團聚，你就話我反對 2. 我話有父母團聚，你話冇，只係我抺黑 3. 搵埋出嚟，你就話有係正常，只係我抺黑 4. 我話遊輪碼頭死直，你又話係投資期，只係我抺黑。 大佬，裡面啲舖頭執咗九成九九，入境櫃位一星期唔知開唔開到一個鐘，搵鬼投資就真。投資期？ 哈哈哈！
點解你咁鐘意抺黑人哋抺黑？ 真係辛苦你咁努力將黑嘅抺到白，遲啲林鄭會頒個金紫荊俾你，記住等電話通知啊！嘿嘿！
|
|
42. 東成 2018-08-24 17:52:17 |
|
房屋問題只能大刀闊斧咁開闢土地,填海建幾個新市鎮,增加200萬人口,靠新移民至得. 新移民幾好,增加勞動力對香港有利,服務性行業如酒樓侍衛洗碗,地盤建築工等,新加坡就係靠馬拉及印尼等新移民推動經濟發展,呢個係鐵一般見證,我們樣樣想學新加坡,為何增加外勞唔學新加坡? 我地香港本土人,宜家唔捱得,聲音多多要求更多.大家明啦! |
|
43. 向泛民说不 2018-08-24 18:20:00 |
|
条友标准为反而反的泛民狗。第一个case子女来香港照顾父母，不过97后应该很小，同时这不是团聚吗？第二case子女申请父母来香港也是团聚，这对福利压力比较大，但是很小啦。目前婚姻结构是港男去大陆结婚。一般生活压力已经已经很大。点会申请岳父母过来。最小未黄狗投诉过。 一件自以为投资专家，不知所谓。 |
|
44. al70 2018-08-25 00:49:30 |
|
蔡生，既然講到刚需甘利害，点解買家放暑假家庭樂，贸戰要觀望，有刚需都5買樓?
|
|
45. 地產人 2018-08-25 02:22:58 |
|
樓上兄台: 代蔡老闆答你,暑假是傳統淡季,買樓嘅人都係比較少,同剛需係兩碼事. 剛需點解存在?是政府辣招令購買力無法釋放,因此,辣招一日唔撤,剛需長期存在. |
|
46. 自我陶醉 2018-08-25 09:34:36 |
|
向飯，
唔洗咁勞氣，我都知你係有料之人嘅! 既然你咁堅，我又有嘢想請教你嘞，以你“高見”，盡量放多啲人落嚟經濟就一定會好，唔洗理嚟嘅咩質素，唔洗理社會是否可以承受，咁點解全世界政府都要有自己移民政策，限制移民人數和質量？ 在你眼裡，他們豈不是都很笨，沒有你那麼精明啊！如果遊輪碼頭現在是投資期，點解香港政府連一個入境處職員嘅headcount都唔願意投資，要將所有入境櫃檯都長期空置？ 他們是否也是很笨，很短視？ |
|
47. 自我陶醉 2018-08-25 10:04:04 |
|
東成兄，我都好支持輸入外勞㗎，千祈唔好被抺黑我嘅人誤導啊！ 哈哈哈！ |
|
48. Danny 2018-08-25 10:29:06 |
|
只要係可以推低樓價的政策，通常都會得到淡友的支持。 |
|
49. 無幾何 2018-08-25 11:57:34 |
|
44樓,有人有剛需賣甲級XX嘛!!! |
|
50. 東成 2018-08-25 19:14:16 |
|
好多人見證咗新加坡輸入外勞嘅成功,新加坡市民好鍾意外勞,推動經濟,反正果啲工作辛苦冇人肯做,外勞正正可以互補不足.
不過香港基層人士人權大,成日埋怨呢樣果樣.社會冇人夠膽出聲,任由工資成本無限上升,宜家係有工搵唔到人做,餐廳酒樓或細公司細店舖請唔到人,小老闆唯有睇伙記面色.小生意難生存.我自己係香港人,我都唔鍾意自己. |
|
51. 好細小 2018-08-26 10:26:56 |
|
香港的市場好細小,唱跌樓市的人偷偷的入貨,睇好樓市的人公開推盤,沽樓等跌的人迷惑咗方向...
|
|
52. 引刀一快 2018-08-26 14:32:21 |
|
自我陶醉兄
同向飯討論問題，用返你一針見血嘅說話就好，慢慢逐點闡述，佢會自己飛好多，避重就輕，嘥咗你打字時間，一句拍死佢就啱架嘞。 |
|
53. 向泛民说不 2018-08-26 18:14:43 |
|
自醉和引刀，80年代之前，當時香港接受新移民是來者不拒，有咩問題啊，反而撐起了香港的崛起。用下腦啦。仲有現在的150 quota主要是家庭團聚，你點樣限制啊，這其實是有80年代抵壘政策之後，中國政府在人道立場上給港人團聚的一個途徑。我只是想問9你地，如果香港拿返審批權，是不是可以限制港人團聚，用什麼方法，會不會被司法複核推翻。不要忘記現在港人和其他地方結婚，包括同性戀婚姻，他們的配偶是可以馬上來香港團聚，而不用審查。
至於遊輪碼頭，現在入境處有足夠的人手，點解要加headcount？真系唔明？ |
|
54. 自我陶醉 2018-08-26 18:39:32 |
|
引刀兄，
千祈唔好怪佢，其實向飯內心都好矛盾，佢經常話政府唔係無能，只係黃人抺黑，但心裡想法又不一致：
(23樓) 政府系无能，所以这也是时机。投资可以买升买跌。只要看到方向，就可以发达了。
講到尾佢都係想博大霧搵機會自肥，而唔係表面上咁硬膠。
同佢對話最大得著係不知情下多咗好多朋友，因為佢最唔喜歡嘅人，都突然變哂你好朋友，例如咩黃人，咩南亞人，咩美國人等等；更有趣係佢會用你嘅論點當成自己論點，仲大條道理話你錯，令其他人產生錯覺；最有成功感係將佢辛辛苦苦強行抺白嘅論點，還原本來顏色；而最有挑戰性係令佢冇機會再抺黑你，再問多幾個問題令佢無法再自圓其說，有時都幾好玩㗎。哈哈哈！
|
|
55. 向泛民说不 2018-08-26 18:41:53 |
|
中美之間已經不是什麼的貿易戰，而是新冷戰開啟，貿易談判只是煙幕，冷戰才是真的，觀察美國的走狗澳洲和香港等黃狗瘋狂的助功。美國不斷出招打壓中國，這絕對已經不是什麼貿易戰，而是新冷戰。貿易談判根本沒有意義。也不能有什麼僥倖。美國人雖然沒有說要退出wto，但是其實已經退出了。
在新冷戰中，香港樓市的決定就是在新冷戰中，中國的經濟是否能撐得住。如果中國經濟撐不住，資金可能會大量外流，到時房地產可能就會出現調整。
這裡的黃狗，其實真系唔明澳洲點解會毫不猶豫的支持美國。中國是他最主要的貿易夥伴，中國向他買鐵礦石等資源，等於送錢給他們，絕得吃虧，不喜歡，可以不賣，唔使甘大仇口，仲有中國軍事勢力也影響不到澳洲，中間還隔著印尼。要說是怕中國軍事威脅，應該是印尼才對。
|
|
56. 向泛民说不 2018-08-26 18:47:17 |
|
自醉，講到斗地主，分土地，南非正在做。但是對整體經濟產生很大壓力。
https://www.youtube.com/watch?v=OtxijYf0UCk
有更加好的方法，點解仲要玩斗地主，分土地，on dog仔。仲話自己系投資專家。最後的方法還是走回共產路線。看來你和引刀一樣，都開始發傻。完全不知道自己追求什麼。
|
|
57. 自我陶醉 2018-08-26 21:16:42 |
|
向飯，
我嘅建議中有邊樣係提倡共產？ 請指教。
得閒讀多啲歷史喇，唔理你咩國家，咩年代，貧富懸殊到極點，就係社會分裂、動盪嘅開始，美國、法國大革命，共產主義抬頭，社會背景都有好多共通點。 損有餘而補不足，這就是天道，要嚟嘅點都要嚟，驚都冇用。Enjoy! 哈哈哈！ |
|
58. 自我陶醉 2018-08-27 10:44:49 |
|
53樓 向飯，
你真係幾搞笑，我講咗100次唔反對家庭團聚，你到底係唔識字定選擇性失明？ 我唔知你到底拗咩？
我認為家庭團聚移民應該比其他移民類別更加優先，當中唔打算一落嚟就攞公援嘅人，若果符合香港人力市場需求的，更應該盡快處理。
唔該自己睜大眼睇清楚，唔好嘥時間講埋啲廢話。
|
|
59. 向泛民说不 2018-08-27 11:03:02 |
|
自醉，甘目前程序有什么问题。你话来香港拿公援。其实这些问题是饭民和社工搞出来的。以前来香港7年，先可以申请，但是现在已经被饭民司法复核推翻。仲有好多人其实吾知道有这样的福利，但是效果社工又会帮他们申请。
目前香港的饭民黄丝的所谓公义，民主，根本就是你讲问题的根源。是不可能改变的。
其实拿公援的问题，南亚人更加严重，假难民更加严重。点解黄狗吾针对南亚人，却针对中国人。 |
|
60. 向泛民说不 2018-08-27 11:12:08 |
|
自醉，香港不是你想象中的那么贫富悬殊啦。30%穷人住公屋，基本上已经财务自由。可以选择享受生活--这是隔代贫穷的根源。如果住公屋，有识理财，估计10年左右就可以脱贫。60%有自住楼-穷得去边，剩下10%的人，他们可能是新移民等上公屋。或者是大学生刚刚毕业，面对楼价高，压力当然高。剩下其他人可能以为租楼日日赚，或者卖自住楼等跌。是个人投资选择。
不过要记住香港的高地价政策其实和公屋挂钩的。香港可以交甘小税，就是利用高地价政策的间接税来支付公屋户的福利开支。改变目前制度，你愿意交多10%税吗？你就话新加波，新加波虽然人工比香港高，但是他们的收入有一大半比扣起做公积金和税。大陆也学紧，什么5金咩咩，也是接近40%。加拿大就比40%。 而香港的税加MPF最多都系20%左右。所以如果改变目前的制度，香港人必定要加多10%税以上。仲有公屋户的福利开支需要减少。我又问你，有没有可能减小公屋户的福利开支。-----绝对不可能，因为公屋户是目前最强大的政治实体。无论建制派或者是饭民都吾敢得罪他们。
所以轻易的改变目前制度，是非常有可能带来严重的金融危机。放弃高地价政策，等于放弃收入。但是开支并没有减小。财政收支必定出问题。 |
|
63. 自我陶醉 2018-08-28 00:18:52 |
|
向飯，
現在的問題就大了： 政府不但不能控制那些人可以來，就連他們的背景也不知道。 有些國內持有不少物業的人，也來香港湊湊熱鬧，攞攞着數，不但對香港毫無貢獻，更奪去需要協助的人的資源，整體社會都為此付出代價。對香港人不公平，對願意勤懇工作的內地移民也不公平，新移民與香港人的誤解與矛盾就會越來越多。
試想，作為一家公司的老闆，連選擇自己員工的權利都沒有，派來的員工很多都是好食懶飛的人，你又覺得合理嗎？
社會政策從來不是獨立個體，必須其他政策互相配合，才能把事情做得好。 所以，光是取回審批權，而沒相關政策配合，當然不會奏效，這就像林鄭的空置稅一樣，沒有投地至建成出售的限期，發展商賣完現在的貨尾後，很快就會出現供應斷層，到時政府又要救火了。拿回審批主動權，就有權調查、了解這些人的背景，要求更多資料，甚至像別的移民計劃一樣，要求申請人提供生活上的財務承擔保證之類的措施。
至於我所說的貧富懸殊，不止是香港，而是全球問題，這將引領全球進入下一波政經動盪年代，走著瞧吧! |
|
64. 似乎出 2018-08-28 07:37:32 |
|
驚青一族似乎出現心花怒放的時機???是否高興得太早???
|
|
65. 引刀一快 2018-08-28 09:01:16 |
|
自我陶醉兄
由於向飯嘅加持，你多咗好多朋友，不過你唔夠我著數喎，透過向飯把口，我做咗Ivanka老公喇，哈哈哈哈！ |
|
66. 引刀一快 2018-08-28 09:07:40 |
|
自我陶醉兄
“問：“ 將全香港的樓價壓下，蒸發佢哋嘅財富去幫助未能上車者置業公平嗎？””
變成
“3 將全香港的樓價壓下，蒸發佢哋嘅財富去幫助未能上車者置業，咁請問對拼手抵足捱世界多年先上件納米者公平咩？”
冇諗過過去我地一直尊重嘅對手，今日居然偷偷改文章，光明磊落不再。 |
|
67. 自我陶醉 2018-08-28 09:51:13 |
|
66樓 引刀兄
咁都被你捉到！ 你到底用邊隻智能監察系統？ 我記得你曾經提議過只可24小時內改文，可惜你影響力又唔夠呢！像這樣操守的在這裡大有人在，已經見怪不怪了。
突然在腦裡又浮出了另一個問題，唔知成日都貼出嚟啲幾年前嘅文，是否也有經過改進才貼出來認叻呢？ 既然是不能改變的事實，倒不如正面啲睇，這也許算是不斷改進的過程啩？ 還是多多適應多多學習吧！ 哈哈哈！
|
|
68. 自我陶醉 2018-08-28 11:28:55 |
|
引刀兄，
我再回想當日的留言，在公平嗎之前，好像是有一些字的，只是由於問題太長，被我省略掉。但內容已經記不起，也許只是一場誤會。 都是我的錯! 抱歉! |
|
69. 哈哈 2018-08-28 13:48:00 |
|
又有人講呢d狗講既說話 當一個人買樓係諗住自住同升值就已經應該打把! 有遠見既政府同市民都唔應該買樓同推翻資本主義既樓市操作 政府唔賣地冇錢個個一齊窮？資本家祗用資本搶其他市民資源，根本就應該窮，香港如果冇地產就窮根本就係因爲無能！窮係應該既！更何況香港冇地產唔會死，死喺嗰班抵死既資本家啫 |
|
70. 向泛民说不 2018-08-28 16:04:52 |
|
自醉，作为一个投资者，你应该知道一个大陆人系香港买楼，第一要比很高的税，第二是现兜兜的外汇。比较美爹的qe，你美爹flood 100亿外汇进来，香港人就即刻自我感觉良好，以为袋入面真系有100亿，跟着拿来投资物业，做生意，消费，但是如果你美爹突然话要退。你要马上比返100亿，问题是点呕返100亿出来。很多国家货币就是这样被俎击而崩溃。相反大陆人买了香港楼，如果要套现，最小要一个月挂，跟住如果真系经济吾好，分分钟要亏本卖。系人都知道买楼，一般是长线投资，吾会话走就走啦。所以大陆人来香港买楼的钱，进入银行体系，你是可以放心的用，最小比老美QE果d热钱安全。
仲有吾该你搞清楚优才移民計劃和家庭团聚。
家庭团聚，你点控制？你吾可能吾比港人在香港家庭团聚，这是违反人权。所有限制家庭团聚的barrier都会被司法复核推翻。你应该好清楚，之所以仲有150个不人道的限额，就是是因为大陆不讲人权，所以可以设150限额。但是如果香港人那返，可以好肯定，马上被法庭推翻。
但是香港优才计划就要控制啦，不是阿猪阿狗可以申请啦。最低限度都系大学生。而且系年轻人。这类人搞得移民，就吾会贪香港的公屋和综援。认识公司请左优才计划和本地大学生，比较起来，本地学生比较食脑。优才学生学历比本土高，比较勤力。这类人其实全世界最欢迎。 |
|
71. 不搞資 2018-08-28 16:34:27 |
|
香港不搞資本主義搞乜???香港不賣地賣乜???樓上的
|
|
72. 自我陶醉 2018-08-28 17:33:06 |
|
向飯，
叫你攞返個審批權去行使揀選權，冇人叫你去挑戰阿爺只容許每日放150人落嚟嘅行政決策，千祈咪叻唔切做埋啲無謂嘢! 親戚有親戚，親戚又有親戚，你咁講一次過放哂10億人落嚟好唔好？
你未聽過大陸人買一間樓，做n 次二三四五...按嗎？ 就算係現錢又如何？香港人現在缺的唔係錢，而係勞動力同競爭力，樓價租金越高，國際競爭力就越弱，最後都係死路一條。靠炒樓可以炒過世？ 咪發夢。
人哋flood錢你就要借？ 還得起先好借聽過未？ 還唔起都借就抵你死喇! 跳樓都冇人會可憐你。 哈哈哈！
|
|
73. 向泛民说不 2018-08-28 17:53:56 |
|
自醉，你又系度造谣啦，什么亲戚又亲戚。如果系甘，我都反对啦，吾会同你争拗啦。你讲的亲戚又亲戚，就80年代好像是出现过，当时系利用领养方式，不过后来被堵塞了。仲有表妹是怎样来的啊，傻仔。因为当年港人返大陆，大陆亲戚要来香港唯一方法就是表妹嫁比香港人。甘表妹这个亲戚就可以来香港了。--这是家庭团聚。
个别买楼会做n 次二三四五...按，但是只是个别啊。而且作为金融中心的香港，有咩问题呢？
人地flood 香港，令香港人以为有钱，黄狗就日日话要福利，吾要交税咯。甘有问题咯。
|
|
74. 引刀一快 2018-08-28 21:38:45 |
|
照咁講，不如亮劍兄整返個原來嘅版本出嚟，睇下引刀有冇批評錯你，有的話我會講sorry。 |
|
75. 向泛民说不 2018-08-29 09:08:08 |
|
引刀，美国正打紧新殖民地战争，没想到，墨西哥那么快投降。加拿大也快了，估计欧盟日本也会。中国是否要接受老美，做其殖民地。 |
|
76. to 71/f 2018-08-29 11:10:31 |
|
唔搞資本主義大把野可以搞 搞資本主義最尾大家祇會搞一樣野：戰爭 |
|
77. 向泛民说不 2018-08-29 11:52:40 |
|
楼上，搞社会主义，就系大家一齐贫穷。社会效率下跌。但是一样有特权人士。比如长毛，就利用了香港的社会主义制度。住公屋，估计很快就可以骗埋综援。
黄人闹大陆人来香港骗福利，其实真正的骗福利好小，反而是本土香港人多。而根本原因就是香港的公屋和综援根本就是社会主义，正所谓不吃白不吃。有着数，点解吾要。 |
|
日至23日）派出商務部副部長王受文到訪美國，重新啓動經貿磋商。雖然有說這次談判官員的級別較低，但是在美國對第二階段二千億美元的中國商品加徵關稅前夕，美國突然邀請中方官員到美談判，似乎有意解決這個爭端。