在90年代初，小弟初涉楼市，那時普遍來講，市區兩房做1M頭，呢家就用数字說明當時你租或買的情況。
呢家就用一間市值 1.1 M的楼來計算。
市值租金約 5.5 K。
如果你去買來自住，可借9成即 1 M，當時按息係 P 加，大約 13 厘，按揭年期好似最多係 15 年，咁你自住每月現金支出就是:
每月供款 12,652 元加管理費、差餉、火險、家居維修費用约一仟，即每月要付出 13,652 元，比較租金 5,500 元，即你要多付約 8,152 元於住房。
但因為每月楼宇供款之中，部分係本金，因此合理計算係利息支出加什費，咁以首年計算，總利息支出係約 128K再加什費 12K，即每個月實際住房支出係11.7K左右，比較租房要多付 6 K零。
如果呢家用回這一間市值 1.1 M的楼來計算，你買來收租又點睇？
借7成左右計即 77 萬，當時投資物業按息要加少少，就計 13.5 厘，按揭年期都係 15 年，咁你收租每月現金流支出就是:
每月供款近 10, 000 元加管理費、差餉、火險、家居維修費用及物業稅约 1,400 元，即每月要付出 11,400 元，比較收租 5,500 元，即你要每月現金流流出 5,900 元。
基於同樣理由，每月楼宇供款之中，部分係本金，咁以首年計算，收租佬總利息支出係約 103K再加什費 17K，即每個月實際住房支出係10 K左右，比較之下收租佬都要虧大本 4.5K。
從上述個案來看，你去租或買，嚴格來講其實係大家賭後市升跌，而且業主處下風。
直到2010年，呢間市值 1.1 M的楼，约升到 3M，咁又揾佢來計算一下。
果陣市值租金大約做 10 K。
如果你去買來自住，可借9成即 2.7 M，當時利息係H加 0.7厘，加上按保，大約 1.03 厘啦，按揭年期係 25 年，咁你自住每月現金支出就是:
每月供款 10.5K 加管理費、差餉、地租、火險、家居維修費用约 1.3K，即每月要付出 11.8 K，比較租金只是 10 K，即你要多付約 1.8 K於住房。
又是同樣計算利息支出加什費，咁以首年計算，總利息支出係約 27.5K再加什費 15.6K，即每個月實際住房支出係3.6 K左右，比較租房竟要少成大半！！
如果呢家又用回這一間市楼來計算，你買來收租又點睇？
借7成左右計即兩百萬，按息計 1 厘，按揭年期都係 25 年，咁你收租每月現金流支出就是:
每月供款约係 7,540 元加管理費、差餉、地租、火險、家居維修費用及物業稅约 2,500 元，即每月要付出 10,040 元，比較收租 10,000 元，即你要每月現金流流出只係 40 大元！！
又基於同樣理由，每月楼宇供款之中，部分係本金，咁又以首年計算，收租佬總利息支出係約 20K再加什費 30K，即係每個月實際收租支出係 4.2 K唔使，比較之下收租佬賺到嘔！
直到2014年，呢層樓升到 4M，咁又揾佢來計算一下。
呢家市值租金約 12 K。
如果你去買來自住，可借9成即 3.6M，利息係1.9x厘，加上按保，大約 2 厘啦，按揭年期係 30 年，咁你自住每月現金支出就是:
每月供款 13.3K 加管理費、差餉、地租、火險、家居維修費用约 1.5K，即每月要付出 14.8 K，比較租金只是 12 K，即你要多付約 2.8 K於住房。
又是同樣計算利息支出加什費，咁以首年計算，總利息支出係約 71.2K再加什費 18K，即每個月實際住房支出係7.5K左右，比較租房其實都有着数。
如果呢家又用回這一間市楼來計算，你買來收租又點睇？
政府驚收租佬搅亂檔，呢家迫銀行借得一半，咁收租佬咪只借兩百萬囉，按息計兩厘，按揭年期就計 25 年，咁你收租每月現金流支出就是:
每月供款约係 8,500 元加管理費、差餉、地租、火險、家居維修費用及物業稅约 3,000 元，即每月要付出 11,500 元，比較收租 12,000 元，即每月收租佬仲有 500 大元落袋，以戰養戰！！
又基於同樣理由，每月楼宇供款之中，部分係本金，咁以首年計算，收租佬總利息支出係約 40K再加什費 36K，即係每個月實際收租支出係 6.4 K唔使，比較之下收租佬亦都賺到笑。
點先可以令自住客及收租佬喪失買楼興趣，咁就要呢間市值4 M的楼，因利息加去 5.5 厘而跌到去 3M，同時租金又回到 10K。
咁如果你去買來自住，以借9成即 2.7 M，按揭年期係 30 年，加埋按保咁你自住每月現金支出就是:
每月供款 15.9K 加管理費、差餉、地租、火險、家居維修費用约 1.5K，即每月要付出 17.4K，比較租金只是 10 K，即你要多付約 7.4 K於住房，咁呢鑊真的蛇都死！
就算只計算利息支出加什費，咁以首年計算，總利息支出係約 153 K 再加什費 18K，即每個月實際住房支出係14 K楼上,，比較租房竟要多畀成 4 K幾，都要嘔白泡！！
如果呢家又用回這一間市楼來計算，你買來收租又點睇？
借5成左右計即1.5 M，按息計 5.5 厘，按揭年期係 25 年，咁你收租每月現金流支出就是:
每月供款约係 9,200 元加管理費、差餉、地租、火險、家居維修費用及物業稅约 3,000 元，即每月要付出 12,200 元，比較收租 10,000 元，即你要每月現金流要流出2,200 大元！！
就算每月楼宇供款之中，部分係本金，咁又係以首年計算，收租佬總利息支出係約 81.8K再加什費 36K，即係每個月實際收租支出係近付 10K，接近黃金交差點！
呢個世界殺頭生意有人做，但賠本生意應無乜人制，如果大家預計楼價再無上升空間；租金處下降軌；利息又急升緊，咁自用走去租拒絕入市；投資者急忙止蚀；發展商拿拿聲清倉绝不出奇！！
但前題係請揾高人解釋，為何美國有加息3厘的誘因？
同時喺楆宇仲係供不應求下，租金竞會下滑！
0.37 % 
0.25 % 
