|
1. 睇得通 2014-09-17 12:06:37 |
|
政府自2010年推出額外印花稅（SSD）後，先後加推買家印花稅（BSD）和雙倍印花稅（DSD）等等樓市辣招，....... 我個人感覺認為: 一部份掌權者過份迷信自己的權力棒,不斷遊說行政長官/行政會議推出辣招,去隱瞞自己犯的胡言亂語的錯誤....... |
|
|
買唔起私家車, 咪坐的士囉
覺得的士貴, 咪坐巴士囉
一邊鬧私家車貴買唔起養唔起,
一邊鬧的士巴士無良,
卻唔知就算司機唔使人工, 入油都要錢架大佬...
|
|
3. 引刀一快 2014-09-17 12:19:32 |
|
|
|
4. 哈哈 2014-09-17 12:22:19 |
|
又肺up...
再次強調樓應該係所有人都afford得起既必需品!!!!
買唔起咪租冇錯,不過唔該有租管!
要攞樓黎搵錢既唔該過主! |
|
5. 引刀一快 2014-09-17 13:23:56 |
|
“ 再過幾年，會不會又輪到中國推行量寬貨幣措施？這樣一個循環的後果，對未來樓市又會起什麼作用？”
唔係嘛，蔡生，呢幾年大陸印銀紙仲唔夠多呀？依傢諗緊點收科就真。 |
|
6. 亮劍 2014-09-17 14:22:32 |
|
楼價上升及貧富懸殊問題，源自下列因素：
量化寬鬆滅絕中產(A)
https://www.youtube.com/watch?v=5pngWeuNwVU
量化寬鬆滅絕中產(B)
https://www.youtube.com/watch?v=EzdzPJruz2k
量化寬鬆滅絕中產(C)
https://www.youtube.com/watch?v=fw7PDp2fpwo
量化寬鬆滅絕中產(d)完」 http://youtu.be/h2JkDHA5yAQ
|
|
7. 亮劍 2014-09-17 14:26:47 |
|
美國、欧洲和中國，處於不同的經濟週期，欧美經濟唔好，房地產疲不能兴要減息，合理！ 中國的房產市場，俾同胞炒到離地要加息，正路喎。 但香港身處的環境，係一方面背靠祖國，得享比較高速的經濟發展，但另一方面，因為欧美經濟差要QE。 加上垃圾議員係咁玩嘢，呢度唔準發展大東北；嗰度唔俾填海；那個係綠化帶不能起高楼。 政府仲七下七下用過橋抽板方式，等D發展商用高價入完地先公布出BSD同DSD，阻礙有果班去入貨。 發展商俾人陰到咁正，當然作出自保行為啦。 首先拖延建屋進度，等存貨由分4年賣变5年清。 其次全面暫停農地同工業地轉屋地補地價操作。 最後因政府玩話事啤開埋底牌，「為達建屋目標，还價即成交」，咁發展商們仲唔入局輪你大米？ 一手楼供應，就算PP用業餘時間都做倒盤数俾大家睇，咁做緊生意或手持上百億磚頭既大孖沙，点会漏招？ 总之經濟好……升！ 經濟唔好……照升！！ 一切源於政府的弹藥消耗得七七八八，任人鱼肉呀 ！ 其實点樣升、点解升、会点升、升到边、幾時升到盡……無意義的。 总之出完井噴先啦！ 未出井噴、衡平仲係1.5楼下、欧美仲係周身唔掂要QE。 那麼惡夢还未完结。 而呢一日大约在17~19年左右。
|
|
8. 亮劍 2014-09-17 14:54:17 |
|
經濟學者關焯照指出，無論從各項樓價指數指標，或者市場成交來看，樓市愈升愈高絕不是好事，亦不健康，豪宅市場升幅較落後，而主要升幅來自大眾市場的中小型單位，他指：「另一方面薪金相對沒有明顯升幅，且追不到樓價升勢，反映買樓的負擔能力愈來愈差。」 關焯照稱，去年至今年初，市場因政府辣招及未來中小型單位供應增加而出現樓價下跌的期望，惟今年5月政府立場軟化，微調雙倍印花稅（DSD）政策，增加換樓期限，令市場形成一個減辣訊號。他續解釋：「政府微調DSD好明顯是一個導火綫，予人一種讓步感覺，令市場釋放積壓多時的購買力，在盤源短缺下，觸發了買家搶高入市。」
估計政府明年1月前出招壓市
關氏預期，二手樓市未來1至2個月樓價會繼續升高，但成交量會持續減少，形成乾升局面，估計樓價升勢會持續至10月底，多項樓價指數亦會繼續創新高位，而一手市場因發展商密密推盤下繼續暢旺，預料發展商會削優惠。他續估計，因樓市繼續處於不健康情況，料政府不會坐視不理，或有機會在明年1月份最新一份施政報告前再出招推出樓市措施。至於是何種樓市措施？他則舉例指：「可能是稅項措施，如資產增值稅、按揭利息稅等，當中後者可迫使銀行加息；另一方面亦可以要求金管局把按揭由25年收緊至20年，令買家所需首期增加。」
雖然政府已經從單位供應着手，但關焯照強調市民對居住、入市自用的期望可以很大，供應無法完全滿足相關期望，而近期中小型物業屢錄新高成交，追高入市的買家多為平民百姓的用家，加上未來很大機會加息或樓市爆破，令此類買家入市充滿負資產危機。關焯照預期未來息口會上升，提醒市民買樓要量力而為，入市前必須做壓力測試，最重要是工作穩定可維持供樓及生活，他指出：「心理因素亦不容忽視，過往樓價大幅回落時，有用家接受不到自住單位樓價大跌，反而以低價變賣單位，結果得不償失。」
現在係人都知，香港楼價之所以飈升，係唔夠地起楼，但政府做过乜呢？
舉一個例子：
某發展商有三幅農地，各20万呎。
佢想同政府申請補地價轉屋地。
政府見细碼楼唔夠，叫地產商支持下起中小型单位，以5倍地積比計，合共可起300万呎楼面，如平均每間300实呎計，可起倒一万間。
政府預你發展商呢D单位可以平均每呎9K沽出，在計算每呎建築成本4K後，政府開AV 3K。
如果可以每呎9K清貨，回籠資金係270億，在扣除發展总成本即210億後，淨執60億，叫不過不失啦。
但政府長策會成員關生，不停話楼貴，要政府做嘢！
發展商見風轉舵，話之你關生講笑都當真辦，同政府話第二時賣倒每呎7K要还神。那麼回籠資金就只有210億，若建築成本不变都是120億，淨執收窄改為50億，那麼補地價金額就由90億急跌到40億！！
AV由3千变千零銀，政府當然唔肯啦，咁呢三幅地唯有繼續養雀。
關生你究竟知不知道，你求其講幾句笑話，就足以謀殺一万個单位供應？？
|
|
9. 好友 2014-09-17 15:19:49 |
|
有道理: [有時候一些報導必須過濾一下，如「不吃不喝14年才夠買400呎樓」、「西環80呎舊樓劏房租金8千元」等等，傳媒此等報導用意是要喚醒社會各界，多多關注香港樓價高租金高問題，然而看法片面容易使大眾產生誤解，須知道這些報導乃老生常談，久不久自然會出現一次，對買家應否入市沒有真正參考價值。] |
|
10. 不知所謂 2014-09-17 15:32:49 |
|
此篇文章完全係不知所謂,完全不顧社會民生問題.香港政府庶應該加強打壓以資產霸權既人.還富於民! |
|
11. 好友 2014-09-17 15:35:29 |
|
亮劍兄: 閣下很有高見,本人認為作者此講法有點可怕,咁嘅結果樓價有排再升? [有一點大家必須留意，美國幾年來實施量化寬鬆政策，利率長期維持低企，如今歐盟也開始大印鈔票，貨幣氾濫使資產價格上漲。再過幾年，會不會又輪到中國推行量寬貨幣措施？這樣一個循環的後果，對未來樓市又會起什麼作用？] |
|
12. 淡友 2014-09-17 16:03:48 |
|
呢篇文章唔理未買樓者的感受,香港樓價咁高,是應該下跌嘅時候了.各位讀書都有同感. |
|
13. Haha 2014-09-17 16:24:04 |
|
|
|
14. 亮劍 2014-09-17 16:26:53 |
|
其實關焯照先生直到今日，知否3D辣椒，係徹頭徹尾笨蛋招？
在無呢D果D之前，開發商攞旗下的農地同你政府補地價或換地，一炮過就上千甚至幾千伙，每年整你幾千間住宅供應，乜底都打好啦。
再加上MTR同市建局，呢度幾千，果度幾百，一萬伙無走鸡！
但是有人無料扮4條，係要整餅出DDD，咁發展商幕後團隊点計數？
呢班專業人士只係數佬，唔係睇相佬，佢哋唔通有天眼通，知你政府幾時幾日出乜儍招，唔俾呢個、罸埋那個入市？？？
有疑問自然停一停、諗一諗，咁供應咪斷層囉！
大圍MTR仲要求人家補地價103億！？！
天下間你想揾個On居仔，儍億零俾人或者有可能，但傻夠过百億，仲要儍多成百億建築費，在今時今日应好困難！
一切源於政府的軍師流得济、又把口唔收！
俾着我係地產商，就一口價88億，分红比15%，有剩果15億同關生攞！
|
|
15. 購入自住的豪宅 2014-09-17 21:02:17 |
|
掌管全港房屋政策的運輸及房屋局局長鄭汝樺因為封盤，大家始知她多年前購入自住的豪宅京士柏山現價達六千萬元。事件曝光後，本刊翻查資料發現，原來除了鄭汝樺，三司十二局的司局長級官員中，亦不乏樓王，且大致可分為幾類：第一類為密密炒型，經常買入賣出，密食當三番；第二類為長揸族，一揸就十幾廿年，實行邊住邊投資；第三類則專攻細價租盤，做包租公每月收租。 |
|
16. 目前申報 2014-09-17 21:57:13 |
|
|
|
17. 好友 2014-09-18 02:10:28 |
|
人行突然5000億推出量寛穩經濟,顯示全世界都在印銀紙,資產價格必升無疑! |
|
18. 望樓 2014-09-18 02:13:21 |
|
我們未上車者真係苦,點解咁難買樓?香港已無年輕人藏身之所! |
|
19. 好友 2014-09-18 02:29:22 |
|
數據差出招 人行5000億穩經濟操作規模 相若降準備金率0.5百分點 在市場對經濟憂慮加深之際，新浪財經引述多間機構證實，人民銀行昨天對五大行實施5,000億元常設借貸便利（standing lending facility，簡稱SLF）操作，近似全面降準0.5個百分點，變相放水穩經濟。 分析師估計，消息對A股市場有正面刺激作用。 新浪財經昨晚深夜引述多家機構證實，人行昨天對五大行實施5,000億元SLF，期限為3個月，性質類同基礎貨幣的投放，規模近似全面降準0.5個百分點。這亦意味貨幣政策短期寬鬆常態化。 |
|
20. 出來見世界 2014-09-18 08:06:46 |
|
命裡有時終會有!!! 命裡無時莫強求!!! 有樓冇樓的感慨!!! 不怨天,不怨地, 袛能怨時機, 怨你父母不該生你出來見世界??? |
|
21. 目擊者 2014-09-18 12:25:02 |
|
很有道理: [有一點大家必須留意，美國幾年來實施量化寬鬆政策，利率長期維持低企，如今歐盟也開始大印鈔票，貨幣氾濫使資產價格上漲。再過幾年，會不會又輪到中國推行量寬貨幣措施？這樣一個循環的後果，對未來樓市又會起什麼作用？] |
|
22. 哈哈 to 20/f 2014-09-18 14:24:05 |
|
甘香港亂佔中你又怨乜?
而家我地唔係要怨,我地係要反 |
|
23. 淡友 2014-09-18 15:38:22 |
|
我唔信樓價永遠只升不跌,唔跌3-5成我們淡友絕不入市,叫多啲人唔好買樓,樓價自然會跌! |
|
24. 哈哈 2014-09-18 16:14:11 |
|
應該組織淡友上街,迫政府:
1)自己做地產商以成本價賣樓 2)加辣3倍 3極大空置稅 4)租管
長遠房屋政策應該每人祇可以有一層樓！ |
|
25. 蜕变中嘅懒人 2014-09-18 16:21:02 |
|
3D辣招實施至今，證實咗有效防止樓價快速瘋狂上漲： 對淡友嚟講有助心理健康，避免咗愈升愈傷心、自責兼憂鬱。 對好友嚟講有助資產健康，避免咗急升怕急跌、定過抬豬油。 |
|
26. 蜕变中嘅懒人 2014-09-18 16:21:11 |
|
3D辣招實施至今，證實咗有效防止樓價快速瘋狂上漲： 對淡友嚟講有助心理健康，避免咗愈升愈傷心、自責兼憂鬱。 對好友嚟講有助資產健康，避免咗急升怕急跌、定過抬豬油。 |
|
27. 蜕变中嘅懒人 2014-09-18 16:32:21 |
|
淡友兄： 50年前嘅樓價，經歷過多次戰乱、暴動、瘟疫、經濟風暴、政權交替，現在升咗以千倍計。 50年後嘅樓價，你估會點？
升到你唔信、升到你變信、升到你迷信！ 放下固執、立地成富。 |
|
28. 有殻蝸牛 2014-09-18 18:17:45 |
|
To 22/F 哈哈
雖然我唔認同佔中，但係佔中者係根據佢地理念用行動爭取普選，你竟然屈佔中係要整亂香港等某d人可以用低市價買到平價？你呢招仲毒過周容嘅白色恐怖。 |
|
29. 有殻蝸牛 2014-09-18 18:18:39 |
|
To 22/F 哈哈
雖然我唔認同佔中，但係佔中者係根據佢地理念用行動爭取普選，你竟然屈佔中係要整亂香港等某d人可以用低市價買到平樓？你呢招仲毒過周容嘅白色恐怖。 |
|
30. 正白痴 2014-09-18 18:54:51 |
|
哈哈: 正白痴......... 應該組織淡友上街,迫政府: ...........如何迫到政府???
1)自己做地產商以成本價賣樓........政府高官袛識高薪酬/高福利/高退休金......唔識起樓,聽講許生袛識玩女........如何得閒幫你起樓??? 2)加辣3倍.......無法做到!!! 3極大空置稅.......無法做到!!! 4)租管.......無法不想做!!!
長遠房屋政策應該每人祇可以有一層樓！.......無法做到!!!你正白痴!!! |
|
31. to 30/f 2014-09-18 20:05:38 |
|
樓唔冧你想長命百歳?無法做到!!!on 99 |
|
32. 正白痴 2014-09-18 20:21:40 |
|
哈哈: 正白痴.........on9.....今99歲了....... |
|
33. 支撐香港 2014-09-18 20:37:30 |
|
大興土木支撐香港: 《鐵路發展策略2014》今日公布，規劃本港鐵路網絡至2031年發展，建議新增七個鐵路項目，預計2018至2026年陸續落成。按2013年價格計算，初步成本估算為1,100億元。 運輸及房屋局局長張炳良在記者會介紹鐵路發展策略，新項目包括北環線及古洞站、屯門南延線、東九龍線、東涌西延線、南港島線(西段)和北港島線。他指，本港有空間承受新項目，也有機制協調基建人手。 該七個項目完成後，鐵路網總長由2021年的270公里增至2031年逾300公里，車站數目會由99個增至114個，覆蓋約七成半人口居住地區和八成半就業地點，直接經濟效益預計每年30至40億元。 至於諮詢期建議興建的屯門至荃灣沿海鐵路、小西灣線和港深西部快速軌道則未被採納，由於景觀、財務和效益等因素，現階段不會推行。 張炳良指出，新發展藍圖回應運輸需求，致力符合經濟效益、配合新發展區和其他需要。 |
|
34. to 32/f 2014-09-18 21:13:20 |
|
|
|
35. 哈哈 2014-09-18 23:36:53 |
|
佔中其中一個理念係反抗資產霸權!資本主義祗會使既得利益者繼續得到利益,窮既會繼續窮!唔好講d機會喺自己手呢d天真既廢話!市場機制喺呢個資本主義過度既社會已經可有可無!當權者喺绝對需要插手市場balance資本霸權,平均資源方為上策!資產霸權走到另一個極端最尾資產祗會成為廢紙!
各位既得利益者唔好甘天真啦!你唔係真係覺得你住千萬豪宅因為覺得你俾其他人叻甘kai吓嘛??!! |
|
36. 有殻蝸牛 2014-09-19 00:07:08 |
|
請問邊位佔中發起人話佔中係要反抗「資產霸權」？
照你咁講，一個人喺基層出身得到納稅人幫助係應得，到佢學有所成努力工作賺到錢，即使佢交還公屋、交税再捐錢俾其他有需要嘅人，只要佢一買樓，由佢簽約嗰一刻開始就變成既得利益者，理應被其他受納稅人幫助但未脫貧嘅人批鬥？ |
|
37. 蜕变中嘅懒人 2014-09-19 00:12:59 |
|
TO 35樓 哈哈兄 兄台話：（各位既得利益者唔好甘天真啦!你唔係真係覺得你住千萬豪宅因為覺得你俾其他人叻甘kai吓嘛??!!）
懶人唔知kai字點解，不過甘kai法真係好過引，請教有無辦法可以咁天真kai多幾世？ |
|
38. 淡友 2014-09-19 02:27:21 |
|
好悲哀,好友們沾沾自喜,以為樓價只有升冇得跌,我就唔信,呼籲齊齊唔買樓,冇人買樓市點升呀?所以講最緊要呼喚港人唔好買樓,大家一齊等跌3-5成至入市,咁就一定會等到. |
|
39. 有殻蝸牛 2014-09-19 08:43:49 |
|
買入前跌三、五成有咩用？買入後升三、五成先有用。其實好多人假設左樓價點跌都會重上歷史高位。喺呢個用家市底下，新業主都好少有佢地睇得咁好。
淡友係睇淡有錢唔願買嘅朋友，唔係深信樓市短中長期必升，渴望人為打壓，深信樓價喺自己買入後必定能抵受人為經濟傷害長期升值，點都要揸件貨嘅人，有咁多不惜一切希望上車嘅超級硬好/塘邊鶴，難怪樓價唔跌。 |
|
40. to 36/f 2014-09-19 11:13:07 |
|
佢以合理價買一層自住樓冇問題政府應該幫手㖭,當佢越搵越多買多層甘政府應該禁止!
有限既必需資源就應該平均分配!再一次講租係可以既不過唔該香港唯一收租佬祗可以係政府!
樓不嬲都應該係用民生角度好睇同經濟應該係完全無關既! |
|
41. 哈哈 2014-09-19 11:14:38 |
|
我驚你kai得一陣 |
|
42. To 38 2014-09-19 13:43:44 |
|
羊年多不利HK ,1967/2003年發生怎麼！美國要加息，HK 要跟加息！TVB 也傅cut 人！下年準備可買平樓！ |
|
43. To 39 2014-09-19 13:45:48 |
|
樓巿要看經濟周期，不是你唱就升！ |
|
44. 有殻蝸牛 2014-09-19 15:12:47 |
|
To 43/F
同意，唱好唱淡都無意義、要求干預都無咩用、求神問卜就自求多福，學習下分析市況，瞭解樓市正處於上升週期定下跌週期先係實際，無謂心急硬要入市。 |
|
45. 自慰 2014-09-19 15:46:41 |
|
小弟來這裡看了一個月，發覺唱好唱淡的都各有理據和堅持自己的觀點（表面上），等於自慰又想有人支持他自慰的感覺，實在真無謂。 |
|
46. 安全駕驶 2014-09-19 16:54:33 |
|
TVB cut 人是做show給政府看? |
|
47. To 45,你叫自私／自我中心 2014-09-19 20:03:48 |
|
你說廢話就真！ |
|
48. 睇得通 2014-09-19 21:55:51 |
|
| 中原城市領先指數 CCL | 每周五公佈 – 最新2014/09/19公佈，反映2014/09/08至2014/09/14(預計簽署正式買賣合約時段)的二手私人住宅樓價。一般在簽署臨時買賣合約後14日內簽署正式買賣合約。 | |
|
49. 外號「樓王」局長 2014-09-19 22:03:59 |
|
為穩定樓市，政府推出嘅辣招影響強勁，不單令樓價回落，政府地又頻頻流標。不過，外號「樓王」局長嘅勞工及福利局局長張建宗就一於好少理，最近就向政府申報買多咗個樓花，物業由太太擁有，喺今年一月十七日購入，係個尚未落成、位於港島東區嘅單位。總結現時佢已申報太太持有嘅住宅或商業單位共有九項，全部都係位於港島區，包括兩個中西區住宅單位、一個中西區商業單位、五個東區住宅單位及一個東區商業單位，似乎兩公婆對港島區情有獨鍾喎！ |
|
50. 淡友 2014-09-19 23:41:26 |
|
香港樓價繼續升,咁即是年輕人冇機會上車,始終係一個循環系統,有升咁高自會跌咁多,所以堅持唔買樓,大家一起響應,樓價必定下跌,仲要跌3-5成至合理! |
|
51. 蜕变中嘅懒人 2014-09-20 00:17:00 |
|
TO 50樓 淡友兄 兄台堅决唔買樓其志可嘉，但係唔買就俾租金幫買咗樓嘅人供樓咪好昂居？唔買唔租得2個悲慘結局：1. 露宿街頭。 2. 住人哋買咗或者租嘅樓受人氣。 好慘啫。 |
|
52. 共擁有7個住宅物業 2014-09-20 00:19:45 |
|
【文匯網訊】香港特首梁振英、三司十二局官員及其他部分行政會議非官守成員都對自己去年的利益申報內容進行了更新。行政長官梁振英申報利益與去年相同，共擁有7個住宅物業。而行會成員中，勞工及福利局局長張建宗仍然是「高官樓王」，持有物業從去年的8個增至9個。 特首申報財產未有變動 據南都報道，按照慣例，昨晚港府在行政會議的網頁公佈了行政長官、行政會議官守及非官守成員的利益申報資料，以供公眾和傳媒查閱，公佈的內容包括港府高官的物業、公共或私營公司的授薪董事職位、所持股份等信息。 對比去年現任特首梁振英班子的利益申報，港府大部分高官的資料並無明顯變化，「高官樓王」仍是勞工及福利局局長張建宗。他是行政會議中申報最多的物業的官守成員，由去年的8個增至9個，名下住宅單位遍佈港島中西區及東區，新增單位是其妻子在港島東區添置的一個尚未落成的住宅單位。 |
|
53. 蜕变中嘅懒人 2014-09-20 00:22:35 |
|
TO 41樓 哈哈兄 kai 得一陣都係曾經擁有，之後咪同兄台一樣都有着數，至多再衰啲當打和。 |
|
54. 淡友 2014-09-20 01:32:30 |
|
我選擇唔買樓,輕鬆做人冇壓力,得閒去喝酒PARTY旅行,唔知幾HAPPY,供樓?咪搞我,咁辛苦困住廿年唔值得. 何況隨時大跌3-5成,辛苦得來仲變為負資產,好友們宜睇清形勢,樓價已高處不勝寒,泡沫爆破風險特高,宜家供樓唔值搏了! |
|
55. 蜕变中嘅懒人 2014-09-20 07:13:16 |
|
TO 54樓 淡友兄，早上好。 兄台豁達而不受供樓束縛心態，懶人其實係欣賞但唔明白，因為懶人受父母影响，自小就認為無樓無安穩，一生人不斷為供樓而努力，到現在已退休尚算托赖可算生活無憂，但講真，97年樓市風暴及之前嘅經濟、政治危機隨時可令人一生努力盡毀，有時懶人都會慨嘆努力只係成功嘅一半，命運先係主宰成敗關鍵，好淡取向到底係對係錯，真係好睇個人智慧同命運去決定。 |
|
56. to 53/f 2014-09-20 15:33:38 |
|
負資產你下世都要欠債 |
|
57. TO:50樓淡友 2014-09-20 18:04:23 |
|
兄台話樓價 有升咁高自會跌咁多 我第一間樓係太古城983呎用一百萬買，其後150萬賣了，可否相告幾時會跌番落150萬？ |
|
58. 蜕变中嘅懒人 2014-09-20 20:23:44 |
|
TO 56樓兄台 兄台希望懶人：負資產你下世都要欠債。
其實負資產並不可怕，04年懒人間樓負資產過百萬，懶人同銀行傾負資產樓暫定3年還息不還本，將手持百多萬作首期，同銀行再造按揭買入九龍塘一單位，3年後負資產樓樓價回升80萬，賣原本負資產樓只蝕约40萬，如今九龍塘單位赚3倍幾，市值约1800萬，期間將之加按又加按，買多幾個细單位收租，幾個细單位又已升值2倍多。
兄台，不入虎穴焉得虎子，懶人胆正命平負資產唔怕，只敬畏兄台有能力睇穿懶人下世境况，但還請問兄台能否看穿自身今世富貴抑或閉翳。 |
|
59. to 57/f 2014-09-20 21:00:53 |
|
|
|
60. 睇得通 2014-09-20 21:13:39 |
|
自毁前途: 賣樓者,我感覺到是否自毀錢途!!! 我是這樣理解:完美金融風暴的……過往十年2003—2013年,香港約有100萬人次進行房地產買賣個案,大部份人賣出房產後,大部份人都是賺錢的,同時很多人都撿到了一粒賺錢的芝麻,失去了最有價值的房產大西瓜……這是對一群一直交付稅款供樓的優越性社群最佳回報!!!那些貪圖小利/不願意支付稅金買樓的人眼紅了…… 未來樓市將會是強行向上走的趨勢/或是在高水位橫行,吸食市場上所有的遊資…… |
|
61. 亮劍 2014-09-20 22:46:11 |
|
59/f ………… 70年代初，一層300~400呎单位值5萬。 97年山頂/南區屋仔每呎5萬。 幾年前凱旋門頂層複式單位每呎5萬。 今年天汇分層單位每呎5萬。 2047年太古特式单位，每呎係5萬或每間係5萬？ |
|
62. 淡友 2014-09-21 02:54:29 |
|
宜家至選擇供樓真係勉強啲,咁高樓價咪玩啦,政府都明顯講風險泡沫極大,點解啲人梗係唔信?所謂民不與官鬥,無謂再冒咁大風險了. 唔買樓生活自在好多,住兩年後又可搬一搬環境,住下新地方都幾好,何必貪圖一時私利,他日樓價大跌,變成負資產就唔抵,即是辛苦得來冇回報,咁蝕底嘅嘢大家唔好做呀. |
|
63. 哈哈 2014-09-21 15:29:52 |
|
香港內亂我驚係講緊每一梯(唔係一伙,係8伙)5萬都冇人買
既得利益者話到時有錢買哂成個太古城守都得,不過我怕都冇命享 |
|
64. 惜緣 2014-09-21 16:51:51 |
|
To 63樓 哈哈兄，
印象中，兄台你寫亲嘢就是希望有樓、有錢等等的既得利益者去燒炭、冇命享之類，你這樣說之後你開心嗎？内心平衡了嗎？ 你自己用心諗下，是或否？
請你唔好再用呢D字眼咒他人，因這種行為的唯一後果，就是令兄台你繼續行歹運，改變心態才是改變命運的唯一途徑。
呢度的師兄冇話你的不是，係因為佢地大量，不計較及包容你，而在下現在這樣說，是否在下不包容你呢？ 非也。因為，在下覺得再包容你落去可能害了你，在下的唯一目的就是真心想兄台好啫，希望兄台可以痛改前非，回頭是岸，阿彌陀佛！
|
|
65. 引刀一快 2014-09-21 19:17:18 |
|
惜緣兄
雖然我係淡友，但係都睇唔慣呢類簡單嘅晦氣言論，我真心希望各位睇淡嘅大俠，唔好吝嗇時間，翔實D講講睇淡理據、消息，大家研究下，走岀嚟講幾句晦氣話，唔會咁就可以舒一口悶氣挂？ |
|
66. 淡友 2014-09-21 19:32:23 |
|
惜緣兄: 呢度好多小業主成日唱高樓價,是因為佢地有樓想保值或增值,雖然自私行為,但為自己亦係無可厚非. 不過近排有啲變本加利,樓宇成了小業主暴利工具.難免俾人質疑,令未上車者憤怒.住屋是民生問題,香港宜家搞到成了暴利炒賣工具,對民生住宿影響甚大. 咁樣發展落去,香港必定分化,反高樓價亦會反地產商,又反投資者和反官商勾結,最後香港會動亂,哈哈哥所講樓價跌至5萬元一間,是有些誇大,但亦非完全冇可能. |
|
67. 惜緣 2014-09-21 19:52:43 |
|
To 65樓 引刀兄，
兄台同自醉兄是呢度最理性及有point的淡友，而在下是超級好友，但大家都是理性討論，一樣可以傾得好開心。
噢，對了，自醉兄是短期睇好長期睇淡，有段時間沒見到自醉兄的留言了，有些掛住佢添。 |
|
68. 惜緣 2014-09-21 20:33:03 |
|
To 66樓 淡友兄，
很高興見到呢度多了一位理性淡友，歡迎兄台。
兄台話，近排小業主把樓宇炒賣變成暴利工具而影響民生，我諗兄台怪錯對象了，自從2010年11月18日起，政府推出辣招開始，炒賣活動幾乎已經絶迹，而最近細樓價如此瘋狂，亦都是辣招惹的祸，因辣招令到大部分的購買力都湧去細價樓度，所以，要怪就怪政府。
只要哈哈兄唔好用咒人字眼，講樓價跌至5萬(甚至1萬)都沒問題，在下都講過未來5-8年CCL可能double, 大家都是估下啫，不用太認真。不過，有樣嘢是真的，樓價是不會因為淡友唱淡而下跌，也不會因為好友唱好而上升。 |
|
69. 不是哈哈 2014-09-21 21:07:11 |
|
不是哈哈: 評哈哈............. 香港內亂我驚係講緊每一梯(唔係一伙,係8伙)5萬都冇人買 ??????? 此類假設是難以成立的, 香港內亂 更加難以搞得動, 原因 反佔中 已經有140萬主體社群簽名確認, 寄望學生罷課出現奇蹟亦難以出現, 幻想借助英美聯軍擊港更加難以得逞, ......假如有動亂,結局可能是槍打出頭籌鳥格局,快速平亂......
既得利益者話到時有錢買哂成個太古城守都得,不過我怕都冇命享.......?????? 此句說話: 語無倫次???精神病居多, 生死有命,活著的人都會不斷求上進的......博他人死去,自己才去買樓/佔用他人的樓,袛有: 哈哈 才想得到/講得出口...... |
|
70. 引刀一快 2014-09-22 01:01:53 |
|
To 惜緣兄
自醉兄近排覺得呢度冇咩新話題，所以少上。 |
|
71. 蜕变中嘅懒人 2014-09-22 01:13:38 |
|
TO 70樓 引刀一快兄 懶人提議引兄考慮入市屯門碼頭區，今日身先大將，喺屯門碼頭區捉多一隻小豬，簽咗臨約，啱啱至返屋企。 |
|
72. 惜緣 2014-09-22 01:20:05 |
|
|
|
73. TO 引刀一快 2014-09-22 01:22:43 |
|
人在做，天在看。82. 引刀一快 2014-06-05 21:27:32 大陸冧市在即，我繼續睇淡，好多人攞97年情况嚟比，我覺得唔實際，理由好簡單，97年嘅災難性崩盤，今次唔駛學足，學三成都夠死。
138. 引刀一快 2014-06-05 23:45:36 to 法子兄
113我都唔怕118就更冇問題，既然你以118作爲基綫，咁就118囉。
係玩就正規D，2014年年尾，2015年年中，2015年年尾，2016年年中，各設一數，淨係2014年尾有乜用？
147. 亮劍 2014-06-06 00:05:41 引刀兄……本人並冇舖位收租， 不涉及利益衝突 ，但我看到特區政府對自由行旅客呢度全無方向，喺度藥石亂投，谷鬼氣咋！ 另一方面 CCL在今年年底，会企穩於125点，而我估計CCL於下年及後年都看好，初步估15年係130、同16年係145，但17年会跌翻落去115甚至更低。
158. 引刀一快 2014-06-06 00:29:11 To 自我陶醉兄
陶醉兄你前幾日提及嘅CCL我搵唔到，係邊日呢？
近日大陸樓市風起雲涌，我開電單車去巡點，睇到好多嘢，其實我就係唔太確定大陸對香港影響嘅滯後性有幾大，按道理，呢度收風比大陸民衆快D，但係幾時浮面有變數，否則，113我係夠膽買嘅。 |
|
74. 蜕变中嘅懒人 2014-09-22 01:35:37 |
|
TO 72樓 惜緣兄 多謝，相熟地代報料碼頭區南站主要出口通往海翠商場，另有出口至兆禧苑等附近屋苑，仲send埋圖俾懶人睇，唔知堅定流。 |
|
75. 引刀一快 2014-09-22 01:38:48 |
|
|
|
76. 引刀一快 2014-09-22 01:46:12 |
|
懶人兄
係一手定二手？ 雖然我係淡友，但係好似懶人兄咁有實力，100％恭喜，0％擔憂。睇啱就出手，四隻小猪的確喜氣洋洋。 引刀建議懶人兄考慮留一間做行宮，因爲深圳灣去番禺，坐大巴最快80分鐘就到，去南浦都唔駛兩粒鐘，以後通車就更快。 |
|
77. 蜕变中嘅懒人 2014-09-22 01:57:46 |
|
TO 75樓 引刀一快兄 懶人覺得祥益汪敦敬先生靠得住，分析有理，近日屯門碼頭區反價不斷，懶人接番支火棒，堅守4年，印證汪先生1.19四次方预言到底灵唔灵，灵就汪先生高明，輸就懶人認命。 |
|
78. 哈哈 2014-09-22 01:58:01 |
|
資產覇權到今日已經到達無法忍受既地步,一個社會體制永遠民生都係喺經濟之上,你要投資錢揾錢可以玩股票/古董/金 樓絶對唔係投資品!直情諗都應該諗!當社會主義再抬頭資產完全係冇意義!社會亦會和諧d!大家都唔開心d（支持資本主義既人渣除外)
樓上個白痴仔重搞笑!140萬?140萬薑容咋嘩?17/8有冇出黎遊行呀傻仔?都叫你快d搞個乜鬼業主大聯盟上街啦!好想喺中環見你真人呀我一定自願幫差佬清場 |
|
79. 蜕变中嘅懒人 2014-09-22 02:06:05 |
|
回引刀一快兄 係啟豐園第二隻二手小豬，呢個係連租约盤無樓睇，諗住夫披300萬，因為上唔到會。 其實嗰度海景睇到赤臘角機場，海濱長廊好舒服，夏日微風好舒服。 |
|
80. 蜕变中嘅懒人 2014-09-22 02:16:26 |
|
有樓當炒直須炒，莫待無樓空吵吵。有樓長揸志凌雲，莫待無樓變赤貧。 |
|
81. 引刀一快 2014-09-22 02:17:53 |
|
懶人兄
如果300，咁引刀都唔怕走去睇睇喎，碼頭區有冇24小時嘅惠康？ 實呎呎價幾多呀，懶人兄。 |
|
82. 引刀一快 2014-09-22 02:33:20 |
|
懶人兄
我覺得你咁鍾意投資，手上有資金，係時候留意鋪位。 |
|
83. 蜕变中嘅懒人 2014-09-22 02:41:10 |
|
TO 引刀一快兄 實呎9000蚊，嗰度無24小時惠康，不過購物、食肆，日用品鋪好多。 鋪位懶人唔識玩，本錢多，所以好少留意。 |
|
84. TO 中女社長 2014-09-22 02:50:26 |
|
CCL 126.5阻力位中女社社長 2014-07-05細細聲講比大家知，123.66不是一個位，是因為政府干預所以停了下來。真正的位在125.01，如果加上1.5點為誤差，實際上CCL應該在126.5阻力位才正確
中原城市領先指數 CCL 每周五公佈 – 最新2014/09/19公佈，反映2014/09/08至2014/09/14本週公佈 與上週比較 與上月比較[中原城市領先指數] 126.8
社長是不是已經過了阻力位? 上望多少? 多謝社長。 |
|
85. 引刀一快 2014-09-22 02:59:45 |
|
懶人兄
行多D，問多D，鋪都唔係咁深奧啫，今日買咗幾斤蟹，依傢煮嚟宵夜。 |
|
86. 引刀一快 2014-09-22 03:34:32 |
|
講真，既然你睇好呢個區，咁鋪就比住宅有潜力得多。 |
|
87. 70後普通人 2014-09-22 03:45:13 |
|
To：83懒人
恭喜你能在宜家放盤少，但買家多的市況下買得心頭好。本人相信祥益汪老板是真心睇好樓市，因為近日有報導話佢以4千多萬購入了一個凱旋門高層3房單位。 |
|
88. 大寶二寶 2014-09-22 06:40:28 |
|
回71 懒兄
恭喜懒兄。 懒兄果然識走位。 原以為懒兄會賣掉一隻金豬以换返一隻三房肥豬添。
共勉之， 哈哈！ |
|
89. Oscar Lam 2014-09-22 07:08:30 |
|
恭喜懶人兄再添小金豬！購入物業是一件非常開心的事情，小弟心有同感。汪老闆的估計是對的，雖不致於4年升一倍，但相信相差也不遠。
另外，我修改了你寫的幾個字：
有樓當妙直須妙，莫待無樓空吵吵。有樓長揸志凌雲，莫待無樓變赤貧。
記住，長期投資者是不炒樓的。哈哈！
|
|
90. 亮劍 2014-09-22 08:44:37 |
|
蜕变兄…… 我投你信心一票，不過我希望你將呢個屯門单位放租，不要將之空置呀！ |
|
91. 打工仔 Andy 2014-09-22 09:13:24 |
|
|
|
92. 蜕变中嘅懒人 2014-09-22 10:10:38 |
|
各位師兄，早上好。 昨日本來只係去巡視吓，點知老婆好有興趣養多仔豬仔，懶人無力反抗唯有從命，昨晚俾引刀兄點醒，買間鋪位仲好，諗落有道理，好彩要等業主個仔簽埋名，如果嗰仔唔簽就攞番票，或者簽咗又後悔撻訂就可以變陣諗鋪，多謝引兄先，不過懶人係好命之人，時有貴人扶助，個天決定我做乜懶人就照做，顺天應命，樂天知命，總之？天？命就係啦。
仲有好多謝位大哥恭喜懶人，攪到懶人窗外面風和日麗，心情大靚，在此祝願各位師兄同所有網友（抄番人地名句借花敬佛）：出外求財財到手，居家創業業興隆，身心康泰。
懶人一向覺得（投資）同（炒）呢两個動作根本上一樣，只不過時間長短同心態唔同，都係要自己負全責，賺蝕生死與人無猶，唔理他人點講，總之千祈咪害人同咒人就心安理得，蝕咗心甘命抵，賺咗可以嘅就收平啲租，至多係咁。 |
|
93. 蜕变中嘅懒人 2014-09-22 10:10:38 |
|
各位師兄，早上好。 昨日本來只係去巡視吓，點知老婆好有興趣養多仔豬仔，懶人無力反抗唯有從命，昨晚俾引刀兄點醒，買間鋪位仲好，諗落有道理，好彩要等業主個仔簽埋名，如果嗰仔唔簽就攞番票，或者簽咗又後悔撻訂就可以變陣諗鋪，多謝引兄先，不過懶人係好命之人，時有貴人扶助，個天決定我做乜懶人就照做，顺天應命，樂天知命，總之？天？命就係啦。
仲有好多謝位大哥恭喜懶人，攪到懶人窗外面風和日麗，心情大靚，在此祝願各位師兄同所有網友（抄番人地名句借花敬佛）：出外求財財到手，居家創業業興隆，身心康泰。
懶人一向覺得（投資）同（炒）呢两個動作根本上一樣，只不過時間長短同心態唔同，都係要自己負全責，賺蝕生死與人無猶，唔理他人點講，總之千祈咪害人同咒人就心安理得，蝕咗心甘命抵，賺咗可以嘅就收平啲租，至多係咁。 |
|
94. 打工仔 Andy 2014-09-22 10:50:33 |
|
懶人兄 我和家人吹水話, 如果有錢都想開翻一間小Coffee shop, 學人做下小生意！不過, 我就立即想到, 咁辛苦做乜？不如如有機會,買間小舖租比人地做咪仲好！不過,談何容易！哈哈。 |
|
95. 引刀一快 2014-09-22 10:56:23 |
|
懶人兄
我講買鋪係講緊街鋪，商場鋪就要小心，因爲商場鋪好撞手神。 彈藥夠、地段好嘅話，鋪先係投資首選，碼頭區自成一國，地鋪數量有限，如果位置旺得起，咁地下嘅價值就好高。鋪喺香港造就幾多令人羡慕嘅神話，大家有眼睇，大陸一樣，依傢好多人一鋪成仙。 不過，location location location，買鋪真係要明查暗訪，做足功課，同一棟樓，單位樓層坐向影響租值最多最多最多咪差20％左右，同一區域，地鋪就可以差好多。 總之，懶人兄將來發咗，引刀會戥你開心，不過一定要先做足功課。 |
|
96. 引刀一快 2014-09-22 11:04:37 |
|
打工仔兄
做鋪嘅中介，級別比做住宅嘅，普遍要高幾班，買鋪係要時間加運氣，加埋勤力，多行多睇多問人。 |
|
97. 引刀一快 2014-09-22 11:36:20 |
|
早排澳門嘅地鋪，炒到天價，我眼見加埋耳聽，九幾年200萬嘅鋪，居然有人嬲6000幾賣，九幾年50萬嘅兩層鋪，依傢9000，仲有間月租唔夠100000嘅，夠膽開價1.1億，呢D就係炒港珠澳概念，大家小心。 |
|
98. 引刀一快 2014-09-22 11:46:48 |
|
打工仔兄
其實有一招，可以搵下有冇山旮旯郊游行山地區，可以前鋪後居嘅超平價鋪位，得閑可以住下吸收新鮮空氣，節假日可以賣咖啡汽水餐蛋麵，鍾意就開檔，唔鍾意就休息，一次滿足晒三個要求。 |
|
99. 蜕变中嘅懒人 2014-09-22 11:52:53 |
|
TO 引刀一快兄、打工仔兄、Oscar Lam兄
懶人明白：住宅入門班、商鋪進階班、工厦深造班、甲級商厦富豪博士班。 屯門碼頭區真係無乜街鋪，只有商場鋪。市中心還有啲舊區街鋪，不過起晒價囉。 懶人讀緊入門班，Oscar Lam兄起碼已係進階班高材生，很羨慕。
Oscar Lam兄，不如加長2句： 有樓當炒直須炒，莫待無樓空吵吵；莫明其吵，愈吵愈暈。 有樓長揸志凌雲，莫待無樓變赤貧；莫道安貧，富可助人。
|
|
100. 打工仔 Andy 2014-09-22 12:00:03 |
|
引刀兄 〝游行山地區，可以前鋪後居嘅超平價鋪位，得閑可以住下吸收新鮮空氣，節假日可以賣咖啡汽水餐蛋麵，鍾意就開檔，唔鍾意就休息，一次滿足晒三個要求〞 加多一個, 就係等正苦收購！哈哈哈！ |
|
101. Oscar Lam 2014-09-22 12:04:33 |
|
"我講買鋪係講緊街鋪，商場鋪就要小心，因爲商場鋪好撞手神。 彈藥夠、地段好嘅話，鋪先係投資首選，碼頭區自成一國，地鋪數量有限，如果位置旺得起，咁地下嘅價值就好高。鋪喺香港造就幾多令人羡慕嘅神話，大家有眼睇，大陸一樣，依傢好多人一鋪成仙。"
Fully Support 引刀兄！ |
|
102. 蜕变中嘅懒人 2014-09-22 12:06:48 |
|
打工仔兄，鋪名提議名為（惜缘食店）：有缘至有食，無緣請食自己。 店主外號：（打工山人）開工就做打工仔，閂鋪就去遊山玩水。 惜緣兄，唔好意思，擅自借兄台個名嚟用。 |
|
103. 打工仔 Andy 2014-09-22 12:09:32 |
|
引刀兄, 懶人兄, 我上星期六揸架錢七去軚舖換軚, 其間同軚舖老細吹下水, 我話依家d新款野貴咗好多！問佢有冇得平d？ 點知佢回答叫我〝面對現實〞一係買一係唔好買, 真係比佢吹漲！ |
|
104. Oscar Lam 2014-09-22 12:13:14 |
|
懶人兄
在下係Primary School高材生。哈哈！ |
|
105. 打工仔 Andy 2014-09-22 12:14:03 |
|
|
|
106. 蜕变中嘅懒人 2014-09-22 12:25:36 |
|
啱啱同老婆提吓不如变陣諗吓買鋪，點知俾佢支AK47連環掃射，當堂耷頭扮死狗保命，命裏有終須有，學亮劍話每日早午晚同自己講3次：我買咗間鋪、我買咗間鋪、我買咗間鋪。咁就好快好夢成真嘞。哈哈哈----苦笑！ |
|
107. 惜緣 2014-09-22 12:28:30 |
|
To 102樓 懶人兄
非常開心，咁就真的緣份無處不在。 |
|
108. 亮劍 2014-09-22 12:35:20 |
|
蜕变中嘅懒人…… 咁近城隍廟，你都唔求翻支好籤，你知唔知道我們其中一個朋友，就係工商舖高手？如果兄台想學点投資商舖，咁當下次大家有聚會果陣，你就找他贈你幾招，有佢做盲公竹，你會交少好多學費。 |
|
109. 打工仔 Andy 2014-09-22 12:36:52 |
|
|
|
110. 惜緣 2014-09-22 13:16:39 |
|
To 106樓 懒人兄
在下老婆想問下“那支AK47”邊度有得賣，咁好使好用嘅。 |
|
111. 下年港樓價回落！ 2014-09-22 13:33:09 |
|
羊年效應近，多吉鋪，有些便利店也說不開通宵了！零售業差了，HK 經濟下年要回，樓價從高位回落！ |
|
112. 蜕变中嘅懒人 2014-09-22 13:46:54 |
|
亮劍兄，多謝関照，鋪呢個專業懶人真係唔識，有工商鋪高手教路肯定無死。
打工仔兄，懶人係歷史股票魚腩，老婆落咗禁制令，唉！
惜缘兄，嚇吓尊夫人，話懶人妻嗰支AK47喺落後野成日走火，唔好買，嗱，明益你唔使捱子彈呀！
|
|
113. Oscar Lam 2014-09-22 13:59:00 |
|
懶人兄
"有樓當炒直須炒，莫待無樓空吵吵；莫明其吵，愈吵愈暈。 有樓長揸志凌雲，莫待無樓變赤貧；莫道安貧，富可助人。"
好句！好句！ |
|
114. 惜緣 2014-09-22 14:11:36 |
|
To 112樓 懶人兄
兄台條橋又真係使得，佢已經打消此念頭，多謝兄台！兄台真係救了在下一命，如果唔係就死梗，邊有時間同大家吹水。哈哈哈！ |
|
115. 淡友 2014-09-22 15:06:01 |
|
各位唔怪得我地淡友有意見,你地幾個小業主一唱一和,成個市都俾你唱高晒,有嚴重誤導呀. 尤其是[懶人兄],你都算大膽,今時今日咁高樓價仲入市,小心變負資產! |
|
116. 打工仔 Andy 2014-09-22 15:25:42 |
|
| 【樓市怪象】 樓市瘋狂，開始有地產代理不敢在促成超癲價交易時，第一時間對外發放有關成交個案，以免進一步「刺激」其他業主神經，反價賣樓，更難做生意。其中黃大仙單幢樓一宗癲價成交，呎價高達1.1萬元，單刁被代理收埋半個月才曝光。 富誠地產林栢榮表示，細價樓癲升，位於黃大仙飛鳳街已有18年樓齡的盈利大廈，一個實用面積320方呎高層A室單位，剛售358萬元，呎價11,188元，創物業新高。他又指，其實這宗成交是在兩星期前促成，但由於成交價實在「太誇」，近期業主反價情況已相當嚴重，擔心再公佈癲價成交，會再「刺激」他們神經再反價，代理更難做生意，所以一直不敢向市場發佈這宗癲價成交，直至買賣雙方簽署正式買賣合約才公佈。 不過，由於賣方是在去年1月以317萬元購入，持貨不足兩年，須付10%即35.8萬元加強版額外印花稅（SSD），連同釐印費及佣金等成本，高價賣樓仍要蝕少許使費離場。林栢榮則指，單位是一房間隔，賣方因家中有小朋友，不夠住須換樓才急於蝕讓。 二手癲價停不了。消息指，西灣河逸濤灣3座中層D室，實用860方呎，剛售1,723萬元，呎價20,035元，料為屋苑首宗分層戶呎價破2萬元。 另鰂魚涌CASA880高層B室售2,176萬元，呎價21,587元，有指為區內分層戶成交金額最貴。
| |
|
117. 打工仔 Andy 2014-09-22 15:28:30 |
|
| 「新興巿場之父」鄧普頓新興市場團隊執行主席麥樸思（Mark Mobius）昨天表示，市場很擔心內地樓市前景，但多年來內地樓價趨勢一直向上，縱有調整，長遠升勢亦不會逆轉。 他指出，自1979 年起，中國工人實際月薪持續攀升，2013年底工資是1979年的4倍有多，樓房變得可以負擔。今年首7月房屋銷售面積雖然不及2013年全年一半，但相信如2008年一般，只是短暫降溫。2000 到2012 年，中國城鎮人口佔總人口由36.2%升至52.6%，城鎮化過程只到半途，距離美國的80%還很遠，有很多基建要投資。 國企股預期漲四成 麥樸思貫徹看好新興市場並重申，亞洲區人口結構較年輕，而日本、美國等成熟國家人口老化正加速。從長期投資角度來看，股市回報往往是當地生產總值實質增長（Real GDP）的雙倍。 他又強調，單看百分比不能得出經濟增長的全貌。在2010 年中國GDP 按年增長10%，經濟總量增加8440 億美元；到2013 年，GDP增長放緩至7.7%，但經濟總量增加值達到9860億美元，增加的財富不可忽視。他將透過「滬港通」買入更多A股，旗下A股基金及環球基金都會增加對A股投資。至於他年初看好的國企股，麥樸思認為，股價已上升不少但估值仍偏低，長遠而言，國指回報可達兩三成，甚至四成，雖然短期回報或受市場震盪而見紅。 另外，他認為市場過度憂慮美國債息上升，歷史大部分時間利率都是向上，股市也同步向上。 | |
|
118. 蜕变中嘅懒人 2014-09-22 16:39:38 |
|
TO 115樓 淡友兄 懶人試過負資產，嗰次同銀行講掂數，負資產樓還息唔還本，再俾多單生意佢做，俾首期再供多一間，結果两間樓一齊升番賺到夠，所以只要预咗市回時顶得住，懶人1.唔怕負資產，2.唔怕蝕頭注。
樓市，猶其香港樓市，只要兄台夠準備、夠長命，唔使眼光好，有樓有運行。 97咁大煲飯，有力渡過到今天一樣赚住賺價，再過10年乜仇都報晒。 歷史告訴懶人，未有QE前揸樓30年想蝕都難，有QE後揸樓30年想唔發都難。
懶人係咁諗，與淡友兄分享。 |
|
119. 引刀一快 2014-09-22 16:53:41 |
|
To 101樓 Oscar Lam兄
咪玩D咁嘢喇，真係衰！
講真，地鋪值博率高過住宅，引刀呢個淡友，如果今日見到合適嘅位置有放鋪，而且又比得起嘅話，係唔會俾樓市上落輕易左右，好多靚位，可遇不可求，機會一過就冇，樓就唔同，買高一層買低一層都差唔多。 十年自由行大潮，樓租價升3倍，鋪租升幾多，大家有眼睇。 |
|
120. Oscar Lam 2014-09-22 17:03:19 |
|
|
|
121. 引刀一快 2014-09-22 17:05:03 |
|
懶人兄
就算尊夫人牙醫博士首肯，你估你一定搵到心水鋪位咩，我呢6－7年喺大陸，成日睇鋪，綜結兩個最大嘅要點，1）靚位好多人諗住“一鋪養三代”，真係三代都唔賣嘅，除非阿仔爛賭輸咗，或者佢身邊有人做鬼，幫你水佢出貨。2）做鋪嘅中介，係人精，好多係做住宅嘅精英晋級嘅，就算同你friend，都一定食住你。 懶人兄乖乖做博士親王，買咗猪仔先，瞄到好鋪再諗，咁就過到骨架喇。 |
|
122. 引刀一快 2014-09-22 17:20:59 |
|
引刀十多年前，差D命喪越南，水我果位就係地産中介出身嘅，佢亦試過推心置腹咁俾咗一個地産口訣引刀，呢個口訣當然唔會公開，否則鵝頸橋底，成街都係寫住引刀一快嘅紙公仔。
|
|
123. 蜕变中嘅懒人 2014-09-22 17:22:57 |
|
TO 121樓 引刀一快兄
啱啱地代通知佢吔驚咗成晚之後，業主無反價封盤，個仔都簽埋名，臨約完成了；但另一單邁亞米海湾就講成咗後，業主反價買家追價，但業主失去聯絡，地代哎救命。
碼頭區出盤即掃，手快者有手慢無：反價再反價，封盤後失踪，業主流行曲，熱烈播放中。 |
|
124. 蜕变中嘅懒人 2014-09-22 17:30:31 |
|
引刀一快兄 舖位真係要講技術，Oscar Lam兄同引兄都係高手，懶人排第99，盲毛一名。
啱啱聽收音機，陸叔話有大陸地產商走佬，資金鍊斷裂，出此下策，唔知堅定流？ |
|
125. 引刀一快 2014-09-22 17:46:52 |
|
懶人兄
大陸地産一定會大地震，冇得走雞，上年D舊同學問我好唔好去南沙插旗，我話“好呀，等佢今次再落一波，係時候搵位。” 中晒，前日有個親戚同我講，南沙某阿頭同佢講，未到五字頭咪入！4個月前，普遍都萬二三架，依傢大量7－8千。 我唔知邊個地産商走佬，收收料先知，不過呢樣嘢早就意料之內，尋晚同中介食好正嘅湛江雞，佢講我知我另一個friend放嘅盤，兩個月冇人去睇，唔係講賣唔出，而係“冇人睇”，依傢唔係肯大咳嘅，都冇咩吸引力。 好同意你講嘅“市況人心”，咁嘅市況，就係因爲人心，原來剛需唔同屙尿，係可以一直忍住嚟瞓覺嘅。 |
|
126. 下年樓價回落！ 2014-09-22 19:19:07 |
|
下年羊年樓價回落！ 羊年不利港經濟，有便利店停些通宵營業！ |
|
127. 下年樓價回落！ 2014-09-22 19:19:11 |
|
下年羊年樓價回落！ 羊年不利港經濟，有便利店停些通宵營業！ |
|
128. 引刀一快 2014-09-22 19:23:50 |
|
To 123樓 懶人兄
業主呢排都係心雄，恭喜懶人兄馬到功成。 |
|
129. 蜕变中嘅懒人 2014-09-22 19:38:07 |
|
美國佬賣債借錢、噤到息口到零、到期還貶值錢，港幣同美元掛釣即係俾美國佬日日搶啲，唔搶番啲資產實物，揸住港元食息，即係揸住名牌菲林：痾凸。痾拔甩。 |
|
130. 引刀一快 2014-09-23 01:56:12 |
|
懶人兄
揸住實物係好，不過美國佬做嘅嘢唔會係低息咁簡單，佢會唔會玩第招推冧中國香港嘅物業市場，然後用發水銀紙入場席捲嚟滋養山姆叔叔呢？慢慢睇先知。 今晚我走出去巡場，睇到依傢市中心開始出現大咳盤，即係話大咳筍貨但係中介自己唔啃，我其實唔想睇見呢D場面，最主要係怕一下放寛限購，益咗D鬼佬。 |
|
131. 港樓價啟動下跌！ 2014-09-27 00:00:16 |
|
美國於春夏季加息及HK 政治氣氛不好，樓價快啟動下跌！ |
|
132. 引刀一快 2014-09-27 01:51:52 |
|
樓價跌唔係淨係加息一樣，加息係唔多覺嘅，大陸樓市冧都係因由。 |
|
133. 元朗人 2014-09-27 09:45:56 |
|
引刀兄，
曾經請教佛山買樓，得引刀兄提議邊留意邊等，小弟感謝之餘一於做住觀眾先，希望將來可用靚價買到嘢。網上閒話賤語太多，希望不要浪費時間囘應，大部分網友會自動忽略那些留言。 |
|
134. To 133 元朗人 2014-09-27 10:31:42 |
|
你是一個鄕下佬，衰有口話人冇口話自己！你似冇受教育及冇文化，HK 仲有言論自由！ |
|
135. 蜕变中嘅懒人 2014-09-27 10:42:44 |
|
TO 134樓 乜誰兄 元朗人兄無話唔俾兄台發表高見，只不過係忽略兄台之馬，少安勿躁。 |
|
136. 蜕变中嘅懒人 2014-09-27 10:42:49 |
|
TO 134樓 乜誰兄 元朗人兄無話唔俾兄台發表高見，只不過係忽略兄台之馬，少安勿躁。 |
|
137. 引刀一快 2014-09-27 13:38:44 |
|
To 133樓 元朗人兄
呢排得閑就多d番大陸行下，依傢單係廣州都積壓14萬新貨，二手已經開始出現大咳盤，我個人對大陸屋嘅睇法，係最好買自己鍾意嘅屋，生活要方便，唔一定出租，自用都好正嘅，我先會諗。如果真係出租，大陸都有劏房呢家嘢，但係唔合法，雖然回報高，經常擔驚受怕俾人查，劏過間屋又好傷。 希望元朗人兄唔止攞到靚價，仲要買到靚貨，天道醻勤，番大陸睇樓咪當消遣節目囉，人地話順德人煮嘢叻係真嘅，不過好多香港人唔知，南番順中，南海人最爲食。 總之，大陸呢波有排嘅，救市都係回頭掙扎一下嘅啫，睇到鍾意心甜先出手。 |
|
138. 引刀一快 2014-09-27 13:42:51 |
|
依傢廣州呢邊中介好得閑，有人睇就不知幾開心，佛山鬆綁形勢稍佳，兩夫婦可以每人買兩間，一于睇樓當娛樂節目，引刀前幾年一直係咁睇。 |
|
139. 元朗人 2014-09-27 15:48:35 |
|
謝謝引刀兄的建議。同意多實地觀察有用，元朗屯門返大陸確是較快捷，來回應可省1小時左右。小弟夢想廣州買小豬，如買到一隻已很滿足，亦是財力所限。希望小豬出到租更佳，一來有收入，小豬保養會好過丟空？
順便一提，普通人怎可隨便想學懶人兄般，拖住4隻小豬行街街喔（一笑）。 |
|
140. 引刀一快 2014-09-27 16:05:55 |
|
元朗人兄
依傢港人喺廣州買唔到樓，因爲限購，要一年嘅工作記錄等等好多麻煩嘢，而商鋪直情買唔到呢。 廣州樓出租回報唔高，除非你搞劏房，引刀唔主張劏房，因爲好多麻煩嘢。 有人住嘅屋的確會好D，如果你搵到可靠嘅地産中介代收租會好好多。 懶人兄4隻小猪，識得抬轎架！！！ |
|
141. 引刀一快 2014-09-27 16:09:54 |
|
順便一提，廣州樓有平有貴，跨度好大，電梯樓7500到55000都有，慢慢睇。 |
|
142. 昨晚佔中預演，學民思潮好勇 2014-09-27 17:49:26 |
|
政改使好多人反思，樓價心理上也有影響！ |
|
143. 佔中行動公佈啟動佔中 2014-09-28 02:07:16 |
|
佔中啟動！樓價下跌快要啟動！準賣家要快走，準買家可大幅壓價！ |
|
144. 有殻蝸牛 2014-09-28 02:22:41 |
|
班細路已經好慘，你仲抽水？真係恨要私樓恨到無晒人性？ |
|
145. To 144 儍佬 2014-09-28 02:30:43 |
|
我已賣樓，準備移民！政局不安，誰仲想有港樓！ |
|
146. To 144 儍佬 2014-09-28 02:39:36 |
|
你仲冇人性，有樓就不用怕，怕你就賣樓！ |
|
147. 引刀一快 2014-09-28 17:47:29 |
|
|
|
148. 警方出了吹涙彈，港人對港信心也失！ 2014-09-28 18:03:01 |
|
樓價一定跌！ |
|
149. 有殻蝸牛 2014-09-28 19:09:06 |
|
引刀兄，咁都可以理性討論？148/F個賤種無人性。
小弟以後唔留言，唔阻你同個畜牲理性討論 |
|
150. To 149 你果然是牛(畜牲，豬狗不如） 2014-09-28 20:29:22 |
|
HK 仲有咩值得好，有你這種人／鬼的不分的所為人！ |
|
151. To 149 冇人性有畜性的人 2014-09-28 20:32:58 |
|
人不似人，鬼不似鬼! |
|
152. 惜緣 2014-09-29 01:10:02 |
|
原本同是網中友，苦苦相逼何太狠 ;
冤家宜解不宜結，得饒人處且饒人。 |
|
153. 引刀一快 2014-09-29 15:32:03 |
|
大家少安毌燥，2006年WTO會議，過嚟示威嘅各國農民，破壞嘅係香港主持嘅國際會議，為嘅係佢地自己嘅利益，搞事地點放喺香港，癱瘓嘅係灣仔會展。
咁點解當時咁多香港人仲當係一件盛事？仲咁歡迎果班搞事嘅外國農夫？仲要以驚嘆嘅口吻形容佢地同警察對抗得幾咁勇猛？
今日，有幾多人記得起有過咁嘅一件事？當時講好咗會影響嘅香港形象呢？有冇影響？
唔好煞有介事日日喺度講呢D咁嘢，將呢件事提升到派系鬥爭，咁根本就唔會有咁多事發生！ 唔係有咁多有心人喺呢件事借意表達忠誠，點會搞到今日魚死網破？
如果真係對國家忠誠嘅，就學下引刀一快，接受大陸教育，瞭解國家民族現狀，擁抱國家！ 要共存亡嘅，係國家...........................................唔係自住樓！！ |
|
154. 保守估計港樓跌一至兩成 2014-09-30 02:30:19 |
|
羊年馬年不利港，港樓要下跌！ |
|
155. 引刀一快 2014-10-02 20:45:24 |
|
唔該ADMIN可唔可以留一版齋講地産樓市，講親政治都刪嘅呀？好悶呀。 |
|
156. 引刀一快 2014-10-02 21:02:25 |
|
留一版啫，其它自由發言，就留一版完全唔講政治，俾返D空間呢度嘅常客唞唞氣，唔該。 |
|
157. 樓價遲早都會崩潰 2016-08-15 00:29:36 |
|
因為當很多人都幫美國買單欠債時，就是利息向上升及收水的時候，到時樓價會跌至現在的五成
|
|
0.52 % 
0.13 % 