今日早上去到茶餐廳，有客人話銀行單咗一聲俾佢，新一姐上任，可能會向佢追收當日借俾佢買債券的investment loan，那些債券有部份已經違約，甚至清零，而做擔保的物業又跌了不少，就算賣都可能唔夠填數，客人怪銀行當日sell佢買債券，現在就追佢數，暫時冇得還，希望可以債務重組。
老闆話，銀行到今時今日才call investment loan已經是有情有義，你估銀行唔知道有一些債券價格已經跌得很低，銀行可以隨時call loan，銀行唔call是希望客戶可以自行出售做扺押品的物業，如果銀行要call loan，一年前就可以call，唔使等到今時今日，但如果一年前call loan，不少買債券的客戶要賤價賣物業，對樓市有很壞影響，銀行已經好忍手，並不是銀行家有菩薩心腸，只是當時call loan ，在爭相出貨之下，樓市必然會大冧，現在雖然亦唔講得好，但仍然可以控制，現在樓市已經回穩，那些持有債券的業主要賣樓亦比較容易，樓價亦比較好，當然，用物業抵押借錢買債券的都是大孖沙，銀行亦唔會趕盡殺絕，大家一定會搵到一個可行的方法來重組債務。
老闆話，銀行sell 人買債券是冇問題，但千祈唔好sell自己客戶買，因為銀行一定會借錢俾客戶，如果債券出問題，兼樓價下跌，銀行就有機會出現壞帳，現在就是這個情況，如果銀行唔借錢俾客戶買債券，就算客戶想買都冇錢，咁就唔會出事。
上一則：
Javascript must be enabled to use this form.
一年前就可以call，唔使等到今時今日，但如果一年前call loan，不少買債券的客戶要賤價賣物業，對樓市有很壞影響，銀行已經好忍手，並不是銀行家有菩薩心腸，只是當時call loan ，在爭相出貨之下，樓市必然會大冧，現在雖然亦唔講得好，但仍然可以控制，現在樓市已經回穩，那些持有債券的業主要賣樓亦比較容易，樓價亦比較好，當然，用物業抵押借錢買債券的都是大孖沙，銀行亦唔會趕盡殺絕，大家一定會搵到一個可行的方法來重組債務。