|
1. ABC 2013-12-18 12:13:24 |
|
而家香港d公屋、福利已經唔係屬於香港人，無論政府起幾多公屋，都係比d新移民拎晒，而家仲要未住滿7年既大陸佬都可以拎綜援，我地仲可以對香港政府有期望嗎？ |
|
2. WWW 2013-12-18 12:17:23 |
|
中原地產陳彪表示，鰂魚涌太古城部份業主擴闊議價空間，帶動睇樓氣氛好轉，並單日錄兩宗買賣。其中海星閣高層H室，建築700方呎，實用603方呎，屬園景優質戶，今年8月開價900萬元，本月初已將叫價調低100萬元至800萬元，近日減多一口價，至770萬元售出，累減14.4%，低市價3%。
同類單位對上一宗成交作價796萬元，原業主02年3月以265萬元購入，獲利505萬元，升值1.9倍。
中原地產黃國強稱，受業主肯減價刺激，青衣本月暫錄20宗買賣，較上月同期11宗上升82%。其中青衣盈翠半島3座中層F室，建築656方呎，實用523方呎，減價70萬元至530萬元易手。同區翠怡花園6座低層G室，建築458方呎，實用368方呎，今年8月叫價350萬元，減至305萬元售出，減幅12.9%。 淘大呎價1.3萬新高細價樓逆市驚現癲價。九龍灣淘大花園P座高層連平台特色戶，建築340方呎，實用242方呎，原叫價達360萬元，雖減價近9%至328萬元售出，但建築和實用呎價高達9,647及13,554元，創屋苑歷史新高呎價。原業主06年以120.5萬元購入，獲利207.5萬元。
利嘉閣地產鮑允中表示，上述單位屬淘大花園罕有連平台特色戶，全屋苑不足20間，市場一向少放盤，可遇不可求，該單位售出後，暫未有同類放盤。細價樓成交稍為回升，淘大上月全月僅約17宗買賣，但本月截至昨天已有13宗。
另外，市傳紅磡黃埔花園11期13座有疑似凶宅，以約600萬元售出，低市價不足一成。 |
|
3. EGE 2013-12-18 12:18:15 |
|
格林斯潘：中國經濟開始出現泡沫 香港電台 – 2013年12月16日星期一上午10:35美國聯儲局前主席格林斯潘在內地一個財經論壇上表示，內地三中全會結果顯示中國仍要繼續改革。他認為，內地三中全會不少建議為內地銀行體系轉向私有制度帶來轉捩點。 他指，中國是大型及結構複雜的經濟體，必須確保發展方向正確，過程中或會產生變化，可能會優化金融營運系統。但他指，隨著內地跟隨美國金融財務系統發展，經濟亦開始出現泡沫問題，或會影響中國經濟及金融穩定。 格林斯潘認為，泡沫是經濟發展必然結果，而央行政策是導致經濟泡沫產生的根本因素，認為若要避免產生泡沫，一個國家需要有足夠商業銀行的資金儲備及合作，以致能保持穩定的財政機制，以及承擔投行股東等的損失。 |
|
4. 689 2013-12-18 12:19:33 |
|
|
|
5. Lala 2013-12-18 12:35:12 |
|
我認識一個家庭,一家四口,現長子已經40歲,女兒亦38歲,但仍未婚,只因未有能力置業遷出,可能有人會覺得佢地可以租樓住,但係現今生活指數太高,基本上交得租就不能生育,咁做乜仲耍結婚,我覺得政府做好多野,但係冇一樣係幫到香港人,如果我移民返大陸唔知申唔申請到公屋,綜援,關爰基金呀,政府醫療.......... |
|
6. 向饭民说不 2013-12-18 12:39:34 |
|
楼上，因为香港有40%人口是公屋户，所以非公屋户的中下层，生活一定艰难。因为他们付不出间接税（高地价政策）去买楼。 香港的低税率，而又可以比大部分公屋户享受一切福利，而不用付出，就是因为业主都要付间接税。 不要投诉了，你朋友可以将自己变成公屋霸权阶层，这是唯一出路。 |
|
7. 飯民 2013-12-18 12:53:16 |
|
到底知唔知申請公屋入息上限係幾多呀,正常一個剛畢業既中學畢業生既入息係幾多,佢地每個人既平均支出要幾多,做好資料搜查先啦. |
|
8. 法子 2013-12-18 14:12:47 |
|
香港有大約120萬小業主，他們不反對高樓價，香港樓價昂貴由來已久，並非什麼新鮮事，外資向來也沒有因此而卻步。這麼說，就只有那些為數僅幾萬左右的未上車者，和影響力極大的反對派議員，他們發放出來的反對聲音巨大，連港府也要屈服，政策惟有向他們傾斜，可是畢竟這些反對聲音屬少數派，因此今天港府的民望，仍然難以提升。 -------- 同意筆者。 |
|
9. To 6 2013-12-18 15:05:06 |
|
間接稅(indirect tax)，是直接稅（ｄｉｒｅｃｔ ｔａｘ）或稱薪俸稅外的另一稅種。和你所謂的。「间接税（高地价政策）」完全沒有關係。 勿信口開河，誤導網民! |
|
10. 大多數香港人 2013-12-18 16:01:31 |
|
蔡生以為投資者小業主公屋戶地產商都不反對高樓價，自以為是，井底之蛙，坐井觀天，香港不止這幾類人吧，公屋戶也不是個個想一世住公屋吧，據各種調查訪問大多數人反對高樓價，你說官字兩張囗，你是否為維護少數幾萬香港人利益在這舌燦蓮花顛倒黑白？做人不要太貪心，貪字得個貧。 |
|
11. 自求多福 2013-12-18 16:55:20 |
|
香港人真係要自求多福, 如果遲啲比何喜華在公屋權得勝, 住屋需求肯定大增, 唔知政府啲供應出唔出得切? 政府成日話增加供應可解決問題, 另一邊廂何喜華又大增需求, 呢個世界真係矛盾... |
|
12. cbq 2013-12-18 18:07:26 |
|
末上車的朋友不用急,只要忍多2~3年,本港楼市和現在情況肯定大不同.(現在的市場氣氛不代表以後的表現或形勢.) 舉例1)在1997年前人人都認為楼市不會跌,怕上唔到車,但到了1998年全部pk晒. 例2)1997年屯門一個名牌樓盤1998年後,第一期跌了2成,第二期再跌2成. 现在屯門区又再有一個名牌樓盤在發售第二期項目,賣成萬二元實用面積一呎，市民十分湧约,但是否上一次的番板,小心做了楼蟹.(萬二元一呎,應該是爆煲指標價,心水清都知重有几多水位). 緊記,超底利率年代结束後,就會到超高利率年代重来,到時資產價格重冼牌,磚頭不是唯一的，cash is the king. 二十年前左右,港人供楼利率是p加,存款利率很高,也不差過買摟樓收租的回報,亦不怕收唔到租. 長路有盡時,没有不落山的太陽. |
|
13. 兩年多前好文重溫 2013-12-18 19:27:48 |
|
推倒樓價換來重稅 民怨更深 撰文:麥萃才 香港浸會大學工商管理碩士課程拓展總監 欄名:房策透視
社會上有不少聲音認為香港樓價太高，而樓貴高、租金貴是使企業經營困難以及市民住屋難的原因。社會出現了仇富的情緒，特別是對於地產商而言，於是便有地產霸權的批評出現。而有意見認為政府向大地產商傾斜，有點不公平的嫌疑。問題是這些批評與政府房屋政策有關嗎？如果是的話，為何不去改善？箇中又有何難題？
早前曾特首在電台節目中說，香港的高地價及高樓價是香港成功的代價，東京、倫敦、紐約也面對相同的問題。問題是香港成功的背後代價，你願意承擔嗎？又或者寧願香港不成功，那麼大家可以少付出些？
私樓租戶約百萬 真正苦主
早前政府的施政報告，把房屋問題排列最前，認為是市民最關心的迫切問題。而房屋問題，往往是最棘手，最難解的事項。第一是「高樓價」下市民未能買私樓；第二是「租金貴」市民租樓難的問題。問題之所以複雜是因為這兩者是相關的！
根據施政報告，香港有124萬個家庭住在私人物業，其中87萬戶是自置物業，其餘的37萬戶租住私樓。那麼樓價貴會影響哪些人？
對於已擁有自置居所的住戶，樓價高企當然高興，因為他們的財富上升了。如果要局部變現，可以要求銀行加按，套取資金。對於私樓租戶來說，部分希望最終自己能購入物業，而這批人會對高樓價有怨言。
至於租金貴的問題，自置物業的住戶不是問題，因為他們不用交租。如果擁有出租物業的就更高興，因為租金上升，他們的收入便會增多。
那些對租金貴感到反感的，往往就是這37萬戶租住私樓的。租金上升，如果負擔不來，便要大屋搬細屋，貴區搬去租金較廉宜的區域。業主更可能會把物業收回放售，因此樓市上升之時，這批37萬的住戶怨氣最大，以平均每個住戶有2.9位成員計，牽涉人數有107萬人，佔香港人口的15%！
公屋輪三年 中產買樓待何時
這批人，往往是夾心階層，家庭收入高於公屋申請資格，但部分又未富裕到能夠負擔私樓樓價，因此要暫時租住私樓。所以對他們而言，樓價高、高租金是很惡劣的社會現象，需要改變。
政府要解決房屋問題，理論上不難。首先政府是土地的主要供應者，政府只需要有充足資源發展便可。問題是香港政府能否解決香港市民所有居住問題？所謂羊毛出在羊身上，政府的開支，最終要有人承擔，問題是誰？
兩位擬似特首候選人都說政府要大力增加公屋建設。單是一個公屋單位的建築費用，便要30萬至40萬一個。以中間數35萬計，15,000公屋單位建造費便要52.5億。如果要建3萬個便要百多億，中間還沒有計土地平整費用，以及地價。如果要顧及公屋輪候冊中三年上樓的承諾，香港每年公屋建造量便要多於30,000個，對特區政府來說是個負擔。屆時又可能有人會提出，公屋輪候冊那十幾萬戶三年便能上樓；那麼住私樓租戶之中那些非公屋輪候冊的租戶的，又能否取得政府資幫助，三年能上樓（買樓）？
香港的營商環境之所以能夠位列世界最高排名的首幾位，低稅率是原因之一。而政府的收入來源，與很多西方國家在結構上有很大差異。以2011至2012財政預算為例，佔政府最大收入的是利得稅，有969億，佔25.8%，而薪俸稅有482億，佔政府收入的12.9%。通常這兩項數字應佔政府收入的很大比例，但對於香港特區政府，佔所有的收入僅有38.7%，連四成不到（見圖）。
嚴遏樓市 薪俸稅難抵地價
香港薪俸稅率低不在話下，而稅網之窄，又是世界少見。在300多萬在職人士之中，只有百多萬人需要繳稅，而其餘的人士不用繳稅之餘還能享用社會福利。靠的是政府其他收入。其他收入有860億，佔總數的22.9%，至於其他非經營收入有64億元，佔1.7%。如果把這些收入全部加起來，大約佔總數的63.3%。那麼其餘近政府四成的收究竟來自哪裏？
地價收入620億元，佔總收入的16.5%是一個重要來源。這個數字會被界定為非經營收入，但實際上它比薪俸稅的收益482億還要多！假設把樓市推倒，發展商不投地，不補地價，整個收益便會是零，那麼資金缺口如何彌補？如果全部由薪俸稅去補，一是把全港在職人士都納入稅網，而且稅率要大幅上升，例如把標準稅率提升一倍，接近西方水平。那市民會接受嗎？
印花稅之中有400億，佔政府收入的10.7%，其中有部分是物業買賣印花稅，其餘的是股票交易印花稅。如果樓市死寂，印花稅便會大減。很多聲音批評，香港經濟單靠房地產及金融業是不對的，這個產業結構很不健康。但現實上特區財政上有很大來源，就是來自這兩個產業，形成了一個千絲萬縷的關係。政府還有9.5%的收入，是來自投資收益。經營投資收入佔8.1%，非經營投資收入佔1.4%，大部分收入是來自外滙基金的投資收益（見表）。
購物業如繳稅 業主望樓價升
總體而言，政府收入之中只有八成是來自經營收入，其餘兩成是來自非經營收入。以2011至2012財政預算計算，假設碰上最壞的情況，股市樓市失利，庫房便少收20%收益，約值750億元！比起薪俸稅總收入的482億元還要高！所以政府要有些少財政儲備去應付不時之需。
如果要作譬如，特區政府的財政，就好像一個家庭，丈夫每個月所給予的家用，不足夠支持正常家庭開支。主婦要靠投資收益來補貼。正因為有這些補貼，才能夠以這麼少的家用，仍能維持家庭的運作。
說回高樓價，高地價政策，政府不賤賣土地，賣地與補地價收益才能支持政府財政。否則要納稅的人數要比現時的多，而且稅率亦會加重。高地價，高樓價換來了低稅率，某個程度來說也是一種隱含稅項。這與一般的稅項不同之處，是用者自付。換句話說，賺買物業，等同於向政府繳交了稅項，而稅項是從地價及印花稅中繳付的。要明白一點，能夠負擔私樓的，會是經濟較為富裕的中層階層，而這一批中層階層，亦是付稅最多的一群。
如果問他們，喜歡高樓價但較低薪俸稅？還是低樓價較高薪俸稅呢？可能選前者居多。因為後者，所繳付的稅款是每年繳的，而且支出之後，便真的少了資金運用。但前者則並不一樣，因為物業有儲存財富的用途，今天同高價買樓不是問題，雖然價格之中已包含了這樣的隱含稅項，但只要樓價維持現況或上升，當物業轉手，便變相把這稅項轉嫁到下一位買家，結果等有沒有納稅。
樓價跌兼加稅 雙重打擊業主
當樓價大跌又怎樣？這等於物業減值，業主如將物業轉手，便不能把隱含稅項全數轉嫁給買家，所以負資產之時，業主怨氣最深。正因為這個特性，所以一般業主不介意高樓價；但對租戶來說，則是另外一回事，因為樓貴，租金亦貴，變相等於在租戶之中加了稅。個人住戶等同加了薪俸稅；公司等同加了利得稅。最大問題他們不能享受高樓價的得益，卻要承受高樓價高租金的結果。
以上的分析只能說出高樓價與政府財政收入的關係，以及現在香港資源分配的機制，並不等於認同這種機制的。但有一點可以肯定的是，如果把香港樓價推跌，將會有87萬戶私樓居民會受害，財富減少。另外政府庫房收益可能會減少數百億，包括地價，補地價及物業買賣印花稅，總數可能會比薪俸稅還要多！而資金缺口可能要迫政府加稅，包括薪俸稅及利得稅。這樣持有物業的中產階層，已承受樓價下跌而引負面財富效應，如果還要承擔薪俸稅上升的雙重打擊，相信民怨更深！ |
|
14. Cda 2013-12-18 20:54:38 |
|
香港有120萬小業主他們都會有子女和下一代,如果楼價無止境地上升,也未必是他們想見到的，因為他們的子女和下一代長大後需要成家立室置業,難道要他們学日本一樣供樓3代人嗎? 要望遠啲,太短視只會祸及自己和下一代. |
|
15. 三T 2013-12-18 22:01:27 |
|
高樓價是不是一種政策，勉強只可以話係一種結果，你可以喜歡或者不喜歡，沒得支持或者反對，因為沒意義！我沒住過公屋，開始都係租樓，而假有自置物業。樓價升我會覺得我有錢Ｄ，樓價跌我會覺得自己窮Ｄ（當中梗係會有少少財富效應或者消費意欲變化），所以主觀上我係中意樓價升。但係由買樓果日起，所有業主都要承擔樓價及個人狀況的上落，日子也不易過，這些人成就了現在的香港！如果經濟好差，好似沙士果陣，我沒因為樓價跌左而怨政府，因為佢地沒叫我買樓（當然我都唔會指望政府幫我）。但係如果政府覺得樓太貴而實行介入或打擊，我會覺得政府係打擊我，打擊我的努力成果。政府要打擊的係伯南克或者引致供應不足的因素，而唔係百幾萬負責任而且為自己同社會努力過的巿民！ |
|
16. Aaa 2013-12-18 22:20:42 |
|
樓價的升跌自然有它的週期和定率(由底位至高位回落大约10多年),说誰推倒樓價,只不過是借囗,找來發洩出氣而己. 很简單千古道理,物亟必反,盛亟必衰.要接受現實.
就算現在自己的單位己已有很高的升福,亦不代表賺硬,止賺離塲才是真银,(真正用家就不需管他升與跌) 食得咸鱼底得渴,與人無尤,不要怨无尤人 |
|
17. 三Ｔ 2013-12-18 22:40:06 |
|
樓價超高，係人都知，唔會永遠都咁高，又係係人都知。如果有人話樓價太高所以上唔到車，咁點解又係都要係樓價咁高的時候去上車呢？又有人擔心下一代上唔到車，我諗有咁的想法的人，首先要擔心的係自己有沒能力去教好仔女（如果連仔女都沒，咁更加唔使杞人憂天啦）！ 如果今時今日要將樓價打到去大部分住公屋的人都買到私樓的價位，直情係要係最唔適當的時機（超寛鬆的流動性遇上短缺的供應），做最沒可能的事（叫幾乎係最沒能力的人去做大部份人都做唔到的難事）！當今世上只有萬能的特首先會覺得自己有咁的能力！凡夫俗子真係諗都唔好諗。免得搞到有樓的破產，沒樓的依然無產！ 順帶講下，其實好多住公屋的人都己經買左私樓，靠的都係自己。當然都有Ｄ買左樓又霸住間公屋唔走的。 |
|
18. Dad 2013-12-18 23:07:48 |
|
現在的政府不是想惡意推倒楼價,只是想在非常時期實行非常政策,令疯狂上升的楼市可以泠却卻一下,使还未上車的市民(特别是實力不足的,不要盲目及夾硬上車),另外可以截激可耻的炒家,實在是用心良苦,不要將怹說成妖魔化. 試想想如果没有政府辣招,現在香港楼價會是如何. (現在屯門站一個正發售的楼盤,一房價賣價差不多4佰萬.如果这两年没有辣招,我想这个一房價可能已叫價8佰萭,到時已民不燎生). |
|
19. @@@ 2013-12-19 00:12:34 |
|
有能力的人唔代能教好子女,还要看子女的本性本質,是天生的,有的是本'性如此,教而不善. 香港地現在很多業主都有子有女有子孫,而且現在他們的子女都已長大成人,需要成家,他們亦都不是要夾硬現在上車,只不過希望楼價要那麼疯狂,回到合理水平才買,亦都人之常情.(除非是绝小部分無兒無女無親人而又亟度自私只為一已利益者除外). |
|
20. 範士八段 2013-12-19 02:14:37 |
|
「 我武者羅 がむしゃら 」 形容人魯莽、做事不顧後果的講法。
已沽出自住樓再變成樓淡，佢哋嘅心路演變歷程，可能係咁⋯⋯
思考篇： 兩隻運貨壯馬，有一日，其中一隻突然咁諗：「咁勤力搏乜？攞嚟托咩！一於詐死扮辛苦搏同情唔洗做！」 商人為免枕誤運送時間，將所有貨物都轉去另一隻馬處。商人後來發覺，養一隻勤力嘅就足夠， 咁呢隻嫌辛苦嘅，好快就變成美味嘅馬肉刺身喇。
經常疾呼要辣招，望樓價大跌從而執平貨唔洗再捱嘅，佢哋嘅心路歷程可能又會係咁⋯⋯
心態篇： 心地善良嘅白鴿，向正飛出城外嘅烏鴉問：「乜料？想飛去邊？」 到處撞板嘅烏鴉，無奈地回應：「個個都嫌我把聲煩，諗住揾過第二個地方生活。」 白鴿語重深長地説：「如你唔改下把死人聲，成日係度嘈嘈弊，就算去度邊都係吔蕉，知毋？」
# 思考心態唔變，結局一樣唔會變，真係就算食藥都邦你唔到。
|
|
21. 2011年8月16日 圖表分析：香港樓市似離泡沫甚遠 切勿瞓過籠！ 2013-12-19 08:19:43 |
|
20110816 圖表分析：香港樓市似離泡沫甚遠 2011年8月16日 圖表分析：香港樓市似離泡沫甚遠 喺政府6月出招及環球市場8月於歐債美債多重打擊下，本港樓市終於跪低，出現劈價、撻訂個案。喺虛怯嘅市場心理下，最近立場左搖右擺得最多嘅自由黨，聽講都已唔再支持起居屋，重返全港最大利益團體（業主）嘅陣營，值得歡迎！但係各位切勿歡喜得太早，因為純由圖表分析嚟睇（基礎分析另文再述），其實香港樓市唔似係會跌個一瀉千里，想執平嘢嘅讀者切勿瞓過籠！要斷定某資產是否泡沫，其中一個標準就係觀測其價格走勢是否開始與長線經濟或價值驅動因素嚴重偏離。呢類行為喺對數圖上就最易識別：當價格上升嘅曲線連對數比例嘅上升幅度都拋離埋，咁呢個市場就離「爆煲」不遠矣。以本港樓價指數嚟睇，過去四十年嘅長線趨勢由【圖一】嘅中間嗰條紅線代表，其上下兩條紅線則代表市場嘅頂端或底部（如果閣下喺1985年同2003年「連撈兩底」嘅話，認真要恭喜恭喜，而家睇怕坐食過世都無憂無慮！）。有趣嘅係，圖中嘅頂、底兩條紅線係與中間嘅趨勢線同距離，但係由1993至97年呢個（以對數圖嚟睇係嘅）超級大泡沫時，竟能突破頂線四年有多先爆，都咪話中英政府為做呢場回歸政治騷配合得天衣無縫！唔怪之得1992至97年嘅六載大泡沫（運行於通道頂之上），同樣要1998至2003年共六歲之久，方才化解得去（重返通道之底）！1998至2003年嘅下降期亦明顯地將樓市嘅兩個上升周期分開：1985至97年嘅12年上升期【圖一，甲線】，以及2003年開始嘅另一上升期【圖一，乙線】，如以上次嘅時間長度為參考，則此輪上升周期有機會至2015年方完！更令好友「振奮」嘅可能係，呢輪升勢似乎剛啱升穿長線平均線，有排未到過貴嘅境界！再 睇真啲，各位可能發現原來過往每次樓市大跌，或大勢轉而向下，都伴隨着樓價升幅大大拋離長線趨勢嘅症狀【圖二，幼紅線】。由此觀之，今年嘅樓價其實都回落得幾牽強，搞得唔好隨時連個似樣嘅調整都未必會出現……睇嚟圖二最可能出現嘅情況會係小跌百分之五，再繼續未來兩年嘅升勢（藍線）；而唔少坊間經濟人嘅跌兩成預測（紅線）可能性似乎不大；再則「勁插去2006年低位」嘅預測（綠線）就連圖一嘅通道底部都穿埋，睇嚟要世界末日之類嘅大災難方可實現（唔通電影《2012》有咁啱得咁蹺？）。如以上看圖投資真係行得通嘅話，未來數周，隨時係入貨好時機。中天letstalkproperty@gmail.comhttp://chungtinproperty.blogspot.com/ |
|
22. 樓蟹啓示錄 2013-12-19 18:05:29 |
|
(楼蟹)这两个大字已在各報章及媒體消失了很多年,但这兩字很快會重現眼前. 超底利率年代结束後就是超高利率年代开始. 超高利率年代开始後,資產價格會重新脾,到時候磚頭不再是唯一的,cash is the king(把現金存放在銀行也可收取高息回報,又不用怕收唔倒租). , |
|
23. #*# 2013-12-19 18:18:18 |
|
真係對个市甘有信心,買多几个十几个百几个單位以行動支持啦,唔夠錢借贵利買啦,(暒下啦) |
|
24. 當然貴啦 2013-12-20 23:22:54 |
|
高樓價是世界各國政府加印貨幣而產生強力通貨膨脹後遺症???地球土地有限,貨倉廢紙印幣無限,香港樓房是世界名牌!!!當然貴啦啦!!!!!!!!!!! |
|
25. 任你點吹 2013-12-21 11:19:03 |
|
港府出招壓樓市 打殘炒家爭取民望
多數小業主 都反對高樓價
|
|
26. 三T 2013-12-21 15:07:35 |
|
一個小巿民或者置業者應該都係唔希望樓價太高的，而大上大落對巿民都會有好大影響。但係我反對政府今時今日出果Ｄ招去打壓樓價。 打擊炒家？首先係除非佢地犯法，一個自由巿場政府沒理由去對付一Ｄ利用巿場波動或者價格的不合理去賺錢的人；其次係根本好難去介定何謂炒家；再者如果大家覺得而假樓價高得不合理，炒家根本都唔會去接貨，佢地散貨就有，況且你而假唔俾佢地炒，咁佢地唔再入貨，爆煲果陣佢地沒貨係手或者得好少貨，佢地唔會死的喎，咁出招咪變左保護佢地？ 爭取民望？香港樓價唔係咁日先至咁高的，香港有過百萬業主，佢地都係係唔時期以大半生的努力同血汗買下手上物業。政府出招如果真係恰到好處，維持樓價平穩，相信沒人會覺得政府好勁，睇左咁耐政府的用人同手法，我真係好擔心佢會將樓價推向另一個極端，到時影響的係果百幾萬小業主，金融體系，地產相闗行業，政府收入等。而當然會有一Ｄ百無人仕會好心涼，或者覺得政府拉近左貧富懸殊等等，如果政府覺得咁的民望係佢地應該爭取的，我都唔意外！ 協助巿民上車？呢種講法同社會棟樑成日講的輸在起跑線有異曲同工之妙。上車從來不易，一如大部份有限同有價值的資源，一個人要取得佢，係要靠自己，政府唔好以為係救世主，因為呢種向上爭取的痛苦過程亦係資本主義自由社會的根基同有效運作的零件之一，通過努力達到一定的經濟成就，其實都會提升自己的精神上的水平。如果人人都希望其他人幫自己的起跑線搬到終點，咁係呢個人生中，自己又係何等角色呢？唔通所有野都係其他人的責任，自己的責任就係追究人地的責任？？ 積極干預？政府係物業巿場入面係一個影響供應的主要角色，係呢方面可以做好多野，以目前的招數去干預，實在係下下之策，事實證明只會加大巿場的波動，繼續加招或者唔撤招都可能會對香港造成災難性的結果。一定要做的話，抽取增值稅會好好多囉。自由的巿場係香港的重要價值之一，政府如果唔可以為香港做任何貢獻，坐係度出糧就算啦，唔好搞破壞己經係萬民之福！ |
|
