|
1. 中產A 2011-11-16 14:26:05 |
|
作者講得好!政府的確係厚此薄彼,非常唔公道,香港係自由經濟體系,炒甚麼都得,只係炒樓唔俾,炒樓嘅稅收貢獻唔少! |
|
2. 同意 2011-11-16 14:30:57 |
|
同意反高樓價者是少數人,他們是受立法會議員煽動,每次反對地產霸權的游行示威只是幾百人,但是當年樓價大跌時,反負資產大游行有近萬人參加! |
|
3. 中產A 2011-11-16 14:37:56 |
|
香港宜家各行嘅就業市場人手緊張,薪水有上調勢頭,唯獨地產相關行業前景暗淡,地產代理面臨大量失業危機,係政府打壓樓市造成! |
|
4. 啦啦隊 2011-11-16 15:44:02 |
|
文章一流 |
|
5. 反地產從業員 2011-11-16 16:25:33 |
|
有的地產代理真的很差,沒有道德, 現在是時侯汰弱留強,劣幣無得留低之際,不全是壞事! |
|
6. 上善若水 2011-11-16 17:08:12 |
|
小弟認為厚此薄彼的原因是品牌店賣的是奢侈品，不會影響民生日用品的價格，故政府無意壓制，反而鼓勵。 在政府眼中，樓價與民生息息相關，雖然豪宅也屬於奢侈品，但豪宅的價格會拉動普通住宅的價格，故需加以控制。以上應是政府的邏輯。 不過SSD的實行對地產行業，以及相關行業負面影響甚大，個人認為業主會應對此有所行動。 |
|
7. 上善若水 2011-11-16 17:44:44 |
|
目前香港是國內人心目中的購物天堂，每年來港購物、消費的遊客不計其數，帶動了香港的經濟發展。不過物極必反、盛極而衰是不變的道理，目前一些不利因素已經開始浮現，現略舉數項如下： 1）與世界大多數地方比較，香港購物場所擁擠不堪。購物過程，哪怕是選購價格高昂的奢侈品，也不是一件令人舒服的過程。 2）旅遊推廣工作不夠：目前國內遊客來港，多數只知道銅鑼灣、尖沙咀、旺角等購物熱點，最多去過海洋公園、迪士尼。其實香港還有很多吸引人的地方，例如東平洲地質公園、西貢海灣、麥理浩徑，離島各小島，又或者遍佈港九的殖民時代建築物等。香港是一個非常特殊的地方，一方面是世界級大都市，但優美的自然風光卻近在咫尺。香港保留了不少傳統中國的文化景點，又有西方文化的元素，這些都是國內任何城市所沒有的。這方面我們政府做的推廣工作遠遠不夠，守著寶山，不懂利用。若將這些資源好好開發、推廣，至少可以讓遊客多留幾日，甚至讓遊客發現香港另一面可愛的地方，這些都可吸引高質素的遊客，也可帶動不少就業。 3）酒店住宿貴而不值：這與香港寸金尺土有關，但並不盡然。香港經濟型酒店的需求非常大，這方面需要政府的土地政策配合，加快進行，例如活化工廈等。很多遊客不願意在香港久留，就是因為酒店實在太貴，太不值。經濟型酒店可與目前國內龐大的連鎖酒店網絡連接，任何季節都不愁沒有客戶。 4）購物的優勢恐受到衝擊：因為香港是一個免稅港，購物天堂的地位短期內沒有一個國內城市可取代。但是如第一點所述，香港購物環境不理想，國內一些高質素遊客情願去杜拜、歐洲等地購物，順便旅遊。還有就是網絡購物的興起，國內在這方面的發展極為迅速，網絡商店、團購、以及相關的管理機制、推廣機制日益成熟。網絡買賣的優點是效率高、中間環節少、價格低廉。缺點固然不少，但發展至今已大有改善，已成為年青一代的消費時尚和習慣，香港由於文化和關稅問題，沒有融入國內這一日益龐大的體系。網絡購物長遠發展無可限量，對傳統購物方式帶來衝擊，也必然對香港的購物天堂帶來衝擊。 作為普通市民、普通商人，大家只關注賺眼前的錢，但作為政府，一定要有長遠規劃，以保香港長期繁榮。 |
|
8. 秋天 2011-11-16 17:58:05 |
|
樓上--上善兄: 如果唔係咁多人炒賣名牌貨品或手機電腦,香港就唔會賣到咁貴,一線舖租就唔會倍數上升,咁都係加速咗香港通貨膨脹,對民生亦可以講好大影響. 打擊炒樓嘅SSD係惡策,對政府稅收有影響之餘,仲令多個行業受極大影響,失業率肯定大幅增加,對誰有好處? |
|
9. 同意 2011-11-16 18:02:46 |
|
我哋小市民,都認同香港係自由經濟市場,不應成日干預,其他市場炒賣活動都係咁嚴重,政府為何獨自出招趕盡殺絕地產從業員? |
|
10. property owner 2011-11-16 18:53:57 |
|
Flat, apartment or even house is for living or long term investment, not for speculation. I am property owner but I agree gov't policy of SSD. If price of apartment is always up and up very fast, middle class like me cannot upgrade our living environment. |
|
11. 韋良 2011-11-16 22:37:00 |
|
住屋始終涉及民生，與非必需品混為一談不是太恰當。樓宇價格的確不應太大波動，民生不穩則民心不穩。 然而，政府現在像要推倒樓價，並不是穩定樓價。個人也認同政府不應採用過多行政手段妄去控制樓價。除了扭曲了市場遊戲規則外，也如蔡先生所說對眾多相關行業製造莫大影響。政府確是不應因為未上車或已沽空人士而把以上有關人士作為犧牲品。政府只是需要幫助有需要者解決居住問題，並沒有責任幫助一些能自力更生的人解決上車問題。政府需要做的是盡力令樓市健康發展，並不是懼怕一些聲音而強行推倒樓價。 |
|
12. 秋天 2011-11-16 22:50:00 |
|
樓價升或跌市場會自然調整,好似美國咁,經濟宜家差,人民想樓價升都升唔到,香港樓價都有大跌7 成嘅時候,當年有誰可憐負資產者? 香港係特別市場,係出產樓宇和名牌珠寶嘅地方,港人擁有物業比例係全世界之冠,樓價升時,香港欣欣向榮,樓價跌時冇人有好日子過,就好似法國意大利名牌貨品咁,佢地國民從來唔會反對其售價高昂! |
|
13. 中產A 2011-11-16 23:12:21 |
|
香港地無人冇樓住,政府將大興土木起公屋,同埋可以3年上樓,冇樓住嘅係新移民或年輕人想獨立暫時搬出去住嘅一群. 倫敦樓價咁高其國民好贊成,冇能力可搬去市郊住,佢哋冇問題.香港也一樣,新界樓價相當部分平過深圳,只2000餘元呎,為何香港人唔住得? |
|
14. 地產從業員 2011-11-17 00:54:19 |
|
香港的繁榮穩定有賴持之以恆的高地價政策,現在怕了反對者而推出穩定樓市措施,我們物業代理不反對,但推出SSD是有心故意迫害我們這些從業員,是對我們最大的歧視和欺凌! |
|
15. 向左看 2011-11-17 01:25:03 |
|
樓價下調至普羅大眾都買得起至唔會影響民生,就算名牌貨品或手機之類都唔應該炒得太高,基層市民都應享有優質嘅生活質素! |
|
16. SSD好丫 2011-11-17 02:00:56 |
|
二手供應銳減？打開份報紙，二手供應多過一手供應好多倍喎！下年樓價預期最少跌15至20%，好多業主都放緊盤啦！SSD係冇影響二手供應，成交唔到係買家唔願高價接貨而已。 |
|
17. 非常憤怒的人 2011-11-17 12:23:42 |
|
假如好像 15樓 "向左看" 所講『就算名牌貨品或手機之類都唔應該炒得太高,基層市民都應享有優質嘅生活質素!』 政府咪要提供收取綜缓者名牌貨品或手機之類，因綜缓者都應享有優質嘅生活質素! |
|
18. 向左看 2011-11-17 12:36:15 |
|
是否有人又想搞歧視分化?宜家社會嘅聲音就係,要係市區起多啲居屋,係舊機場建多啲公屋,咁先至可平衡各階層利益! |
|
19. 王先生 2011-11-17 14:10:22 |
|
下列文章有網友一年前發表，依家仲有效！ 文章重溫：「淡友的9大誤解」  [按此打開] [隱藏] 每逢有死人冧樓，都總有一班酸友淡友拍手稱慶。我驚奇地發現，小弟數月前寫的一篇拙文，時至今日一樣通，而且真理越辯越明，因此再post一次和大家分享。
好多酸友淡友唔知樓價大幅下跌的必要3大條件，即：
1. 銀行閂水喉
2. 高失業率
3. 高利率
只要此3項條件不同時出現(強調係同時)，即使世界末日香港樓價都唔會大跌。
1. 有利淡消息，業主一定要賤賣
我做過一個有趣實驗，各位可以跟我一齊做。我試下問公司幾個住公屋未買過樓既淡友，而家供樓利息係幾多，可能我既同事都係arm arm赤柱放監出黎，竟然冇人答得出，有一兩個就答3~4厘，最離譜的一個答5厘，但能夠答0.9~1厘既，係一個都冇。
沒有準確的利率訊息，當然會對市況作出錯誤的估計，亦不會知道現時業主的供樓壓力是何其低。我一再強調，市場出現大量劈價盤的原因是大量業主供唔起樓，只要有能力供，業主會選擇一動不如一靜，因為賣了樓轉租同樣係支出，而且租金遠超實際利息支出，毫不化算。以我住的貧民區屯門市中心為例，月供6000，利息佔1500，但租金就要1萬，即租金支出=利息支出的6倍左右。劈價賣樓後每月的財政壓力會大4000蚊。因此，自住樓的業主都會選擇繼續月供6000，其中1500當係交租俾銀行，4500當係儲錢。
窮鬼業主係呢一刻反而冇能力劈價賤賣，唔係唔想劈俾你。
2. 炒家止賺就叫劈價
呢一兩日我有去地產舖問下有冇筍盤，結果係得個桔。唔係話冇業主減價，而係減完都仲比9月份個價貴，點入呀？
報紙仲搞笑，炒家入貨310萬，叫價410萬，新招後減到385萬就叫「劈」，足足叫高75萬，即原價的25%都叫「劈」！情況就好似一個次次考第一既高材生，測完驗你問佢識唔識，佢話考得好差，你以為今次仲輪唔到你唔合格，點知一派試卷，先知高材生拿99分，99分係佢黎講叫考得好差。
而所謂撻訂其實係新入貨炒家眼見6個月內冇可能升15%以上，在沒有盈利希望的情況下離場止蝕。實際上真正用家在新招後都繼續買樓。
3. 所有業主都可以隨時劈4~5成賣樓
信不信由你，係呢一刻只得有錢佬才有能力劈價3成以上賣樓俾你。原因好簡單，劈價4成我就要抬1成樓價先可以貼錢賣層樓俾你，你欣賞我層樓我貼俾你冇乜所謂，但問題係好似我呢d咁既窮鬼真係冇幾十萬抬俾你。
抬錢賣樓既動機就係，借私人貸款的利息，比供樓利率低，抬完錢反而可以節省利息。但現在暫時供樓利率仲係低，抬錢賣樓冇乜著數，大家可能要等一等。
4. 全港業主PK，我可以獨善其身
很多淡友希望樓價跌，但目的唔係想趁低入貨，而係想睇業主PK，見到有人負資產燒炭食二手飯佢地就會亢奮，說穿了，其實就係心地唔好，損人不利己。
但話時話，如果有一日全港業主都PK，失業冇收入供唔起樓，淡友就可以全身而退做一個食花生既旁觀者？如果係咁天水圍公屋就唔會悲情。訓天橋底既陳伯就係天下最幸福的男人。
事實上，要全港業主一齊PK，香港經濟一定出現嚴重問題，全香港冇人可以冇事甩身。淡友想業主死，但淡友本身自己都要死，仲可能係死先過人。當然，淡友既目的唔係想改善自己生活，由頭到尾都只係想人地同佢一齊PK，所以只要有業主陪佢一齊燒炭佢就覺得賺左。
5. 我冇能力買樓，所以樓價太高
坦白講，我都唔明點解有人會用1萬蚊一呎買樓，但唔明還唔明，有人真係有本事買，首期俾4百萬，月供5萬都供得起，証明人地有本事搵錢多過我，我買唔到1萬蚊樓係我廢，而唔係樓貴。
一再強調，自願的價就係市價，就係合理價，買唔起係人既問題，唔係個價既問題。你唔係身處那個圈子/階層，你不會明白那個圈子階層的人一個月搵幾多，如果你用自己的能力去衡量別人的負擔，一定出錯。
6. 炒家撻訂，我有著數
好多淡友睇報紙見到炒家撻訂，覺得炒家抵死，心都涼晒。但可能佢地未買過樓唔知乜野叫撻訂，撻訂D錢去左邊個度又唔知，總之有人唔見錢就最開心。事實上樓市係zero sum，有人賺錢就有人接貴貨，有人蝕錢就有人執筍野，d錢唔會唔見左，只係會由傻仔度轉移去叻仔度。炒家撻訂，一方面係炒家蝕錢，另一方面睇，係業主無啦啦賺左，d錢唔會落入淡友或買家度，係全數落入業主及agent，我唔明白業主多左錢駛淡友點解會開心。現在情況係，一方面冇實力炒家撻訂，另一方面實力用家、長線投資者創新高呎價，被撻業主錢多左，持貨力增強，個市更加難跌。呢一樣野未買過賣過樓係好難明白。長期淡友一定會誤解。坦白講，如果每次賣樓買家都撻我訂，一年撻一次我已經可以退休唔駛返工。
另外，我做過agent可以講多一樣野俾大家聽，agent的其中一件工作，就係行家(另一間公司)做到成交後，會話俾業主聽賣平左，然後話俾買家聽買貴左，撩佢地撻訂，保持客源盤源。更過份係，正常成交係2~3個月後俾佣，撻訂就即時俾，因此agent係有動機撩自己的客、業主撻訂。對於agent黎講，最理想的環境就係每一單都有人撻訂。
7. 炒家會感到痛苦
任何一個在2009-2010年出入過3次貨既炒家，起碼賺100萬，同一時間持貨50件的大炒家，身家最少5~6億，單係2010年的收入已經8位數字，呢d人既字典入面，只有幸福，沒有痛苦呢2個字。(美孚大炒家97,03,08乜都經歷過，有咩世面未見過？)點解人地撻40萬都撻得起？因為冤枉黎瘟疫去，賺左幾球野，蝕40萬當捐錢。淡友只係睇到炒家撻訂蝕幾十萬，冇睇到人地之前賺既錢已經夠退休。若果淡友既目的係睇人痛苦，好對唔住，對象唔應該係數緊銀紙既炒家。(我做過agent，職業炒家幾錢入貨幾錢化妝幾錢出貨一年出入幾多我好清楚，信不信由你，炒家呢期係嫌賺唔夠，冇得再玩)
8. 冇炒家樓市升唔起
炒家炒高樓價呢個誤解唔單只淡友有，甚至連好多業主都有呢個誤解。事實上，炒家係經常創出屋苑呎價新「低」既人，有睇開樓既人都會發現市場突然會有平10~15%既成交，唔知道呢d就係agent炒家鋤價既成果。地產代理每日既工作之一就係鋤價餵炒家，因為一般玩開既炒家冇即時水位都唔會入貨，父子都冇情講，好多人以為炒家用市價入貨然後mark高黎賣，大錯特錯。代理日日鋤價，部份分行會獎勵鋤到價既agent，鋤低過市價10%的話，即使手上冇炒家，同事成交到一樣有10%佣份。因此，係炒家出沒既屋苑入面，經常會有一股睇唔到，但實際存在既樓價下跌壓力。每一個業主(用家)要出貨時，都會俾agent試探性地鋤一輪摸底，企硬唔俾人鋤既業主可能放盤成個月都冇人睇樓。
另一方面，由於炒家有入就一定有出，令市場長期處於供應充足，樓價上升有壓力。Agent為搏獎金(其實係犯法)，專谷炒家貨，正常用家業主要同炒家鬥就只有減價，坦白講用家業主真係多得炒家唔少。
樓價升跌係經濟大圍環境影響，市升，用家盤一樣會升，市跌，炒家一樣有份。炒家只不過係將物業的實際價值在短時間內反映，因為最終接貨都係用家，用家自願付出的價位，就係市場合理價。
冇左炒家會點？好簡單，agent鋤價的動力、動機會消失，因為鋤到好價，都係益左自住用家，自住用家唔會俾獎金，買左又唔賣，倒不如唔鋤價，佣係用買賣價計，唔鋤價做少d反而高d佣，鋤黎做乜？我可以好肯定，業主冇左炒家鋤佢地價，一定放肆心雄。
炒家係市場生態學上，屬於獅子老虎的食肉型，佢地一消失，原本俾佢地食住既鹿、牛、馬等草食型用家業主，就會坐大影響生態。受害既係準買家！
鋤到價買家唔會俾著數agent(俾都唔夠膽收)，但做高個價反而可以收多些佣，agent今後既方向好清楚，橫掂以後每單deal都係one night stand，點解唔去盡？
冇買過樓既淡友唔知業主諗乜。同樣，冇做過代理亦唔會知佢地諗乜。分析樓價升跌既人就多，但分析負責做deal既agent，真係只此一家。
9. 長期睇淡最安全
外國諺語有云，一個停止了的時鐘每日都會有兩次報時正確。長期睇淡會令人有一種錯誤的安全感，覺得自己只要堅持，總有一日會正確。我唔想討論樓價升跌，只係想問一句，係香港冇公屋冇綜援，退休後可以靠租樓度日嗎？就算你有錢交租都唔會租俾你，因為驚你拉柴影響樓價。社會就係咁現實，又老又冇樓，連仔女都會睇唔起你。大部份人買樓唔係想炒，只係想俾屋企人一個家，以及老年時能夠活得比較有尊嚴，唔駛好似動物咁住係個籠入面。20~30歲個個都以為自己大把時間大把機會，實際上人生已過了1/3，你唔計劃未來30年，社會就會幫你計劃你既人生。淡下又10年，淡下又10年，人生有幾多個10年俾你睇淡？
我心知肚明，淡友睇呢篇文睇到最多一半一定睇唔落去，即使佢地睇足全文，都唔會覺得自己有問題，仍然繼續淡落去。但我建議從未買樓的長期淡友可以去SSP的籠屋睇下環境，橫掂第日自己都會搬去住，早d適應下冇壞。當一個人唔介意自己的結局就係好似動物咁，仲有咩野好講？
[ 本帖最後由 83010278301027 於 2011-3-17 07:34 PM 編輯 ]
|
|
20. 大樓 2011-11-17 15:41:44 |
|
樓上王先生回應文章愈來愈精釆，看得出很用心鑽研，小弟不僅認同其言論，也十分欣賞他！王先生，加油！ |
|
21. 丁丁 2011-11-17 18:08:24 |
|
SSD害人害物 |
|
22. 天宮一號 2011-11-17 18:09:59 |
|
香港好,中國好,天宮一號仲好 |
|
23. 廿一 2011-11-17 18:14:03 |
|
樓市走勢未明，豪宅市場再錄損手個案。九龍建業（ 034）剛劈價推售北角入伙盤曉峯之際，同系已入伙的西半山豪宅羅便臣道 31號，連帶向來有價的特色戶，亦錄蝕讓成交。該盤行政樓層的相連戶，原業主新近以 5200萬元沽出，不但賬面蝕 64.2萬元，連使費蝕約 340萬元。 樓市一手表面風光，二手腳軟大吹淡風，發展商向來以罕有為賣點的特色單位，身價不升反跌。利嘉閣分行經理余達文表示，物業高層 A室， 2665方呎，乃原則 4房雙套相連戶，以 5200萬元沽出，呎價 1.95萬元。原業主 07年 10月以偉興有限公司斥資 5264.2萬元登記購入，公司董事包括趙新、林丹丹。是次買賣，原業主除賬面蝕 64.2萬元外，連同代理佣金及釐印費，勁輸約 340萬元。 該幢豪宅於 07年出售，全幢 87伙，銷售期間遇上金融海嘯，發展商 08年底大減價清貨，一度吸引城中名人，如漫畫家馬榮成及藝人狄波拉等到現址參觀示範單位。女歌手鍾欣桐、著名藝人經理人陳淑芬等，亦先後是該盤業主。市場人士認為，上述易手單位，貴為特色戶，理應有價，而且購入時間為 07年，當時尚未爆發海嘯，過去兩年樓價由谷底大幅攀升，惟該特色戶難逃蝕讓，估計與業主財務問題有關。現時，該盤同類特色戶，叫價約 6500萬元，呎價 2.4萬元。理工大學建築及房地產學系教授許智文認為，樓市偏軟，成交量稀疏，料豪宅蝕讓乃個別事件，未見觸發大規模輸錢個案。 |
|
24. 汝南王 2011-11-17 18:15:02 |
|
曾牽涉官司的旺角弼街 49號舖，市傳剛以 1億元易手，原業主為資深投資者羅家寶，賬面獲利約 4320萬元。 羅氏於 09年 8月以 5680萬元購入上址，今年中入稟高院申請禁制令，指舖位旁擺檔數十年的檔販，非法佔用地舖外牆及阻塞地舖通道，要求法院頒令檔販搬遷。 近日，突傳該面積約 540方呎地舖，已獲大型零食集團承租，月租約 29萬元，並有投資者以 1億元購入，回報近 3.5厘。 企業廣場 3期呎售 6400 此外，美聯商業助理營業董事甘廣然表示，九龍灣企業廣場 3期 29樓 7至 8室，面積約 4590方呎，剛以 2937萬元成交，呎價約 6400元。另有市場消息指，觀塘萬兆豐中心 20樓兩單位， 4531方呎，剛以約 2600萬元易手。 據土地註冊處資料顯示，灣仔聖佛蘭士街的海華苑第 3座，全幢剛以 1.2億元易手，新買家透過東正投資有限公司登記購入，董事包括方公里、謝清泉。原業主為江蘇海外集團屬下的鍾山有限公司，於 95年以 4128萬元購入，據知一直作員工宿舍用途，未有買賣，持貨 16年賬面賺 7872萬元，升值 1.9倍。 |
|
25. 子龍 2011-11-17 23:15:57 |
|
的而且確,新界區有好多樓的價格並非太貴,加上未來政府將大量興建中小型單位,亦同時將推出大量居屋公屋等等,從這些走勢看來,中下價樓將會愈來愈便宜. 港元跟隨美元不斷貶值,在外國人和內地人眼中,香港樓價已非遙不可及,部分國內人甚至覺得新界樓太抵買了,因為比深圳還便宜! |
|
26. 王先生 2011-11-18 08:40:28 |
|
買樓10大誤解 (好文重溫) [按此打開] [隱藏] 重溫數字兄精彩文章 (11-11-2010)
每次睇完都有新領會...... 勁
http://finance.discuss.com.hk/vi ... p;extra=&page=1
1. 我可以係跌市買樓
一再強調，大跌市時雖然樓價平，但買樓第一炮所需的資金唔會按比例大幅減少。大跌市為何會出現？因為有大量業主賤價割愛。為何賤價都要賣俾你？因為冇水。冇水點解唔問人借？因為銀行閂水喉。大家必須記住，大跌市的出現，一定配合銀行閂水喉。如果好似而家咁，打2個電話就借10萬，點解要賤賣層樓俾你？因此，在大跌市時買樓，你必須有心理準備估唔足價，同埋連7成都做唔到。例如200萬跌剩100萬，但銀行只肯估80萬，兼只肯做6成，那麼你就要嘔52萬。如果你係諗住用10萬經MC上呢個100萬盤，可以返屋企訓覺。
還有，要係大跌市時買平樓，你要有好多現金。我強調係現金，唔係股票或其他需要變賣既資產，因為你既股票係大跌市時一樣會下調。
估價8折做6成，係非常樂觀保守的估計數字，事實上，在08金融海潚時，部份銀行在簽按揭契前突然終止申請，1成會都唔俾上既個案真係發生過。另外，除非閣下係公務員，否則在大跌市時好難保証收入不會下跌。
結論：你需要持有目標樓價50%以上的現金。
2. 樓價一定會下跌
樓價在短期內有上落是事實，但另一個更重要既事實係，以30年為觀察期的話，樓價只會上升不會下跌！03沙士價是香港近十年最低價，美孚的03呎價約為1600，但1600這個賤價仍然係美孚入伙價的10多倍！事實上，某時期的低價，通常都會比上一個時期的高價還要高。等樓價爆破的朋友，要有心理準備爆破後的樓價和今日的價其實差不多。
因此，如果你係用家，諗住長住20~30年，只要供款係能力範圍內，就算97年買樓一樣冇問題，因為樓價升跌不會影響你一早已計劃好既供款，20年後樓價一定會超過買入價(請對比1983及2003的樓價)。
結論：以20~30年長線睇，樓價一定升。短期升跌只係為炒家而設。
補充：
有人質疑為何要用過去30年的升幅去推論未來30年，並表示香港的經濟發展已到頂，沒有可能重覆過去30年的升幅。
首先要搞清楚一樣野，就係物價的上升和經濟的發展不一定有直接的關係，事實上香港今天的經濟規模雖然比1980年時大，但沒有大20倍那麼多(我指實際上，不是數字上)。「物價上升=經濟發展」背後，最重要的因素是「金錢的產量是按經濟發展的需要而增加」，例如10個人的勞動力產生了10件衫，社會就按這10件衫的價值(假設每件$10)製造$100的貨幣，分配給付出勞動力的10個人。社會因為有新增的價值(10件新衫)才去製造貨幣，因此「物價上升=經濟發展」。
但現實是殘酷的。自從上世紀70年代美國單方面脫離金本位後，全球的貨幣逐一跟隨，今時今日世界上所有的貨幣背後均沒有實物支持，純依靠政府的信用進行發行。貨幣脫離了黃金的約束後，製造貨幣可以和經濟發展完全脫勾，經濟好時固然可以加印貨幣，經濟差時更加要印。全世界現時在「沒有新增價值」的情況下，卻可以以火箭升空的速度加印貨幣，結果是經濟沒有大幅發展，物價卻大幅上升。製造貨幣的特權階級成為社會的大贏家，製造實物的勞動者卻被社會嚴懲，扭曲了世人的價值觀。衡量一個人的價值，不是看這個人能為社會作多大的貢獻，而是看這個人能夠從社會奪取的資源有多少。
貨幣脫離金本位30多年，因此過去30年的樓價走勢絕對有參考價值。坦白說，今後貨幣的貶值速度能保持30年只跌95%，已經是非常幸運。
3. 遲早會加息
講得呢句說話，即係話而家息平。係人都知遲早會加息，但重點係息口仲平既時候你還左幾多本金？房貸好公道，本金少左，息會按比例減少，係低息環境下你可以好輕易就還幾十萬本金。即使加息，對你的實際影響極微。
結論：趁息平多還本金，點會怕加息！
4. 供30年樓係樓奴
我寫包單，講得出呢句說話既人學歷不會超過小學6年級。世界上所有銀紙現在均以每30年跌95%的速度貶值，簡單來說，30年後港幣的購買力，和現在的日圓差不多，即是說，今日我借港幣100萬，還到第30年就變左100萬yen。當然，中途你係有不斷供款，但你每期供款的購買力都會貶值，變相你可以用貶值後的貨幣購買未貶值的資產。幻想一下你可以用今日既身家，坐時光機回到1980年買當時既樓。因此，30年的供款期內，供款壓力係會越來越低，因為你的債項不斷貶值。頭10年是最艱苦困難的，中間10年可以有閒錢去下旅行，後10年供款比飲茶錢還要低。
結論：供樓係會越來越輕鬆
5. 唔買樓可以租
供樓壓力會隨時間減弱，因為你用未來貶值後的錢，去還今日未貶值的錢。但租金就相反，你一定要用當時的錢去還當時的錢，即是說，當供款金額固定下來，租金卻係會隨時間不斷上升，例如貨幣每30年下跌95%，租金就會同樣以每30年升20倍的速度上升。當然，這是假設沒有加息。但即使有加息，亦不見得租樓會有著數，因為業主會按成本加租，冇死錯人。
租樓的另一個問題係，你和業主的財富差距越拉越大，假設今天你和業主身家都係100萬，租了2年樓洗左20萬，你的身家變成80萬，業主就120萬，差距係40萬，亦即你現有身家的一半。當然，你投資有道，可以用呢80萬本金賺超過40萬，則另作別論。但假如你唔投資，純做租客，你會白白將日後入市上車既資金送俾業主。租金回報5厘知唔知即係點解？即係話你租20年的話，你就送左層樓俾業主。多謝夾承惠。
結論：年輕人應該同阿媽住，省回租金支出。要2人世界可以租時鐘。
6. 生活質素唔可以妥協
好多人唔接受舊樓、單幢樓、大西北，話唔會為上車而降低生活質素。請讓本人告訴你一個殘酷的事實，如果你的能力只能買舊樓、單幢樓、大西北，你冇資格講質素。如果你係打工仔，每日可以係屋企既清醒時間唔會超過6小時，有乜質唔質素？訓到朝早11點，然後先考慮今日返唔返公司打點一下，呢d就叫質素。
結論：先講資格，後談質素
7. 炒家炒高樓價
錯！實際係「買家買高樓價」。冇炒家唔代表用家會平賣俾你，有人肯接炒家貨，代表炒家有眼光，估計到未來樓價有水位，係先有購買力後有炒家。其實有買過樓都會知，買炒家貨好買過用家貨，議價空間比用家盤大，因為炒家係做生意，計好個ROI唔怕平少少賣俾你，但用家就皇帝女唔憂嫁，大不了住多2年先賣。再者，炒家買完一定賣，穩定供應，用家就有入冇出，炒家有時反而會有調低樓價的平衡功能。
結論：自願的價就係市價
8. 市區樓抗跌力強
抗跌力是大跌市時業主繼續供款的能力，因此，以下類別的物業抗跌力一定強：
一、 大部份業主已供斷的屋苑(沒有供樓壓力)
二、 大部份業主的買入價都很低(供樓壓力極低)
三、 業主真係好有錢(沒有收入壓力)
因此，老牌屋苑(第1類)、新界100萬上下的物業、半山豪宅的抗跌力一定高，其中半山豪宅最強。而老牌屋苑如太古城、美孚新村都位於市區，故產生抗跌力強的假象。
以下物業抗跌力最弱：
一、 被發展商食盡溢價的一手樓
二、 業主多數是高收入打工仔(一旦失業很難在短時間內找到同樣人工的工作)
三、 入伙日期接近爆破日期的物業
此三項條件可以同時出現。
9. 以外幣代替房地產作為儲蓄保值工具
QE配合部份準備金制度，令美元的流通量大幅增加，其他貨幣相對美元因此出現顯著升值。身邊有不少朋友考慮將港元兌換成人民幣或澳元搏升值。
首先，我不反對將手頭持有的少量現金換成外幣對沖港幣貶值。但若果手頭持有數十萬至數百萬港幣，樓與外幣2擇其一，則一定是選擇磚頭實物。
QE是聯儲局在帳簿上無中生有數以千萬億計的美元，其好處有四：
1. 刺激美國本土消費市場，改善失業，這個是官方解釋
2. 用貶值後的美元償還美國國債，借10蚊還7蚊，淨賺3蚊
3. 削弱以美元作儲備的國家之國力，尤其是與美國有大額貿易順差的國家，如中國
4. 增強本國出口的競爭力，尤其農產品
顯而易見，美國以外的國家為保出口貿易與及國家的整体經濟，必須參與印銀紙遊戲令本國貨幣貶值。澳元、人民幣和美元一樣正在不斷印銀紙，盡可能維持現有的美元匯率，由於澳元、人民幣不斷增加貨幣流通量，令本土物價上漲，坊間因而指控美國「輸出通脹」。澳元、人民幣及其他貨幣正在不斷印銀紙，不斷貶值是鐵一般的事實，香港人之所以會產生澳元升、人民幣升值的感覺，是因為美元港元的貶值速度更快。任何一個中國、澳洲的老百姓，在這一刻都會感到自己的貨幣在本國內的購買力越來越低，通脹猛於虎！
澳元、人民幣等貨幣雖然在近期相對港幣有顯著大額升幅，但相對實物例如物業甚至日用品，澳元和人民幣同樣是不斷貶值。將身家投放在澳元和人民幣，只不過是由一條賊船跳去另一條，到最後即使外幣有所斬獲，對實物的購買力無可避免一定會下跌，因為貨幣的供應增加速度遠超實物的生產速度。因此，我是極其反對賣樓買外幣的投資方法。但我要強調一點，人在社會生存一定要有一點現金，購買貶值速度較低的外幣作對沖我是贊成的。我所反對的是以外幣作為主要投資/儲蓄工具。
香港使用人民幣作為儲蓄工具還有一個嚴重問題，就是日限提款2萬元的限制。即使你在滙豐、恆生、渣打、中銀、東亞……等10間銀行各開一個人民幣戶口，提款或轉移100萬仍需時5個工作天。顯而易見，對香港人來說，以人民幣作為大額儲蓄貨幣現時仍然是不可行的。
10. 中國富豪的資金會徹離香港
要分析中國富豪為何在香港買樓買股，就一定要明白中國的國情。在中國要發財，一定要有人脈關係，所謂「關係」，說穿了其實是利益輸送，行賄送禮送女人。這些行為雖然是中國商界的基本功，但名義上其實是犯法的。在中國要發財而又出於污泥而不染，基本上是沒有可能，所有人都有犯法，甚至應說所有人都必須犯法。中國的富豪心知肚明中國是人治不是法治，都會怕有朝一日自己會變成第二個黃光裕或周正毅，突然有一天被人上門抄家，家財盡失，瑯璫入獄。財產只要仍在中國國內，都會有被完全充公的可能，為保獲家產，富豪必須將生意運作以外的錢偷運到境外(走資也是非法的)，日後即是不幸在中國被抄家，仍然可以有資金行賄購買自由。否則一旦成為一無所有的階下囚，則一定永不超生。
因此，中國的富豪千山萬水把以千萬計的現金偷運到香港買樓買股，你要他把錢送回中國即是要他的命。香港是中國富豪的保險箱，只要香港的法制仍健全，行政司法仍獨立於中國大陸，中國富豪的資金是不會離開香港的。(國內同胞如欲轉載，請自行和諧)
補充：來香港買樓的大陸人，不限於億萬富豪。根據我所認識的國內朋友的親身經驗(100%真實冇吹水，我甚至有陪同睇樓)，一些身家數百萬的小康之家，為求孩子能有香港身份證，又或者想追仔避開城管打胎，都會在大西北、北區購買低價物業作「生仔屋」給老婆養胎。這些生仔屋在完成任務後都會留在香港放租，不會變賣徹資，因為國內同胞不分貧富，都相信香港的法治精神能夠保障他們的財產擁有權。很多一日投訴到黑的香港人其實生在福中不知福。
後記：市場會嚴懲睇錯市既人，若果你覺得我的觀點係錯的話，就讓市場去懲罰我，同樣，閣下若果睇錯市，必須要有被市場嚴懲的心理準備。補充一點，沒有自住樓的租客，你們現時正在被市場懲罰，反不反省是你們的自由。 |
|
27. 王先生 2011-11-18 10:35:28 |
|
最近有朋友層樓裝修，拒知道我識少少地產常識，就叫我幫手同拒租一個服務式住宅，想話搬開吓。
其實拒要求係幾佰呎市區樓，可以俾萬多元一個月，一個人住有獨立廁所就得！
寫到呢度，行內人仕應該笑左出黎，原來我上網揾左半日，唔係 400 呎要 25K以上，就係 12月中以後先有位！
終於在打左幾拾個電話，都俾我「挖」倒 2 個價錢近磅啲，而短期可入住嘅單位，點知上到去睇睇，話名 250 呎，
點知得翻 160 呎左右可以用，我朋友果廚房都大過拒，真係玩緊「窮富翁大作戰」，而且租金都要成萬銀！
朋友話睇埋下一間先決定，點知嗰間嘅裝修唔合朋友心水，個零鐘咋，打翻電話去先頭嗰間查詢，無埋！！
睇黎我朋友做硬吸塵機，或者日頭早返屋企就走落會所做運動，順便沖埋涼，晚黑就將就一下先！！
從呢單件事之中我睇倒乜？就係「香港樓價過高係偽議題」！係啲政治人物老作點啲選民！！！！
樓價可以吹泡沫，租金根本無得作，點解香港係咁上升？除左老生常談嘅：-
通貨膨脹、買轉租增加租盤需求、年青人無首期焗交租-----之外，係有一班來自五湖四海嘅商人來港尋商機！！
有市區樓租俾人嘅朋友，或者有甲乙級寫字樓出租嘅人都會發覺，呢幾年有好多外國人或外國公司尋租，
國藉除左大路嘅西歐、美國、澳紐、日韓之外，仲有啲係南美、東歐、非洲----，我老細就有層樓租左俾巴西人！
呢啲外國人山長水遠走黎香港「屈居」幾百尺樓，就係來港揾商機，商機係大陸，香港就係橋頭堡！
大陸嘅發展軌跡同所有新興國家同地區一樣，大陸仲有樣嘅着數過人，就係大把港資同人材肯回歸！
大陸打後呢幾十年，就會由製造 / 出口主導，過度去由服務 / 內需主導！！
任何 BIG 1000 企業唔來香港建立橋頭堡，以便進攻大陸龐大市場，不如將間公司「摺埋」好過！！！
近來嗰啲有大型商舖在旺區嘅業主都會發覺，拒哋突然間中左六合彩頭獎，仲要係每一個月中一次果隻！！！
因為有好多外國大品牌，係咁抬住一箱二箱銀紙係拒哋面前「曬泠」，只求租得龍頭舖，不計代價！
呢啲大型品牌如果單計營運肯定入不敷出，但點解拒哋都會做呢啲反智行為呢？就因為拒哋要打大陸市場！！
國際品牌係香港連一間似啲樣嘅龍頭舖都無，不如返鄉下耕田好過，係香港租舖嘅支出，當賣廣告咋！！！
係呢個大時代，長綫樓價點回？？？政府如果再係咁推啲古靈精怪嘅招數去壓啲樓價，棧益曬呢啲外資商人！！
|
|
28. 大時代 2011-11-18 11:41:56 |
|
呢個年頭香港會出現歷史大變遷,CY民望高企,特首選舉贏面高唱入雲,未來佢做咗特首,會改變宜家貧富咁懸殊的境況,大眾市民嘅心聲就係,樓價唔應該炒得愈來愈高! |
|
29. 烤問大時代 2011-11-18 11:49:27 |
|
大時代小朋友,你上次夠話泛民民望高企,點知民望係假,區選一個二個跌落來至真. 小朋友今次又話CY民望高,佢真係多得你唔少. 小朋友,咁細過就腦退化,乜都唔記得拿? 記住一陣轉頭用向左看發表你的真知灼見呀. |
|
30. 叫雞凸首 2011-11-18 11:59:47 |
|
記者直截了當，問唐英年有否私生子，他先呆想兩秒，再說不作任何補充，有記者反問他：「講個『無』字，有幾難呢？」他沒有再回應。傳聞中的緋聞女主角袁莎妮昨日以總商會總裁身份與最低工資委員會見面，但全程迴避記者。 |
|
31. 縮頭凸首更討厭 2011-11-18 12:07:35 |
|
近 日飽受戴德梁行（DTZ）股價大幅插水九成九，身家勁縮三億港元的傳聞困擾的梁振英，連日採取迴避態度，近日終透過報章反駁「一舖清袋」和「生意失敗選特首」的質疑。他表示DTZ股票並非全副身家，因為過去有收人工、花紅、福利，又笑指自己在行內仍然「炙手可熱」，近期仍有獵頭公司邀他「跳槽」。
股價跌非一舖清袋
梁振英雖被指戀棧該職位，未肯辭去公司職務為人詬病外，公司股價急挫亦令他得不償失。但他接受報章訪問時，信誓旦旦稱即使股價跌，也不會令他一舖清袋，因有關股份不是他全副身家。指自己在集團仍取得花紅、袍金和福利等，更自誇時有獵頭公司邀他「跳槽」。
雖然梁一直拒絕公開交代他在生意上面對的挫折，與他參選有沒有直接關係。不過，昨日有另一報道為他一邊備選，一邊仍參與公司賣盤談判，會否涉及利益衝突「解畫」，指他在亞太區業務角色重要，故要維持在董事局的影響力，以保障自己的權益，否則一旦敗選，他就會「政商兩邊皆失意」。
一旦敗選政商皆失意
報道引述梁身邊好友指，不久前，有跨國企業邀請梁擔任非執行主席，年薪甚豐，但因為經常要出差，加上梁已備選特首，故沒有答應。
不過，一旦梁振英決定「跳船」轉職，勢將由大老闆淪為打工一族。
雖然梁採取選擇性回應面對今次事件，但卻引發市場和政界更多質疑，包括曾以「股市有上有落」來淡化事件的他，在公司決策失誤過程中的角色，以及他是否有向公眾坦白交代事件。 |
|
32. 同事 2011-11-18 12:15:36 |
|
兩個都唔撐，我撐蔡生，因為佢好靚仔，又唔叫雞，又老實！ |
|
33. 向泛民说不 2011-11-18 12:40:28 |
|
CY这条废才，生意做不成，就想做梁大炮，周围开空头支票，骗无知妇孺。 如果比他做特首，香港分分钟变DTZ. |
|
34. 唐鷹蓮 2011-11-18 14:45:20 |
|
好多大陸貪官污吏都係叫雞包二奶架啦，現在香港已回歸大陸嘛，叫雞包二奶係好正常的課外活動啦！冇high K仔屌屌fing咪得囉！ |
|
35. 焦土 2011-11-18 15:13:50 |
|
自本周起，意西兩國債券孳息率成為各國股市的「指揮燈」，其他的經濟數據似乎已經與大市無關痛癢。不過，周三美國勞工部公布，美國10月消費者物價指數（CPI）按月下跌0.1%，是4個月來首次下降，「通縮危機」重臨，令聯儲局有空間推出新一輪量寬措施（QE），是現時眾多壞消息之中的「好消息」。 CPI下跌 美通脹放慢成趨勢 美國勞工部公布，美國10月的CPI意外按月下跌0.1%，按年則上升3.5%，顯示通脹壓力有消退象；若撇除能源和食品價格，核心CPI則按月升0.1個百分點，升幅與9月持平。由2010年10月計起的12個月，只有今年的6月和10月的CPI出現下跌，並且自今年7月起，美國消費者物價指數的按月增幅已經持續放緩，由上升0.5個百分點跌至10月的下降0.1個百分點（見圖），反映美國通脹放慢已成趨勢。 聯儲局主席伯南克在今年7月出席眾議院聽證會時表示，經濟疲弱持續時間或超預期、通縮風險可能重現，聯儲局會在必要時採取行動。當時這番言論被市場解讀為伯南克或會推出QE3。自此後，市場每逢聯儲局議息前，就會輪番炒作QE3的消息。但由於聯儲局內的鷹派和鴿派分歧嚴重，一直無法為QE3達成共識，聯儲局為免市場失望，亦承諾延長超低息環境及推出扭曲操作（OT），安撫市場情緒。 不過，通脹問題一直是美國的惹火議題，主因是聯儲局的通脹目標不是以CPI計算，而是用撇除能源和食品價格的核心CPI作為基準，令最影響民生的食品價格升問題，不能反映在聯儲局的貨幣政策，引來國民指責聯儲局只顧救銀行，不理人民的死活，間接埋下民眾對華爾街的不滿。 紐約(新聞 - 網站 - 圖片)聯儲銀行行長杜德理（William Dudley）今年曾為聯儲局採用核心CPI作為通脹目標護航，稱量度通脹應以全盤來看，並以舊款iPad降價為例，指通脹問題並不如想像中嚴重，隨即引來猛烈抨擊，有人更稱﹕「我總不能把iPad拿來吃」。 聯儲局的下次議息日期為12月13日，隨著美國通脹放慢，加上歐元受歐債危機打擊轉弱，反映美元強弱的美匯指數現時已重返78，接近聯儲局2010年推出QE2時的水平，故QE3可以說是萬事俱備，只欠東風。倘若11月底及12月初股市大跌，市場恐慌情緒再現，聯儲局在12月中宣布推出QE3，也可算是意料中事。 明報記者 謝德健 |
|
36. 柬埔寨 2011-11-18 15:15:16 |
|
內地房價繼續調整 但分析相信政策不會放鬆 香港電台 – 2小時16分前 國家統計局公布，內地70個大中城市中，10月份有34個城市樓價按月下跌，較9月份增加了17個城市。 另外，有20個城市房價按月持平，餘下樓價按月上升的城市中，價格升幅亦不超過0.2%。 中原地產華北及華西總裁黃雄表示，自9月份起，全國成交量跌得較快，主要是銀根緊張，令持有較多庫存的發展商，逐步減價，拖低整體樓價。但他指出，中央的房地產政策不會因為一、兩個月的數據表現而放鬆。 |
|
37. 王先生 2011-11-18 15:25:07 |
|
做成大跌市的導火線係業主供唔掂樓，冇其他任何直接原因。
簡接原因可以係業主失業等等，但業主要選擇係跌市劈價賣樓，一定係因為供唔掂。(趁亂換樓另作別論)
抗跌力一定係睇有冇業主會供唔掂劈價。如果業主供得掂，市場價唔到心水價，大可以封盤唔賣，理鬼得佢有冇人買。
08年海潚好快就跌完，就係因為息低失業率低，大部份業主供得起都寧封盤不減價，趺左3個月就開始反彈。
|
|
38. 大時代 2011-11-18 16:32:16 |
|
本人力撐CY梁,只有佢至有能力令中下階層人士得到平等公正待遇. 憑能力與民望,CY更勝一籌! |
|
39. 小學生 2011-11-18 19:48:13 |
|
同人不同命是非常正常. 珠寶名牌是奢侈品.住屋對於一般人不是租,就是買.是必需品.是影響民生的. 當然, 房產除是住屋需求外,也有投資需求. 兩種需求是很不同的. 不能混為一談. 其實大部份的地產從業員,或是物業投資公司經常會說如果是自住早點買好過遲.除非因經濟環境改變,如失業.俾銀行收樓,否則問題不大.其實這應該係對的.而且百萬業主入面大部份都係呢d.升同跌都唔會賣,因為要住. 所以依家一日都響度嘈反應激烈的.都是百萬業主入面的物業投資者/公司.可能係10%, 20%吧.各位有沒數據? 因為樓價一跌,佢地係第一個受害,因為投資受損. 如果百萬的業主都唔賣,樓市真係唔會跌.只會冇成交.我都一樣相信自住的業主大部份都唔賣.但百萬業主裡投資的一部份(%?)呢?.投資是有成本的,而且有時間值.真係可以響跌市長期持貨? 歸根究底,樓市升跌都係人的信心問題. 其他都只唔係主要. 吹到懶有根據咁, 都只係吹水. 如利息高低, 97前利息唔低都可以炒鑊金. 而息低個市都可以差到好死架.你睇日本,同美國. 日本就尤其係佢之前樓價升到超高,泡沫爆破衰到依家. 當然佢地同香港的情形是不同. 大家吵得咁勁, 呢個又唱衰.其他又唱好.重要跟住互插. 都係驚因為一路唱衰, d人開始冇信心,個市就跌啦. d投資的,就入肉,死得啦.... 唱衰,唱好其實好多都有佢原因,甚至陰謀... |
|
40. 烤問大時代 2011-11-18 20:37:53 |
|
cy要靠大時代撐佢, 真係悲哀, 結果如飯民區選, 可以斷言! |
|
41. 亞Q 2011-11-18 21:13:13 |
|
區選前大時代夠話泛民一定大獲全勝，結果係全勝就無，大鑊就真！ |
|
42. 中學生 2011-11-18 21:13:51 |
|
香港就是一個特別的地方,每樣物品都在炒,也每樣東西都影響民生,正正就是因為它們都有升值的潛力,所以港人應時刻把握賺錢良機,這一點蔡生確是看得比別人清楚. 個人認為蔡生文章形容得非常貼切,尤其他說物業是港人的身家財產,是港人金錢財富,總是鼓勵別人多作物業投資保值,苦口婆心,願意分享其成功之道,令一眾後輩十分佩服! |
|
43. 中學生 2011-11-18 21:33:28 |
|
奢侈品又好,必需品也好,都具有投資價值,記注,這裡是香港,嚴格來講,唔買私樓都可以過日子,沒甚麼大不了. 大把人一世住公屋都很開心,只是有人見到別人買樓升咗值,心理唔平衡唔開心,就好似見到別人戴著珠寶鑽石會嫉妒一樣,黃金鑽石近年來升值幅度不亞於樓房價格. |
|
44. 中產A 2011-11-18 21:46:16 |
|
本人覺得蔡生文章比較中肯,升時說升跌時話跌,言論持平合理,大家都知樓價將會下調,惟恐樓價暴跌影響香港經濟,作者站在地產中人角度,呼籲當局取消不合時宜的SSD政策,為眾多從業員出聲是無可厚非! |
|
45. 向左看 2011-11-18 21:55:44 |
|
CY當選至係眾望所歸,係現今見高拜見低踩嘅社會,試問誰人為我哋貧苦大眾出頭主持公道? 觀CY就有此大無畏精神,佢係有抱負有承擔之人,相反唐唐性格憂柔寡斷,內外才均欠奉,睇唔出有何能力管治香港! |
|
46. 非常憤怒的人 2011-11-18 22:25:23 |
|
CY抱負只得一個，就係於梁氏祖宗普，留下特首的榮譽，其實佢好想做好久。 |
|
47. 亞Q 2011-11-18 23:00:25 |
|
最好讓 TVB 播放番當年佢對住鏡頭講 N 年都唔會去參選特首個段片，請教佢有無患上無失憶。 |
|
48. 向左看 2011-11-19 12:10:42 |
|
CY對於其測量師行出現困難一事被大肆報導,並沒有係鏡頭前嚇倒,只淡淡講咗句:一切是傳媒炒作新聞而已. 擁有臨危不亂和縱容不迫嘅態度,至有足夠條件成為香港嘅領袖! |
|
49. 向右看 2011-11-19 12:21:20 |
|
|
|
50. 非常憤怒的人 2011-11-19 12:22:12 |
|
48. 向左看 你以為CY當選做特首以後他就會行福利主義? 以前又唔見佢做show? 這人會變臉的，看事不要太表面。 |
|
51. insider 2011-11-19 12:24:08 |
|
向左看說的見高拜見低踩，正正係ｃｙ最佳寫照，佢身邊人最清楚． |
|
52. 非常憤怒的人 2011-11-19 12:48:02 |
|
To:向左看 小弟曾經會見一個求職會計副經理的人，他沒有會計學士，或會計專業資格，只有1年會計經驗，但他非常有自信，而還向小弟發問問題及mark低，好像他interview 小弟。 但他〝擁有臨危不亂和縱容不迫嘅態度〞不能=於能力，所以小弟並沒有請他。 小弟身邊有很多朋友都有小孩，他們都向小弟訴苦有關小孩成日玩，唔温習。相信大部份小孩都愛玩而唔温習，如果父母真的由小孩决定自己日程，相信該小孩長大後必埋怨他的父母不好好教他。同樣道理，由大多數人(低下層) 去决定一個社會的重大的方向(福利主義)，未必是好事，只是今世唔還比下一代還，咪又係自私的行為。 |
|
53. 非常憤怒的人 2011-11-19 13:14:43 |
|
小弟覺得CY知道阿爺幫唐唐，他必輸，所以他假大空，大派福利以高民望去壓倒唐唐，迫使阿爺於兩難局面。 |
|
54. 向左看 2011-11-19 13:30:18 |
|
各位唔需要咁怕CY做特首,你哋又唔係大財團,唔好將個人利益睇得咁重,長遠來講,CY至能夠平衡各方面嘅利益. 想社會和諧,大家都要付出努力,手上有一層樓小業主,邊個做特首其實冇所謂,如果基層市民開心過日子,人人安居樂業,香港自然就更加美麗,外資中資繼續來,港人更有著數. 所以講,CY當選,社會低下層有生機,香港就愈來愈繁榮! |
|
55. 不明白 2011-11-19 14:08:01 |
|
CY連自己公司都未管得掂, 點樣可以管得掂香港 |
|
56. 白色恐怖 2011-11-19 16:18:14 |
|
不是"怕"CY做凸首,只係唔想一個無知,無能,無恥之徒上位,禍港殃民,請樓上不要偷换概念. 建華六年仲唔夠?再要來過振x十年?香港人,可以有幾多個十年? 城大比佢做校董,已經搞到死死下,天怒人怨,白色恐怖,前車可鑑也. |
|
57. AIA 2011-11-19 20:33:46 |
|
CY給我的感覺是表裡不一,過份自信,狂開空頭支票,我相信CY當然特首後,要他找數,佢會唔介意把維港填平,用儘庫房裡的錢,我想香港的老本,夠他用到換屆 |
|
58. AIA 2011-11-19 20:41:16 |
|
在我心目中的領導人才是,懂得找適合的人,做適當的事,為人可親好像董伯伯禁,可惜董伯伯沒有找適合的人,做適當的事 |
|
59. 派錢 2011-11-19 23:34:41 |
|
政府派六千蚊,咪買iphone 4S,政府派六千萬,咁咪買樓 |
|
60. 派錢 2011-11-19 23:34:50 |
|
政府派六千蚊,咪買iphone 4S,政府派六千萬,咁咪買樓 |
|
61. 亞Q 2011-11-20 00:23:54 |
|
個班大聲話：「孭呀，想用錢塞住我個口呀！」嘅仁兄當時幾豪氣，唔知佢地有無申請個六仟元呢？ |
|
62. 向左看 2011-11-20 03:23:07 |
|
從近期兩位疑似候選人嘅表現看來,CY的確係稍勝一籌,香港愈來愈步向民主,人民手握選票,將來政府嘅政策制定應以普羅大眾為依歸,唔能夠好似宜家咁偏向地產商. 唐唐俾人太過注重商界財團利益,CY至能照顧社會各界需要,佢當選對香港嘅穩定繁榮有著正面作用,就算1200名選委在選舉時,都應以民意作基礎來投票,否則公然與民為敵,勢必招致公憤! |
|
63. 頂你唔順 2011-11-20 07:43:32 |
|
問向左看: cy除咗得把口,有邊單野係表現得民主?佢昨日比一眾教師同學者,狠批做城大校董時,辣手對付師生,全無諮詢. cy間公司,更係一言堂,結果搞到一鑊泡. 有大時代同向左看撐佢,更顯出只有無知者才係佢既支持者. |
|
64. 向左看 2011-11-20 23:49:27 |
|
樓上咁講未免太武斷,CY宜家有好多支持者,商界和社會各界都有,遲啲會公佈其參選的領導班子,相信有好多人才願意跟隨佢. 物業炒家和投資者唔駛咁擔心,將來新嘅領導層未必會故意推倒樓價,只是唔會俾樓價再狂升,搞到民怨愈來愈深.講真句,CY就係有能力平衡各階層利益,各位市民應很清楚誰人能力較高? |
|
65. 小道 2011-11-20 23:58:50 |
|
今天電視又播咗民意調查結果,清楚顯示CY民望完全大幅拋離其他參選者,咁嘅結果唔知呢度嘅小業主有何感想呢? |
|
66. 頂你唔順 2011-11-21 00:14:05 |
|
民調？區選先ｄ飯民都以為民調有利佢地，結果？有眼睇！ 究竟有冇人,包括大時代同向左看之流,講得cy做過d乜,有何功績? 除左吹之外 |
|
67. 香港人自求多福, 好過啦啦! 2011-11-21 01:09:09 |
|
不管你們怎样狡辯，不得不承認香港發展已接近完成，未來發展商机小創造力空間狹窄，貧富差距永不会消滅的，每天輸入貧困新移民，在職貧窮人士，夾心階層等这些都不是社會主流的納稅人士；隨著人口老化問題越來越嚴重，人均壽命長意味著醫療養老開支費用龐大，尤其，506070年代出生人士未來20年佔用醫療開支將遂年攀升，私營醫療和保險將費用轉嫁用者自負身上．． 醫療教育房屋，安老政策綜援人加在一起与中產和有錢納稅者一同放在天秤上，聯想下天秤錘哪个較重，怎麼樣取得平衡－－ 誰做特首都不會阻礙樓市發展，新特首要根據基本法量入為出原則管理好香港，是管理香港而不是管治香港－－Are you understand? surplus派糖，more surplus派錢，deficit開源節流，反正樓市升５成跌５成对香港有害有利，考驗你升市跌市時有沒能力做好盤靚數，樓市升你可能會是下一个湯生，樓市跌政府不會像大陸般見死不救的，至於處於中下游的，由得他們自相殘殺好了，各家自掃門前雪，这句話沒錯了 ！ |
|
68. 小道 2011-11-21 02:12:53 |
|
做過啲甚麼唔係咁重要,好像曾特首做咗40年政府工,唔係表示市民一定鍾意佢,睇宜家幾位候選人,以前亦沒有為香港作出太大貢獻. 市民要嘅未來特首係一個有民望,有能力及有承擔嘅人,將來可帶領香港繼續安定繁榮,創造一個公義平等嘅香港社會. |
|
69. Cash is King 2011-11-21 07:51:59 |
|
反正邊個做特首都冇乜作為架啦，邊個應承派錢派得最多就支持邊個囉 |
|
70. 80後的蟻民 2011-11-21 10:46:30 |
|
RE:69 派1次錢你每1餐加1蚊, 你制唔制?
真正的還富於民, 唔係派錢,
盲目派錢同共產主義無分別, 都係阿公收集, 平均派出
應該做既, 係俾錢落基建,改善教育制度, 增加社區資源
係公共屋苑商場鋪租唔好"淨係"因為利大租俾大商戶而呃殺小商戶, 咁樣係=加速大商戶壟斷發展
咁樣先係正確既施政方針 |
|
71. 普通人 2011-11-21 11:12:17 |
|
「額外印花稅」(SSD)減低了流動性(Liquidity)，冇錯「SSD」並不能把樓價大大壓低，但卻可以減低了樓價向上/下的波幅，這不是社會上的共識嗎? 【穩定】就是大道理，政治亦正確，要【穩定】當然是付出代價吧~ |
|
72. 虎牙 2011-11-21 15:02:32 |
|
取消SSD!!!!!!!!!!!!!!!!!!!!!!!!!!!!!!!! |
|
73. 向左看 2011-11-22 00:52:44 |
|
支持一切穩定樓市措施,CY有足夠能力帶領香港走向更公平均富嘅社會,民望勝於一切,市民的選擇是明智! |
|
74. AIA 2011-11-22 00:57:43 |
|
糾正一下,這個世界沒均富的,只有均貧,做又36唔做又36,你倆仔爺做埋佢LO |
|
75. AIA 2011-11-22 01:02:05 |
|
如果你追尋公平均貧社會,我會覺得合理,不過那時又有政府霸權了 |
|
76. AIA 2011-11-22 01:08:40 |
|
當均貧社會出現,我們真是"WE ARE 99%"了,到時做官才發達,例子:北韓等鐵幕國家 |
|
77. 炒商廈商舖 2011-11-22 09:34:32 |
|
中原管理層自去年起，因應低息環境而成立投資基金，將部份資金購入物業保值及投資，主要為地舖及甲級商廈。去年 8月，斥 1.33億元購入灣仔道 93至 99號地舖，是該基金迄今最大手買賣。期內亦有入市鴨脷洲海怡半島商場舖及金鐘統一中心商廈單位等。 資料顯示，施永青基金近年亦時有入市，同樣以買工商舖物業為主。 |
|
78. 向左看 2011-11-22 13:47:26 |
|
樓上"AIA"都幾強詞,香港貧富懸殊係人都知和加以反對,作為友善嘅港人,應該用愛心去幫助弱小社群,而唔係恥笑大家齊齊變為貧窮. 希望社會和諧就要人人平等,創造均富嘅理想社區係非常正確,唔明那班自私嘅香港人為何咁執著? |
|
79. 向左看 2011-11-22 14:20:11 |
|
點解唔諗社會可以均富平等,係都死諗平等均貧,真係食古不化! |
|
80. 80後的蟻民 2011-11-22 15:13:10 |
|
RE : 向左看
想請問閣下高見
如果你有100億, 會唔會心甘情願留係香港俾人分身家
好坦白, 如果係我我一定走,
冇錢人冇錢走唔郁,
最後淨低咪得番D窮人, 咪均貧
我咁樣諗岩唔岩
閣下所見, 均富係如何做成的呢? |
|
81. 外国工作港人 2011-11-22 15:27:53 |
|
TO: 80後的蟻民 你不用等向左看回复你了，因为他已经去了美国参加总统竟选。如能有办法創造均富嘅理想社会，他一定当选。 |
|
82. 吉隆坡 2011-11-22 15:37:23 |
|
http://news.now.com/home/local/player?newsId=18218 |
|
83. AIA 2011-11-22 22:48:17 |
|
回向左看:我覺得這個是事實,沒有任何恥笑成份,如果有均富的方法,那人早拿落貝爾獎了. |
|
84. 不甘心 2011-11-22 22:52:56 |
|
都係你有point |
|
85. 向左看 2011-11-23 01:49:03 |
|
共產主義或均富社會確實係好難實現,,不過人類起碼應朝著咁嘅目標奮進,平等公義行為應受到尊重,唔明有人為何咁驚慌公平社會. 有人心地嘛嘛,成日想高人一等,自己做有錢人,唔理貧窮者嘅辛苦日子,咁嘅社會將愈來愈分化,階層矛盾日益擴大對香港整體利益沒有好處! |
|
86. 小道 2011-11-23 01:55:40 |
|
支持樓上"向左看"嘅言論,善良的港人應有一棵同情心,面對那些生活在貧窮線下的低下層市民,要向他們伸出援助之手,而不是對他們落井下石! |
|
87. 老施 2011-11-23 10:15:02 |
|
住宅價格下跌已經係市場共識，唔炒住宅，可以炒商廈商舖，海闊天空，大把水位，來年商廈商舖加租幅度更大，價格自然水漲船高，身家番幾番輕而易舉，駛乜理咁多SSD丫！ |
|
88. 80後的蟻民 2011-11-23 10:16:01 |
|
在下看來, 均富的確係一個非常理想的概念,
但如盲目追求, 只會令社會步向福利共產主義, 重現做又36唔做又36的情況
我極同意一個繁榮的社會, 應該保障低下階層及貧窮人仕,
但只應滿足生活需求, 而他們希望如果要享有更多,
理應出自他們的一雙手, 而不是出自他們的一把口
一句說話, 人心不足蛇吞象 |
|
89. 吉隆坡 2011-11-23 12:29:38 |
|
http://news.now.com/home/local/player?newsId=18229 |
|
90. 不平等 2011-11-23 13:37:03 |
|
香港應該大量興建房屋及基建項目,至可以照顧基層市民嘅工作就業機會,如何令香港人貧窮懸殊改變,係下一届特首最急切需要解決嘅問題,選特首大家知邊個合格啦! |
|
91. m 2011-11-23 21:13:01 |
|
SSD just bad to property Agent, not to real users or long term rental receivers. Don't tell lie to public. |
|
